எல்ஐசி நிறுவனத்தின் புது அவதாரம்.. 50% பங்குகளை வாங்கும் மெகா திட்டம்..!!

இந்தியாவின் மிகப்பெரிய காப்பீட்டு நிறுவனமான லைஃப் இன்சூரன்ஸ் கார்ப்பரேஷன் ஆஃப் இந்தியா (LIC), மணிப்பால் சிக்கனா ஹெல்த் இன்சூரன்ஸில் 50% பங்கை வாங்க பேச்சுவார்த்தை நடத்தி வருவதாக தகவல் வெளியானது. இதன் எதிரொலியாக LIC இன் பங்குகள் NSE இல் ரூ.952.50 உடன் கிட்டத்தட்ட 5% உயர்ந்துள்ளன. இருப்பினும், மதிய வர்த்தகத்தில் விற்பனை அழுத்தத்தின் காரணமாக பங்கு விலை சரிந்து, LIC பங்குகள் வர்த்தக முடிவில் 2.54 சதவீத உயர்வுடன் ரூ.939.55 முடிந்தது.

மருத்துவ காப்பீட்டு சந்தையில் தற்போது போதுமான அளவு சேவைகள் இல்லாத நிலையில், ஹெல்த் இன்சூரன்ஸ் நிறுவனத்தில் பங்கு வாங்குவது மூலம் LIC இத்துறைக்குள் நுழைய உள்ளது. ஆனால் மணிப்பால் சிக்கனா ஹெல்த் இன்சூரன்ஸில் 50% பங்கை வாங்குவது குறித்து அதிகாரப்பூர்வ அறிவிப்புகள் வெளியாகவில்லை.

எல்ஐசி திட்டம் நடைமுறைக்கு வரும் பட்சத்தில் மணிப்பால் சிக்கனா ஹெல்த் இன்சூரன்ஸ் நிறுவனத்தில், சிக்கனா மற்றும் மணிப்பால் ஆகிய இரண்டு நிறுவனங்களும் தங்கள் பங்கு இருப்பை குறைக்கும். இந்த ஒப்பந்தம் நிறைவேறினால், மணிப்பால் சிக்கனா ஹெல்த் இன்சூரன்ஸ் சுமார் ரூ.4,000 கோடி மதிப்பீடு செய்யப்பட்டில் 2000 கோடி ரூபாய்க்கு 50 சதவீத பங்குகளை விற்பனை செய்யலாம்.

இந்தியாவின் மிகப்பெரிய பொதுத்துறை காப்பீட்டு நிறுவனமான லைஃப் இன்சூரன்ஸ் கார்ப்பரேஷன் ஆஃப் இந்தியா (LIC), தற்போது ஹெல்த் இன்சூரன்ஸ் துறையில் தனது காலடி எடுத்து வைக்க தயாராகி வருகிறது. ஆயுள் காப்பீட்டில் தனக்கென தனி அடையாளத்தை உருவாக்கியுள்ள LIC, ஹெல்த் இன்சூரன்ஸ் துறையில் நுழைவதன் மூலம் தனது வளர்ச்சியை மேலும் விரிவுபடுத்த திட்டமிட்டுள்ளது.

கொரோனா தொற்றுநோய் உலகெங்கிலும் மக்களை பாதித்த நிலையில், இந்தியாவிலும் மக்கள் தங்கள் உடல்நலம் குறித்து அதிக அக்கறை செலுத்தத் தொடங்கியுள்ளனர். இதனால், ஹெல்த் இன்சூரன்ஸ் திட்டங்கள் மீதான தேவை அதிகரித்துள்ளது.

மேலும், ஹெல்த் இன்சூரன்ஸ் கிளைம் செயல்முறைகளில் பல மாற்றங்கள் மற்றும் மேம்படுத்தல்கள் செய்யப்பட்டுள்ளன. இந்த சாதகமான சூழல், LIC-க்கு ஹெல்த் இன்சூரன்ஸ் துறையில் நுழைவதற்கான சரியான தருணமாக அமைந்துள்ளது.

LIC-யின் தலைவர் சித்தார்த் மோஹந்தி சில மாதகங்களுக்கு முன்பு பேசிய போது, நிறுவனம் தற்போது ஹெல்த் இன்சூரன்ஸ் துறையில் உள்ள நிறுவனங்களை கையகப்படுத்துவதன் மூலம் இந்தத் துறையில் நுழைவதற்கான வாய்ப்புகளை ஆராய்ந்து வருகிறது.

இதன் மூலம், LIC தனது ஏற்கனவே உள்ள வாடிக்கையாளர்களுக்கு ஹெல்த் இன்சூரன்ஸ் திட்டங்களை வழங்க முடியும். மேலும், ஹெல்த் இன்சூரன்ஸ் துறையில் தனது பங்கை அதிகரித்து, இந்தியாவின் மிகப்பெரிய ஹெல்த் இன்சூரன்ஸ் நிறுவனங்களில் ஒன்றாக உருவாகும் நோக்கில் LIC செயல்பட்டு வருகிறது.

LIC-யின் ஹெல்த் இன்சூரன்ஸ் துறை நுழைவு, இந்த துறையில் உள்ள போட்டியை அதிகரிக்கும். இதனால், வாடிக்கையாளர்களுக்கு பல்வேறு வகையான ஹெல்த் இன்சூரன்ஸ் திட்டங்கள் கிடைக்கும் வாய்ப்பு அதிகரிக்கும். மேலும், பிரீமியம் விகிதங்களும் குறைய வாய்ப்புள்ளது.

LIC-யின் ஹெல்த் இன்சூரன்ஸ் துறை நுழைவு, இந்தியாவின் ஹெல்த் இன்சூரன்ஸ் துறையில் புதிய அத்தியாயத்தைத் தொடங்கும். இது, இந்திய மக்களுக்கு மலிவு விலையில் சிறந்த ஹெல்த் இன்சூரன்ஸ் திட்டங்களைப் பெற உதவும் என்று எதிர்பார்க்கப்படுகிறது.