மார்க் ஜூக்கர்பெர்க் - பிரிசில்லா 3வது மகள்.. பிறந்த குழந்தையின் கியூட் போட்டோ..!

பேஸ்புக் தளத்தை உருவாக்கிய மார்க் ஜூக்கர்பெர்க் தற்போது மெட்டா நிறுவனத்தின் சிஇஓ ஆக உள்ளார். மார்க் ஜூக்கர்பெர்க்-ன் ஆசை காதல் மனைவியான பிரிசில்லா சான்-க்கு ஏற்கனவே 2 பெண் குழந்தைகள் இருக்கும் நிலையில் இவர்களுக்கு வெள்ளிக்கிழமை அன்று 3வது பெண் குழந்தை பிறந்துள்ளது.

இக்குழந்தையுடன் இருக்கும் புகைப்படத்தை 3வது முறையாக அப்பாவாகியிருக்கும் மார்க் ஜூக்கர்பெர்க் ஆசை ஆசையாக பதிவிட்டு உள்ளார்.

இந்த பதிவில் மார்க் ஜூக்கர்பெர்க், Aurelia Chan Zuckerberg உன்னை உலகிற்கு வரவேற்கிறேன், நீ எங்களுக்கு வரம் எனவும் பதிவிட்டு உள்ளார். இத்துடன் குழந்தை மார்க் ஜூக்கர்பெர்க்-ஐ பார்ப்பது போல ஒரு புகைப்படத்தையும் பதவிட்டு உள்ளார்.

3வது பெண் குழந்தை

மார்க் ஜூக்கர்பெர்க் - பிரிசில்லா சான் ஜோடிக்கு ஆகஸ்ட் என்ற 5 வயது பெண் குழந்தையும், மேக்சிமா என்ற 7 வயது குழந்தையும் உள்ளனர். தற்போது Aurelia 3வது பெண் குழந்தையாகும். பிரிசில்லா சான் கர்ப்பமாக இருக்கும் செய்தியை செப்டம்பர் மாதம் அறிவித்தனர்.

கர்ப்பம்

பிரிசில்லா சான் 3வது குழந்தை-க்கு கர்ப்பமாக இருக்கும் செய்தியை மார்க் ஜூக்கர்பெர்க் தனது இன்ஸ்டாகிராம் பக்கத்தில் பிரிசில்லா சான் வயிற்றில் கையை வைத்திருக்கும் அழகான ஒரு போட்டோவை வெளியிட்டார்.

பிரிசில்லா சான்

அதன் பின்பு புத்தாண்டு கொண்டாட்டத்தின் போது பிரிசில்லா சான் 3வது குழந்தை-க்கு கர்ப்பமாக இருக்கும் போட்டோ உடன், மார்க் ஜூக்கர்பெர்க்-ன் மகள் அவரின் சர்ட் பட்டன் போடும் போட்டோவும் பதிவிட்டு இருந்தார்

காதல் கதை

2003 இல் ஒரு பார்ட்டிக்காக வரிசையில் காத்திருக்கும் போது ஜுக்கர்பெர்க்கும் சானும் முதன்முதலில் சந்தித்து காதல் வயப்பட்டனர், இருவருக்கும் ஒரு தனித்துவமான காதல் கதை உள்ளது. அந்த நேரத்தில ஹார்ட்வேர்டு பல்கலைக்கழகத்தில் மார்க் இரண்டாம் ஆண்டிலும், பிரிசில்லா சான் முதலாம் ஆண்டிலும் படித்து வந்தனர்.

திருமணம்

2010 இல் மார்க் ஜூக்கர்பெர்க் - பிரிசில்லா சான் ஒன்றாக ஒரே வீட்டில் குடியேறினர், 2012 இல், அவர்கள் திருமணம் செய்து கொண்டனர். சான் அவர்களின் பாலோ ஆல்டோ வீட்டின் தோட்டத்தில் திருமணம் செய்துக்கொண்ட போது அவர்களின் விருந்தினர்கள் அதிர்ச்சியடைந்தனர், ஏனெனில் அனைத்து விருந்தினர்களையும் சானின் மருத்துவப் பள்ளி பட்டமளிப்பு விழா என்று தான் அழைத்திருந்தனர்.

மெட்டா பிளாட்ஃபார்ம்ஸ்

Facebook-ன் தாய் நிறுவனமான மெட்டா பிளாட்ஃபார்ம்ஸ் செவ்வாயன்று தனது பணியாளர்களில் சுமார் 10,000 பேரை பணிநீக்கம் செய்ய உள்ளதாக அறிவித்துள்ளார் மார்க் ஜூக்கர்பெர்க். மெட்டா நிறுவனம் 11,000 ஊழியர்களை பணிநீக்கம் செய்து நான்கு மாதங்கள் மட்டுமே ஆன நிலையில் புதிதாக 10000 ஊழியர்களை பணிநீக்கம் செய்ய முடிவு செய்துள்ளது மெட்டா.

பணிநீக்கம் முடிவு

மெட்டா சிஇஓ மார்க் ஜூக்கர்பெர்க் ஊழியர்களுக்கு அனுப்பிய மெசேஜ்-ல் தற்போது இருக்கும் மொத்த ஊழியர்களில் 10000 ஊழியர்களையும், பணியில் சேர்க்காமல் காலியாக இருக்கும் 5000 வேலைவாய்ப்புகளை முழுமையாக நீக்க திட்டமிட்டு உள்ளதாக அறிவித்துள்ளது.