லூலூ குழுமத்தின் IPO.. முதலீட்டாளர்கள் பணத்தை ரெடி பண்ணுங்க!

மத்திய கிழக்கு நாடுகளின் மிகப்பெரிய ஹைபர் மார்க்கெட் கடைகளில் ஒன்றான லுலு ரீடெய்ல் ஹோல்டிங்ஸ் திங்கள்கிழமை அன்று IPO வெளியிட்டது. இது இந்த ஆண்டு ஐக்கிய அரபு எமிரேட்ஸின் மிகப்பெரிய IPO-ஆக இருக்கலாம் என்று கூறப்படுகிறது. குவைத், ஓமன், கத்தார், சவூதி அரேபியா, ஐக்கிய அரபு எமிரேட்ஸ் போன்ற 6 நாடுகளில் 240-க்கும் மேற்பட்ட கடைகளை லூலூ நிறுவனம் நடத்தி வருகிறது.

லூலூ குரூப் இன்டர்நேஷனல் வளைகுடா நாடுகளில் மட்டுமல்லாமல் இந்தியாவிலும் தனது வர்த்தகத்தை விரிவாக்கம் செய்துள்ளது. எனவே இந்த IPO மிகவும் முக்கியமான ஒன்றாக பார்க்கப்படுகிறது. கேரளா, கர்நாடகா கேரளா ஆகிய இடங்களிலும் ஏற்கனவே லூலூ மால் உள்ளது.

அக்டோபர் 28 முதல் நவம்பர் 5 வரை இயங்கும் இந்த பட்டியல், 2.582 பில்லியனுக்கும் அதிகமான பங்குகளை வழங்கவுள்ளது. நவம்பர் 14 அன்று அபுதாபி செக்யூரிட்டீஸ் எக்ஸ்சேஞ்சில் வர்த்தகம் தொடங்கும் என்று லூலூவின் IPO ஆவணம் தெரிவிக்கிறது. இந்த IPO மூலம் லூலூ நிறுவனம் 1.7 பில்லியன் முதல் 1.8 பில்லியன் டாலர்கள் வரை திரட்டும் என்று தெரிகிறது. ஆனால் இது குறித்து லூலூ நிறுவனம் கருத்து தெரிவிக்க மறுத்துவிட்டது.

இந்திய தொழிலதிபர் யூசுப் அலி 1974-ஆம் ஆண்டில் லூலூ நிறுவனத்தை நிறுவினார், ஐக்கிய அரபு எமிரேட்ஸில் உள்ள ஸ்பின்னீஸ் மற்றும் சவூதி அரேபியாவின் பிண்டாவூட் ஹோல்டிங் போன்ற பிற கிராசரி நிறுவனங்களும் IPO வெளியிட்டுள்ளது. தற்போது இதில் லூலூ குழுமமும் இணைந்துள்ளது. கேரளாவைச் சேர்ந்த யூசுப் அலி 1990-ஆம் ஆண்டில் முதன்முதலாக தனது முதல் கடையைத் திறந்தார். அதன் பிறகு லூலூ குரூப் ரியல் எஸ்டேட், ஷிப்பிங் எனப் பல்வேறு துறைகளிலும் இயங்க ஆரம்பித்தது.

"லூலூ தொடர்ந்து உலகின் ஷாப்பிங் மையமாக இருக்கும் என்று நாங்கள் நம்பிக்கை கொண்டுள்ளோம்" என்று லூலூவின் தலைமை நிர்வாக அதிகாரி சைஃபீ ருபாவாலா IPO ஆவணத்தில் கூறியுள்ளார்.

லூலூ குழுமம் சுமார் 70,000-த்திற்கும் அதிகமான பணியாளர்களை கொண்டுள்ளது. அமெரிக்கா, ஆசியா, வளைகுடா நாடுகள் என 46-க்கும் மேற்பட்ட நாடுகளில் வர்த்தகம் செய்து வருகிறது.