வெறித்தனமான டெக் ஊழியரா இருப்பார் போல.. ராக்கெட்டை எப்படி வெடிக்கிறார் பாருங்க..!!

ராய்கர்: ஒடிசாவை சேர்ந்த ஒரு இளைஞர் அமேசானின் அலெக்சா கருவியை பயன்படுத்தி தீபாவளி பண்டிகையின் போது ராக்கெட் வெடித்திருக்கும் வீடியோ சமூக வலைத்தளங்களில் வைரலாகியுள்ளது.
நாடு முழுவதும் தீபாவளி பண்டிகை கோலாகலமாக கொண்டாடப்பட்டது. மக்கள் பட்டாசுகளை வெடித்தும் இனிப்புகளை பகிர்ந்தும் மகிழ்ச்சி அடைந்தனர்.

தங்களின் கொண்டாட்டங்களை மக்கள் வீடியோ பதிவுகளாகவும் புகைப்படங்களாகவும் சமூக வலைத்தளங்களில் பகிர்ந்து வருகின்றனர். அந்த வகையில் ஒடிசாவை சேர்ந்த மணி என்பவர் பகிர்ந்துள்ள வீடியோ தற்போது சமூக ஊடகங்களில் வேகமாக பகிரப்பட்டு வருகிறது.

Mani's Projects Lab என்ற பெயரில் ஒரு இன்ஸ்டாகிராம் பக்கம் செயல்படுகிறது. அதில் மணி என்பவர் அமேசானின் அலெக்சா கருவியை பயன்படுத்தி ராக்கெட்டை ஏவும் வீடியோவை வெளியிட்டுள்ளார்.

இவர் அலெக்சா ராக்கெட்டை ஏவு ("Alexa, launch the rocket") என கட்டளையிட , உடனடியாக அலெக்சா கருவி யெஸ் பாஸ், ராக்கெட்டை ஏவுகிறேன்("Yes boss. Launching the rocket" ) என பதிலளித்து உடனடியாக ராக்கெட்டை ஏவுகிறது. இன்ஸ்டாகிராம் பக்கத்தில் வெளியாகியுள்ள இந்த வீடியோ பல லட்சம் பார்வைகளை பெற்றுள்ளது.

ஆயிரக்கணக்கானவர்கள் இந்த வீடியோவில் கமெண்ட் செய்துள்ளனர், பலர் இதனை ஷேர் செய்துள்ளனர். Launching the rocket with Alexa என தலைப்பிட்டு அவர் இந்த வீடியோவை பதிவு செய்துள்ளார். நூற்றுக்கணக்கான சமூக வலைத்தளவாசிகள் இது எப்படி சாத்தியம் என்பது குறித்து விளக்கம் அளிக்க வேண்டும் என கேட்டுக்கொண்டுள்ளனர்.

இதனை அடுத்து மணி தன்னுடைய யூடியூப் பக்கத்தில் எவ்வாறு தான் இந்த சிறிய ராக்கெட் லாஞ்சிங் சிஸ்டம்மை அலெக்சாவை பயன்படுத்தி உருவாக்கினேன் என்பது குறித்த விளக்கமான வீடியோவை வெளியிட்டுள்ளார்.

அலெக்சா கருவி வாயிலாக வாய்ஸ் கண்ட்ரோல் மூலம் எளிதாக ராக்கெட்டை ஏவ முடியும் என அவர் கூறியுள்ளார். ESP32/ESP8266 microcontroller மூலம் எப்படி நமது வாய்ஸ் கண்ட்ரோலில் ராக்கெட்டை வெடிக்கலாம் என அவர் பதிவிட்டுள்ளார்.

அவரது இந்த வீடியோவிற்கு அமேசான் இந்தியா மற்றும் ஸ்விக்கி ஆகிய நிறுவனங்களும் கமெண்ட் அளித்துள்ளன. அமேசான் இந்தியா நிறுவனம் handsfree Diwlai தீபாவளி என அவரது வீடியோவுக்கு கருத்து தெரிவித்துள்ளது. ஒடிசா மாநிலத்தை சேர்ந்த மணி அண்மையில் தான் பி டெக் படிப்பை முடித்துள்ளார்.

இவர் கல்லூரி முதலாம் ஆண்டு முதலே பல்வேறு ப்ராஜெக்ட்களை பரிசோதனை செய்து தன்னுடைய சமூக வலைதள பக்கங்களில் வெளியிடுவார். தற்போது வேலை தேடி வருவதாக அவர் தெரிவித்துள்ளார்.