2025-இல் கர்நாடகாவின் முதல் 10 பணக்காரர்கள்.. யார் யார், என்ன தொழிலில் இருக்காங்க.!!

இந்தியாவின் பொருளாதார வளர்ச்சியில் கர்நாடகா ஒரு முக்கிய பங்கு வகிக்கிறது. கடந்த பத்தாண்டுகளில் 93.6% வளர்ச்சியைப் பதிவு செய்து, 2024-25 நிதியாண்டில் தனிநபர் வருமானத்தில் இந்தியாவுக்கே முதல் மாநிலமாக கர்நாடகா முன்னேறியுள்ளது. நிலையான தனிநபர் வருமானமான ரூ.2,04,605 கொண்டு, கர்நாடகா தேசிய சராசரியான ரூ.1,14,710-ஐக் கடந்து, தமிழகம் போன்ற பாரம்பரிய வலுவான மாநிலங்களையும் முந்தியுள்ளது. இந்த வளர்ச்சிக்கு முக்கியக் காரணம், கர்நாடகாவின் தொழில்முனைவோர்கள், அவர்களின் தொலைநோக்கு பார்வை மற்றும் கடுமையான உழைப்பு காரணமாக பார்க்கப்படுகிறது. அவர்களின் தொழில் முயற்சிகள் மாநிலத்தை மட்டுமல்ல, இந்தியாவின் பொருளாதார உயர்வையும் உலக அளவில் தூண்டியுள்ளன.

கர்நாடகாவின் முதல் 10 பணக்காரர்கள் பட்டியல் (2025) ஃபோர்ப்ஸ் படி: அசீம் பிரேம்ஜி - கர்நாடகாவின் மிகப் பணக்காரர், நிகர மதிப்பு: $11.7 பில்லியன், தொழில்: விப்ரோ (Wipro) நிறுவனர். விப்ரோவை உலகளாவிய ஐடி நிறுவனமாக மாற்றியவர். எளிமையான வாழ்க்கை முறைக்கு பெயர் பெற்றவர். டொயோட்டா காரை ஓட்டுபவர். கல்வியில் கவனம் செலுத்தி, அசிம் பிரேம்ஜி அறக்கட்டளை மூலம் பெரும் கொடையாளராக இருக்கிறார்.

நாராயண மூர்த்தி - ஐடி துறையின் தூண்: நிகர மதிப்பு: $4.4 பில்லியன், தொழில்: இன்ஃபோசிஸ் (Infosys) இணை நிறுவனர், இந்திய ஐடி புரட்சிக்கு வித்திட்டவர்களில் ஒருவர். எளிமையான வாழ்க்கை முறை, பணிவு மற்றும் சிந்தனைத் தலைமைத்துவத்திற்காகப் போற்றப்படுகிறார்.

இர்பான் ரசாக் - ரியல் எஸ்டேட் அதிபர், நிகர மதிப்பு: $1.7 பில்லியன், தொழில்: பிரெஸ்டீஜ் குழுமத்தின் (Prestige Group) தலைவர்.தென்னிந்தியாவின் மிகப்பெரிய ரியல் எஸ்டேட் நிறுவனங்களில் ஒன்றை நிறுவியவர்.

கிரண் மஜும்தார்-ஷா - பயோடெக் ராணி, நிகர மதிப்பு: $3.4 பில்லியன், தொழில்: பயோகான் (Biocon) நிறுவனர். இந்தியாவின் சுயமாக வளர்ந்த மிகப்பணக்காரப் பெண். பயோடெக் துறையில் ஒரு முன்னோடி ஆவர்

நிகில் காமத் - கர்நாடகாவின் மிக இளம் பணக்காரர், நிகர மதிப்பு: $2.5 பில்லியன், தொழில்: ஜீரோதா (Zerodha) மற்றும் ட்ரூ பீக்கன் (True Beacon) இணை நிறுவனர். இந்தியாவில் பங்கு வர்த்தகத்தை மாற்றியவர். வேகமாக வளர்ந்து வரும் இளம் தொழில்முனைவோர் ஆவர்.

கிறிஸ் கோபாலகிருஷ்ணன் - தொழில்நுட்ப தொலைநோக்குப் பார்வையாளர், நிகர மதிப்பு: $3.5 பில்லியன், தொழில்: இன்ஃபோசிஸ் இணை நிறுவனர் மற்றும் தொடக்க நிறுவன முதலீட்டாளர். இன்ஃபோசிஸின் முக்கியமான தலைவர். தற்போது மூளை அறிவியல் ஆராய்ச்சி மற்றும் கல்வியில் ஈடுபட்டுள்ளார்.

ரஞ்சன் பாய் - கல்வி மற்றும் சுகாதாரத் தலைவர், நிகர மதிப்பு: $2.8 பில்லியன், தொழில்: மணிப்பால் மருத்துவம் மற்றும் கல்வி குழுமத்தின் தலைவர். இந்தியாவின் சுகாதாரம் மற்றும் கல்வித் துறையில் ஒரு முன்னணி சக்தி.

ராஜேஷ் மேத்தா - தங்க நகைகளின் அரசர், நிகர மதிப்பு: $1.57 பில்லியன் தொழில்: ராஜேஷ் எக்ஸ்போர்ட்ஸ் (Rajesh Exports) நிறுவனர். உலகின் மிகப்பெரிய தங்க நிறுவனங்களில் ஒன்றை உருவாக்கியவர்.

நந்தன் நீலேகனி - பொது தொழில்நுட்ப கண்டுபிடிப்பாளர், நிகர மதிப்பு: $3 பில்லியன், தொழில்: இன்ஃபோசிஸ் இணை நிறுவனர் மற்றும் ஆதார் திட்டத்தின் சிற்பி, பொது வாழ்க்கையில் நேர்மைக்கு பெயர் பெற்றவர். ஆதார் போன்ற தேசியத் திட்டங்களுக்குப் பங்களிப்பு செய்தவர்.

விஜய் சங்கேஷ்வர் - போக்குவரத்து மற்றும் ஊடக வணிகர், நிகர மதிப்பு: ரூ.10,000+ கோடி (மதிப்பீடு), தொழில்: வி.ஆர்.எல் குழுமம் (VRL Group) மற்றும் ஊடக உரிமையாளர்.

ஒரே ஒரு லாரியுடன் தனது தொழிலைத் தொடங்கி, இந்தியாவின் மிகப்பெரிய தளவாட நிறுவனத்தை உருவாக்கியவர்.

இந்தத் தொழில்முனைவோர்கள், கர்நாடகாவின் பொருளாதார நிலையை உயர்த்தியதுடன், பலருக்கும் உத்வேகமளிக்கும் ஒரு தலைமுறையையும் உருவாக்கியுள்ளனர். அவர்களின் கடின உழைப்பும் தொலைநோக்கு பார்வையும் கர்நாடகாவை இந்தியாவின் பொருளாதாரத் தலைநகராக நிலைநிறுத்தியுள்ளன.