பல மடங்கு லாபம்.. எல்ஐசி-யின் பிரம்மாண்ட வெற்றி.. !

பொதுத் துறை இன்சூரன்ஸ் நிறுவனமான எல்ஐசி (LIC) தனது செப்டம்பர் காலாண்டு முடிவினை வெளியிட்டுள்ளது.

இந்த காலாண்டு அறிக்கையில் அதன் ஓருங்கிணைந்த நிகர லாபம் 15,952 கோடி ரூபாயாக அதிகரித்துள்ளது. இது கடந்த ஆண்டில் 1433 கோடி ரூபாயாக இருந்தது குறிப்பிடத்தக்கது.

இது ஜூன் காலாண்டில் இந்த நிறுவனத்தின் நிகர லாபம் 682.9 கோடி ரூபாயாக இருந்தது.

பிரீமிய வருவாய்

எல்ஐசி-யின் நிகர பிரீமிய வருவாய் 27% அதிகரித்து, 1.32 லட்சம் கோடி ரூபாயாக அதிகரித்துள்ளது. இது கடந்த ஆண்டில் 1.04 லட்சம் கோடி ரூபாயாக இருந்தது.

இதில் முதல் ஆண்டு பிரீமியம் 11% அதிகரித்து, 9124.7 கோடி ரூபாயாக அதிகரித்துள்ளது. இது கடந்த ஆண்டில் 8198.30 கோடி ரூபாயாக இருந்தது. தொடர்ந்து வணிக வளர்ச்சியானது மேம்பட்டு வரும் நிலையில், மக்கள் மத்தியில் இன்சூரன்ஸ் மீதான ஆர்வமும் அதிகரித்துள்ளது.

முதலீட்டின் மூலம் கிடைத்த வருவாய்

இது புதுபிக்கப்பட்ட பிரீமிய வளர்ச்சி விகிதமானது 2% அதிகரித்து, 56,156 கோடி ரூபாயாக அதிகரித்துள்ளது. இதே ஒற்றை பிரீமிய வசூலானது 62% அதிகரித்து, 66,901 கோடி ரூபாயாக அதிகரித்துள்ளது.

இதன் நிகர வருவாயில் முதலீட்டின் பங்கு கடந்த ஆண்டினை காட்டிலும் 10% அதிகரித்து, 84,104 கோடி ரூபாயாக அதிகரித்துள்ளது.

வாரக்கடன்

எல்ஐசி-யின் மொத்த செயல்படாக் கடன் மதிப்பு (NPA) செப்டம்பர் காலாண்டில், 26,111 கோடி ரூபாயாக குறைந்துள்ளது. இது முந்தைஅய் காலாண்டில் 26,619 கோடி ரூபாயாக இருந்தது குறிப்பிடத்தக்கது. இது கடந்த ஆண்டில் 28,929 கோடி ரூபாயாக இருந்தது.

இதே மொத்த வாரக்கடன் விகிதமானது 5.60% ஆக அதிகரித்துள்ளது. இது கடந்த ஆண்டில் 6.57% ஆக இருந்தது. இதுவே ஜூன் காலாண்டில் 5.84% ஆக இருந்தது குறிப்பிடத்தக்கது.

இன்றைய பங்கு விலை நிலவரம்?

என்.எஸ்.இ-யில் எல்ஐசி பங்கின் விலையானது 1.10% அதிகரித்து, 627.70 ரூபாயாக வர்த்தகமாகி முடிவடைந்துள்ளது. இதன் உச்ச விலை 633.65 ரூபாயாகும். இன்றைய குறைந்தபட்ச விலை 625.05 ரூபாயாகவும் உள்ளது.

இதே பி.எஸ்.இ-யில் இதன் பங்கு விலையானது 1.17% அதிகரித்து, 628.05 ரூபாயாக வர்த்தகமாகி முடிவடைந்துள்ளது. இதன் இன்றைய உச்ச விலை 633.55 ரூபாயாகும். இன்றைய குறைந்தபட்ச விலை 624.90 ரூபாயாகவும் உள்ளது.இதன் 52 வார உச்ச விலை 949 ரூபாயாகவும், இதன் 52 வார குறைந்த விலை 588 ரூபாயாகவும் உள்ளது.