கிருஷ்ண ஜெயந்தி 2024: இந்தியப் பங்குச் சந்தைகளுக்கு நாளை விடுமுறையா?

கிருஷ்ணரின் பிறப்பை கொண்டாடும் திருவிழாவாக கிருஷ்ண ஜெயந்தி கொண்டாடப்படுகிறது. இந்தப் பண்டிகை கோகுலாஷ்டமி என்ற பெயரிலும் அழைக்கப்படுகிறது. நாளை இந்தியா முழுவதும் பல்வேறு மதங்களை சார்ந்த பல்வேறு சடங்குகள், விரதங்கள் போன்றவை நடைபெறும். இதன் காரணமாக பல நகரங்களில் உள்ள வங்கிகள் மூடப்பட்டிருக்கும்.

கோகுலாஷ்டமி பண்டிகையின் காரணமாக, பல நகரங்களில் உள்ள வங்கிகள் ஆகஸ்ட் 26 அன்று மூடப்படும். இந்திய ரிசர்வ் வங்கி (RBI) வெளியிட்டுள்ள ஆண்டு வங்கி விடுமுறை பட்டியலின்படி, குஜராத், ஒடிசா, சண்டிகர், தமிழ்நாடு, உத்தரகாண்ட், சிக்கிம், ஆந்திரப் பிரதேசம், தெலங்கானா, இராஜஸ்தான், ஜம்மு, ஸ்ரீநகர், உத்தரப் பிரதேசம், வங்காளம், பீகார், சத்தீஸ்கர், ஜார்க்கண்ட், மெகாலயா மற்றும் இமாச்சலப் பிரதேசத்தில் உள்ள வங்கிகள் மூடப்படும்.

வங்கிகள் திங்கட்கிழமை மூடப்படும் நிலையில், இந்தியப் பங்குச்சந்தைகள் வழக்கம்போல் செயல்படும் என்று தெரிவிக்கப்பட்டுள்ளது. தேசிய பங்குச்சந்தை (NSE) மற்றும் மும்பை பங்குச்சந்தை (BSE) ஆகிய இரண்டும் கோகுலாஷ்டமி அன்று வர்த்தகத்திற்கு திறந்திருக்கும்.

அதேபோல், மல்டி கமோடிட்டி எக்ஸ்சேஞ்ச் (MCX) சந்தை ஆகஸ்ட் 26-ஆம் தேதி அன்று காலை மற்றும் மாலை இரு நேரங்களிலும் வழக்கம்போல் வர்த்தகத்திற்கு திறந்திருக்கும்.

2024-ஆம் ஆண்டு பங்குச்சந்தை விடுமுறை நாட்கள்: அக்டோபர் 2-ஆம் தேதி அன்று காந்தி ஜெயந்தி, நவம்பர் 1-ஆம் தேதி தீபாவளி, நவம்பர் 15-ஆம் தேதி குருநானக் ஜெயந்தி, டிசம்பர் 25-ஆம் தேதி கிறிஸ்துமஸ். எனவே இந்த நாட்களில் பங்குச் சந்தைக்கு விடுமுறை.

கோகுலாஷ்டமி பண்டிகையின் காரணமாக பல மாநிலங்களில் வங்கிகள் மூடப்படுவதுடன், பங்குச்சந்தைகள் வழக்கம்போல் செயல்படும். பக்தர்கள் பண்டிகையை மகிழ்ச்சியாகக் கொண்டாடும் வேளையில், பங்குச் சந்தைகள் தங்கள் செயல்பாடுகளை தொடர்ந்து மேற்கொள்ளும்.

இன்று ஞாயிற்றுக்கிழமை என்பதால் பல வங்கிகளுக்கு வழக்கமான விடுமுறையாக இருக்கும். நாளையும் வங்கிகள் மூடப்பட்டு இருந்தால் அந்த நேரங்களில் தேவையான சேவைகளை மேற்கொள்ள ஆன்லைன் பேமென்ட் தளங்களை மக்கள் பயன்படுத்திக் கொள்ள பரிந்துரைக்கப்படுகிறது.

இந்த விடுமுறை நாட்களில் ஏதேனும் மாற்றம் ஏற்பட்டால், அதற்கான தனி அறிக்கை முன்கூட்டியே வெளியிடப்படும்.