புது கார் வாங்குற ஐடியா இருக்கா? ரூ.1.50 லட்சம் வரை தள்ளுபடி வழங்கும் மாருதி சுசுகி நிறுவனம்..!

கார் தயாரிப்பு மற்றும் விற்பனையில் இந்தியாவில் முன்னணியில் இருக்கும் மாருதி சுசுகி நிறுவனம் தங்களது கார்களுக்கு கிட்டத்தட்ட ரூ.1.50 லட்சம் வரை தள்ளுபடி அறிவித்துள்ளது. புதிய நிதியாண்டு தொடக்கத்தின் ஒரு பகுதியாக இந்த அறிவிப்பு வெளியாகியுள்ளது.

குறிப்பாக பிரபலமான மாடலான பலேனோ, பிரான்க்ஸ் , ஜிம்னி உள்ளிட்ட கார்களுக்கு ரூ.1.50 லட்சம் வரை தள்ளுபடி பெறலாம் என மாருதி சுசுகி நிறுவனம் அறிவிப்பு வெளியிட்டுள்ளது.தள்ளுபடி, எக்ஸ்சேஞ்ச் போனஸ் மற்றும் கார்ப்பரேட் தள்ளுபடி ஆகியவற்றின் வடிவத்தில் இதனை பெற முடியும்.

வாடிக்கையாளர்கள் அருகில் உள்ள மாருதி சுசுகி டீலர்களை அணுகி இந்த தள்ளுபடிகளை பயன்படுத்திக் கொள்ளலாம் என தெரிவிக்கப்பட்டுள்ளது.

மாருதி சுசுகி இக்னிஸ் (Maruti Suzuki Ignis): இந்த வகை காருக்கு ரூ.58,000 வரை தள்ளுபடி கிடைக்கிறது. இதில் ரூ.40,000 வரை கேஷ் டிஸ்கவுண்ட் பெறலாம். எக்ஸ்சேஞ்ச் போனஸாக ரூ.15,000 கிடைக்கும். ஆட்டோமேட்டிக் மற்றும் மேனுவல் ஆகிய இரண்டு வகைகளுக்கு ரூ.3,000 கார்ப்பரேட் டிஸ்கவுண்ட் கிடைக்கும்.

மாருது சுசுகி பலேனோ(Maruti Suzuki Baleno): மாருதி நிறுவன கார்களில் தற்போது அதிகமாக விற்பனையாகும் கார் இது. இந்த மாடலுக்கு ரூ.35,000 கேஷ் டிஸ்கவுண்ட், எக்ஸ்சேஞ்ச் போனஸ் ரூ.15,000 மற்றும் பெட்ரோல் டிரிம்களுக்கு ரூ.3,000 கார்ப்பரேட் டிஸ்கவுண்ட் கிடைக்கும். இதில் சிஎன்ஜி மாடலுக்கு கேஷ் டிஸ்கவுண்ட் ரூ.15,000 மட்டுமே கிடைக்கும்.

மாருதி சுசுகி சியாஸ் (Maruti Suzuki Ciaz): இந்த மாடலுக்கு ரூ.53,000 வரை தள்ளுபடி பெற முடியும், ஸ்டிக்கர் விலையில் ரூ,25,000 தள்ளுபடி மற்றும் எக்ஸ்சேஞ்ச் போனஸ் ரூ.25,000, கார்ப்பரேட் டிஸ்கவுண்ட் ரூ.3,000 கிடைக்கும் என தெரிவிக்கப்பட்டுள்ளது.

மாருதி சுசுகி கிராண்ட் விதாரா (Maruti Suzuki Grand Vitara): இந்த மாடல் கார்களில் மைல்ட் ஹைபிரிட் கார்களுக்கு மாருதி நிறுவனம் சுமார் 58,000 ரூபாய் வரை தள்ளுபடி தருகிறது. இதில் கேஷ் டிஸ்கவுண்ட் ரூ.25,000, எக்ஸ்சேஞ்ச் போனஸ் ரூ.30,000, கார்ப்பரேட் சலுகை ரூ.3,000 அடங்கும். ஸ்டிராங் ஹைபிரிட் வகை கார்களுக்கு ரூ.84,000 வரை தள்ளுபடி கிடைக்கிறது. இதில் கேஷ் டிஸ்கவுண்ட் ரூ.30,000, எக்ஸ்சேஞ்ச் போனஸ் ரூ.50,000 மற்றும் கார்ப்பரேட் டிஸ்கவுண்ட் ரூ.4,000 அடங்கும்.

மாருது சுசுகி பிரான்க்ஸ் (Maruti Suzuki Fronx ): இதில் டர்போ - பெட்ரோல் வகை கார்களுக்கு எக்ஸ்சேஞ்ச் போனஸ், தள்ளுபடி, கார்ப்பரேட் சலுகை என ரூ.68,000 வரை தள்ளுபடி பெறலாம். ஆனால் வழக்கமாக பெட்ரோல் மற்றும் சிஎன்ஜி வகைகளுக்கு தள்ளுபடி குறைவு தான்.

மாருதி சுசுகி ஜிம்னி (Maruti Suzuki Jimny): நெக்ஸா வகையை சேர்ந்த ஜிம்னி வகை கார்களுக்கு ரூ.1.50 லட்சம் வரை தள்ளுபடி கிடைக்கிறது. ஆல்பா டிரிம் , ஸெடா டிரிம் கார்களுக்கு இந்த தள்ளுபடி பொருந்தும் என மாருதி சுசுகி அறிவித்துள்ளது.

Story written by: Devika