கோட்டக் மஹிந்திரா வங்கியின் புதிய CEO.. யார் இந்த அசோக் வாஸ்வானி..?

கடந்த மாதம் உதய் கோட்டக் ராஜிநாமா செய்ததைத் தொடர்ந்து, அசோக் வாஸ்வானி-யை வங்கியின் அடுத்த நிர்வாக இயக்குநர் மற்றும் தலைமை செயல் அதிகாரியாக (MD மற்றும் CEO) நியமிக்க இந்திய ரிசர்வ் வங்கி (RBI) ஒப்புதல் அளித்துள்ளதாக கோட்டக் மஹிந்திரா வங்கி அக். 21 ஆம் தேதி தெரிவித்துள்ளது.

கோட்டக் வங்கியுடன் அவர் 21 ஆண்டுகள் அசோக் வாஸ்வானி இணைந்து பணியாற்றி வருகிறார். வாஸ்வானி ஆரம்பத்தில் சிட்டி குழுமத்தில் 35 வருடங்களாக வங்கியாளராக இருந்தார், இதை தொடர்ந்து பார்க்லேஸ் நிறுவனத்தின் முக்கிய பதலியில் இருந்தார்.

அசோக் வாஸ்வானி பிரிட்டனின் பார்க்லேஸ் வங்கியின் தலைமை நிர்வாக அதிகாரியாகவும், அதன் பிறகு உலகளாவிய நுகர்வோர், தனியார், கார்ப்பரேட் மற்றும் பணம் செலுத்தும் வணிகங்களின் தலைமை நிர்வாக அதிகாரியாகவும் குழு நிர்வாகக் குழுவின் உறுப்பினராகவும் இருந்தார்.

முன்னதாக, அவர் சிட்டிகுரூப் ஆசிய பசிபிக் தலைமை நிர்வாக அதிகாரியாகவும், சிட்டிகுரூப் குளோபல் ஆப்பரேட்டிங் & மேனேஜ்மென்ட் கமிட்டிகளின் உறுப்பினராகவும் இருந்தார்.

தற்போது, கோட்டக் மஹிந்திரா வங்கியின் புதிதாக நியமிக்கப்பட்ட உறுப்பினர், பகாயா டெக்னாலஜிஸ் லிமிடெட் - அமெரிக்க-இஸ்ரேலிய AI ஃபின்டெக் நிறுவனத்தின் தலைவராக உள்ளார்.

அவர் லண்டன் ஸ்டாக் எக்ஸ்சேஞ்ச் குழுமத்தின் குழுவிலும், SP ஜெயின் இன்ஸ்டிடியூட் ஆஃப் குளோபல் மேனேஜ்மென்ட், UK, மற்றும் பிரதம் மற்றும் லென்ட்-ஏ-ஹேண்ட் உள்ளிட்ட பல்வேறு தொண்டு நிறுவனங்களை ஆதரிக்கிறார்.

இந்திய நிறுவனச் செயலர்கள் நிறுவனத்தில் கணினி அறிவியலில் (CS) பட்டமும், ஸ்டான்போர்ட் பல்கலைக்கழக கிராஜுவேட் ஸ்கூல் ஆஃப் பிசினஸில் நிர்வாகக் கல்வியும் பயின்றார். வாஸ்வானி இந்தியாவில் பிறந்தார் மற்றும் வீணா என்பவரை மணந்தார். இவர்களுக்கு ஒரு மகள் இவர் அமெரிக்காவில் பணியாற்றி வருகிறார்.

கோட்டக் மஹிந்திரா வங்கியின் நிறுவனரும் இயக்குநருமான உதய் கோட்டக் வாஸ்வானியைப் பற்றி பேசுகையில், "அசோக் ஒரு சர்வதேச அளவில் சிறப்பான தலைவர். டிஜிட்டல் மற்றும் வாடிக்கையாளர்களை மையமாகக் கொண்ட வங்கியாளர்.

இதற்கிடையில், வாஸ்வானியின் நியமனம், பொறுப்பேற்ற நாளிலிருந்து மூன்று வருட காலத்திற்கு இருக்கும்.மேலும் நியமிக்கப்படும் நாள் ஜனவரி 1, 2024 க்குப் பிறகு இருக்கக்கூடாது.