LTIMindrtree: லாபத்தில் 2% சரிவு.. ஆனா முதலீட்டாளர்களுக்கு ஜாக்பாட்..!!

LTI மற்றும் Mindtree இணைந்தது மூலம் இந்தியாவின் 5வது பெரிய ஐடி சேவை நிறுவனமாக உருவெடுத்துள்ள LTIMindrtree புதன்கிழமை தனது காலாண்டு முடிவுகளை வெளியிட்டது. இக்காலாண்டில் யாரும் எதிர்பார்க்காத வகையில் மொத்த லாப அளவு கடந்த ஆண்டை காட்டிலும் 2 சதவீதம் சரிந்துள்ளது.

LTIMindrtree 2022 ஆம் ஆண்டு செப்டம்பர் காலாண்டில் 1188 கோடி ரூபாயை லாபமாக பெற்ற நிலையில், தற்போது 1162 கோடி ரூபாயை மட்டுமே லாபமாக பெற்றுள்ளது. ஆனால் சந்தை கணிப்பில் LTIMindrtree 1120 கோடி ரூபாய் அளவிலான லாபத்தை மட்டுமே பெறும் என கணிக்கப்பட்டு இருந்த நிலையில், 1188 கோடி ரூபாயை பெற்றுள்ளது.

இதே காலக்கட்டத்தில் LTIMindrtree நிறுவனத்தின் வருவாய் சுமார் 8 சதவீதம் அதிகரித்து 8905 கோடி ரூபாயை லாபமாக பெற்றுள்ளது. கடந்த ஆண்டில் இதன் அளவு 8228 கோடி ரூபாயாக இருந்தது குறிப்பிடத்தக்கது. லாபத்தில் 2 சதவீத சரிவை பதிவு செய்த நிலையில் முதலீட்டாளர்களின் வெளியேற்றத்தை கட்டுப்படுத்த ஒரு பங்கிற்கு 20 ரூபாய் ஈவுத்தொகையை அறிவித்துள்ளது.

டாலர் மதிப்பீட்டில் LTIMindrtree நிறுவனம் செப்டம்பர் காலாண்டில் 1.07 பில்லியன் டாலர் வருவாயை பெற்று வருடாந்திர அடிப்படையில் 5 சதவீத வளர்ச்சியை பதிவு செய்துள்ளது. இக்காலக்கட்டத்தில் EBIT அளவு 1 சதவீதம் சரிந்து 1,423 கோடி ரூபாயாகவும், மார்ஜின் அளவு 16 சதவீதம் கொண்டு உள்ளது.

LTIMindrtree செப்டம்பர் காலாண்டு முடிவில் 737 ஆக்டிவ் வாடிக்கையாளர்களை கொண்டு உள்ளது. இக்காலாண்டில் சுமார் 1.3 பில்லியன் டாலர் மதிப்பிலான ஆர்டர்களை பெற்றுள்ளது. மேலும் இக்காலாண்டு முடிவில் மொத்த ஊழியர்கள் எண்ணிக்கை 83,532 ஆக உள்ளது.

LTIMindrtree நிறுவனத்தின் ஊழியர்கள் வெளியேற்ற விகிதம் அதானது அட்ரிஷன் விகிதம் 15.2 சதவீதமாக உள்ளது. இன்றைய வர்த்தக முடிவில் LTIMindrtree நிறுவன பங்குகள் 0.82 சதவீதம் சரிந்து 5172 ரூபாயாக முடிந்தது.