கார் வாங்க போகிறீர்களா? மாருதி சுசூகி வழங்கும் தீபாவளி ஆஃபர் பற்றி தெரியுமா?

தீபாவளி, ஆயுத பூஜை என விழாக்காலம் சிறப்பாக நடைபெற்று வரும் நிலையில், இந்தியாவின் மிகப் பெரிய கார் உற்பத்தி நிறுவனமான மாருதி சுசூகி மிகப் பெரிய சலுகைகளை அறிவித்துள்ளது.

எஸ்-பிரஸ்ஸோ, டிசைர், செல்லிரியோ, ஸ்பிப்ட், ஆல்டோ, வேகனார் என பல்வேறு பிராண்டட் கார்களுக்கு ஆஃபர்கள் மாருதி சுசூகி அறிவித்துள்ளது.

அதிகபட்சம் 56,000 ரூபாய் வரை ஆஃபர் அறிவித்துள்ளதால், இது கார் வாங்க சரியான நேரமாக உள்ளது,

மாருதி சுசூகி எஸ் பிரஸ்ஸோ

மாருதி சுசூகி எஸ் பிரஸ்ஸோ மேனுவல் வேரியண்டில் அதிகபட்சமாக 56,000 ரூபாய் வரை தள்ளுபடியைப் அறிவிக்கப்பட்டுள்ளது. எக்ஸ்சேஞ்ச் போனஸ் 15,000 ரூபாய், ரொக்க தள்ளுபடி 35,000 ரூபாய், மற்றும் நிறுவன தள்ளுபடிகள் 6,000 ரூபாய். எஸ் பிரஸ்ஸோ ஏஎம்டி காருக்குரூ.46,000 வரை சலுகை அறிவிக்கப்பட்டுள்ளது.

மாருதி சுசூகி டிசையர்

மருதி சுசூகி டிசையர் வாங்க 52,000 ரூபாய் தள்ளுபடி அறிவிக்கப்பட்டுள்ளது. 35,000 ரூபாய் தள்ளுபடி, 7,000 ரூபாய் கார்ப்ரேட் தள்ளுபடி, எக்ஸ்சேஞ் போனஸ் 10,000 ரூபாய் போன்றவை அறிவிக்கப்பட்டுள்ளது.

மாருதி சுசூகி செலிரியோ

மாருதி சுசூகி செலிரியோவின் மேனுவல் பதிப்புகளுக்கு மொத்தம் 51,000 ரூபாய் தள்ளுபடி கிடைக்கிறது. இதில் 30,000 ரூபாய் ரொக்கத் தள்ளுபடி, 6,000 கார்ப்பரேட் தள்ளுபடி மற்றும் 15,000 ரூபாய் எக்ஸ்சேஞ்ச் போனஸ்கள் ஆகியவற்றை உள்ளடக்கிய மொத்தம் ரூ. 51,000 தள்ளுபடி கிடைக்கிறது. கூடுதலாக, செலிரியோ சிஎன்ஜி வாங்க 10,000 ரூபாய் மொத்த தள்ளுபடி வழங்கப்படுகிறது.

மாருதி சுசூகி ஸ்விஃப்ட்

மாருதி சுசூகி ஸ்விஃப்ட் ஏஎம்டி கார் வாங்க 47,000 ரூபாய் சலுகை அறிவிக்கப்பட்டுள்ளது. மேனுவல் கார் வாங்க 30 ஆயிரம் ரூபாய் வரை தள்ளுபடி கிடைக்கிறது.

மாருதி சுசூகி ஆல்டோ கே10

மாருதி சுசூகி ஆல்டோ கே10 ஹாட்ச் பேக் கார் வாங்க 39,000 ரூபாய் தள்ளுபடி அறிவிக்கப்பட்டுள்ளது. எக்ஸ்சேஞ்ச் போனஸ் 15,000 ரூபாய். ரொக்க தள்ளுபடி 17,000 ரூபாய். கார்ப்ரேட் தள்ளுபடி 7000 ரூபாய்.

மாருதி சுசூகி ஆல்டோ 800

மாருதி சுசூகி ஆல்டோ 800 வாங்க 36,000 தள்ளுபடி அறிவிக்கப்பட்டுள்ளது. குறைந்தபட்சம் 11 ஆயிரம் ரூபாய் முதல் அதிகபட்சம் 36 ஆயிரம் ரூபாய் வரை தள்ளுபடி வழங்கப்படுகிறது.

மாருதி சுசூகி வேகன் ஆர்

மாருதி சுசூகி வேகன் ஆர் காருக்கு தள்ளுபடி 15,000 ரூபாய், சிஎன்ஜி காருக்கு கூடுதலாக 5000 ரூபாய் என மொத்தமாக 31,000 ரூபாய் வரை ஆஃபர் அறிவிக்கப்பட்டுள்ளது.

முக்கிய குறிப்பு

மாருதி சுசூகி வழங்கும் இந்த சிறப்பு தள்ளுபடி விழக் கால மாதமான அக்டோபருக்கு மட்டும் என தெரிவிக்கப்பட்டுள்ளது.