கார் வாங்கப்போறீங்களா..? சீக்கிரம் வாங்கிடுங்க.. ஜனவரி முதல் கார் விலை உயர்த்தும் மாருதி சுசூகி..!

உற்பத்தி செலவுகள் அதிகரிப்பு

கடந்த ஒரு வருடமாக மாருதி சுசூகி நிறுவனத்தின் கார் தயாரிப்பில் உற்பத்தி பொருட்களின் விலை பெரிய அளவில் அதிகரித்துள்ளது. இதனால் கார்களை உயர்த்த திட்டமிட்டுள்ளதாக மாருதி சுசூகி பங்குச்சந்தைக்குச் சமர்ப்பித்த அறிக்கையில் தெரிவித்துள்ளது.

கன்ஸ்யூமர் எலக்ட்ரானிக்ஸ்

இதேபோன்று வையிட் கூட்ஸ் தயாரிப்பில் இன்புட் காஸ்ட் அதாவது உற்பத்தி பொருட்களின் மற்றும் அதைச் சார்ந்த செலவுகள் 15 முதல் 40 சதவீதம் வரையில் அதிகரித்துள்ள காரணத்தால் டிவி, பிரிட்ஜ், ஏசி, வாசிங் மெஷின், மைக்ரோ ஓவன் ஆகிய பொருட்களின் ரீடைல் சந்தை விலை 20 சதவீதம் வரையில் உயரும் என சந்தை கணிப்புகள் வெளியாகியுள்ளது.

வாடிக்கையாளர்கள்

உற்பத்தி செலவுகளில் ஏற்பட்டும் இந்த உயர்வை நிறுவனத்தால் ஏற்றுக்கொள்ள முடியாத சூழ்நிலையில் உற்பத்தி செலவுகளில் ஏற்படும் கூடுதல் தொகையை வாடிக்கையாளர்கள் மீது செலுத்தும் வகையில் கார் விலை உயர்வின் மூலம் சரி செய்ய முடிவு செய்யப்பட்டு உள்ளது. இதன் மூலம் வருகிற ஜனவரி 2021 முதல் கார்களின் விலையை உயர்த்தப்படும்.

மேலும் காரிகளின் மாடல் மற்றும் வகைகளுக்கு ஏற்ப விலை உயர்வு மாறுபடும்.

உள்நாட்டு விற்பனையில் சரிவு

2019ஆம் ஆண்டு நவம்பர் மாதம் மாருதி சுசூகி இந்தியாவில் 1,39,133 கார்களை விற்பனை செய்திருந்த நிலையில், 2020 நவம்பர் மாதம் 1,35,775 கார்களை மட்டுமே விற்பனை செய்துள்ளது. இது கடந்த ஆண்டு அளவை விடவும் 2.4 சதவீதம் குறைவாகும்.

ஏற்றுமதி அளவீடுகள்

ஆனால் இதே காலத்தில் ஏற்றுமதி அளவீடுகளைச் சேர்த்துக் கணக்கிடும் போது கடந்த வருடம் 1,50,630 கார்களை மட்டுமே விற்பனை செய்திருந்த நிலையில் இந்த வருடம் 1,53,223 கார்களை விற்பனை செய்துள்ளது.

ஏற்றுமதி வர்த்தகத்தையும் சேர்க்கும் போது இந்நிறுவனத்தின் வர்த்தகம் நவம்பர் மாதத்தில் 1.7 சதவீதம் அதிகரித்துள்ளது.