டாப் 10-ல் 8 சரிவு.. ரூ.2 லட்சம் கோடிகளை இழந்த முக்கிய நிறுவனங்கள்..ரிலையன்ஸ், டிசிஎஸ் பின்னடைவு..!

கடந்த வாரத்தில் டாப்-10 மிகவும் மதிப்புமிக்க நிறுவனங்களில் எட்டு நிறுவனங்களின் மார்க்கெட் கேப் ஆனது சுமார் ரூ. 2 லட்சம் கோடி வரை குறைந்துள்ளது. இவற்றில் குறிப்பாக ரிலையன்ஸ், டிசிஎஸ் மிகப்பெரிய பின்னடைவாக அமைந்துள்ளது. ரிலையன்ஸ் இண்டஸ்ட்ரீஸ் மற்றும் டாடா கன்சல்டன்சி சர்வீசஸ் ஆகியவை பங்குகளின் பலவீனமான போக்குகளுக்கு ஏற்ப, மிகப்பெரிய பின்தங்கிய நிறுவனங்களாக வெளிவருவதால், டாப்-10 மிகவும் மதிப்புமிக்க நிறுவனங்களில் எட்டு நிறுவனங்களின் ஒருங்கிணைந்த சந்தை மதிப்பீடு கடந்த வாரம் ரூ.2,01,699.77 கோடி குறைந்துள்ளது. அதேபோல், மும்பை பங்குச் சந்தை குறியீட்டு எண் சென்செக்ஸ் 1,181.84 புள்ளிகள் அல்லது 1.43 சதவீதம் குறைந்தது.

ரிலையன்ஸ் இண்டஸ்ட்ரீஸின் சந்தை மதிப்பு ரூ.60,824.68 கோடி சரிந்து ரூ.19,82,282.42 கோடியாக உள்ளது. டாடா கன்சல்டன்சி சர்வீசஸ் (டிசிஎஸ்) மதிப்பு ரூ.34,136.66 கோடி சரிந்து ரூ.16,12,762.51 கோடியாக உள்ளது. ஸ்டேட் வங்கியின் மதிப்பு ரூ.29,495.84 கோடி குறைந்து ரூ.6,98,440.13 கோடியாகவும், இதனுடன் பார்தி ஏர்டெல்லின் மதிப்பு ரூ.28,379.54 கோடி குறைந்து ரூ.8,76,207.58 கோடியாகவும் உள்ளது.

இன்ஃபோசிஸின் சந்தை மூலதனம் (எம்கேப்) ரூ.17,061.44 கோடி குறைந்து ரூ.7,89,819.06 கோடியாகவும், இந்திய ஆயுள் காப்பீட்டுக் கழகம் (எல்ஐசி) ரூ.16,381.74 கோடி குறைந்து ரூ.6,57,009.14 கோடியாகவும் இருந்தது.ஐசிஐசிஐ வங்கியின் மதிப்பு ரூ.15,169.76 கோடி குறைந்து ரூ.8,51,204.65 கோடியாகவும், ஐடிசியின் மதிப்பு ரூ.250.11 கோடி குறைந்து ரூ.6,27,337.65 கோடியாகவும் இருந்தது.

இருப்பினும், ஹிந்துஸ்தான் யூனிலீவர் ரூ.14,179.78 கோடியை அதிகரித்துள்ளது. அதன் சந்தை மதிப்பை ரூ.6,66,919.73 கோடியாகக் கொண்டு சென்றது. அதேபோல், எச்டிஎஃப்சி வங்கியின் மதிப்பு ரூ.3,735.35 கோடி அதிகரித்து ரூ.12,47,941.78 கோடியாக இருந்தது.

அதிக மதிப்புள்ள உள் நாட்டு நிறுவனங்களில் ரிலையன்ஸ் இண்டஸ்ட்ரீஸ் தொடர்ந்து முதலிடத்தில் உள்ள நிலையில், டிசிஎஸ், ஹெச்டிஎஃப்சி வங்கி, ஏர்டெல், ஐசிஐசிஐ வங்கி, இன்ஃபோசிஸ், ஸ்டேட் பாங்க் ஆஃப் இந்தியா, ஹிந்துஸ்தான் யூனிலீவர், ஆகிய நிறுவனங்கள் தொடர்ந்து அடுத்தடுத்த நிறுவனங்களாக திகழ்கின்றன.