கிரெடிட் கார்டு: கரெக்டா யூஸ் பண்ணா.. இதைவிட பெஸ்ட் எதுவும் கிடையாது.. நோட் பண்ணுங்கப்பா..!

சென்னை: கிரெடிட் கார்டுகள் அன்றாட செலவுகளை நிர்வகிப்பதில் பெரும் பங்கு வகிக்கிறது. இது வசதியாகவும் மற்றும் பல சலுகைகளுடன் இருப்பதால், கிரெடிட் கார்டு பயனர்களுக்கு ஏராளமான நன்மைகளை வழங்குகின்றன. இந்தப் பதிவில் கிரெடிட் கார்டுகளைப் பயன்படுத்துவதால் கிடைக்கும் நன்மைகளைப் பற்றிப் பார்ப்போம்.

உங்கள் வழக்கமான செலவுகளில் கிரெடிட் கார்டுகளை இணைப்பதன் முக்கிய நன்மைகளைப் பார்ப்போம்.

கேஷ்பேக் ரிவார்ட்ஸ்: கிரெடிட் கார்டுகளைப் பயன்படுத்துவதில் மிகவும் முக்கியமான சிறப்பம்சங்களில் ஒன்று, தினசரி பயன்பாட்டிற்காகக் கிரெடிட் கார்டு பயன்படுத்தும்போது கிடைக்கும் கேஷ்பேக் ரிவார்ட்ஸ். இந்தியாவில் உள்ள பல கிரெடிட் கார்டு வழங்குநர்கள் மளிகைப் பொருட்கள், எரிபொருள் மற்றும் யூட்டிலிட்டி பில்கள் போன்றவகைகளுக்கு கேஷ்பேக் வழங்குகின்றனர்.

ரிவார்ட் பாயிண்ட்ஸ்: ஒவ்வொரு பரிவர்த்தனைக்கும் பயனர்களுக்கு ரிவார்ட் பாயிண்ட்ஸ் கிடைக்கும். இது போன்ற சில ரிவார்ட் சலுகைகளுடன் கிரெடிட் கார்டுகள் வருகின்றன. இந்த ரிவார்ட் பாயிண்ட்ஸ்களை பின்னர் ஷாப்பிங், ட்ராவல் போன்றவற்றில் தள்ளுபடிகள் பெற பயன்படுத்திக் கொள்ளலாம்.

சிறப்பு தள்ளுபடிகள் மற்றும் சலுகைகள்: ஃபுட், ஷாப்பிங் அல்லது பொழுதுபோக்கு என எதுவாக இருந்தாலும், கிரெடிட் கார்டுகள் சிறப்பு சலுகைகள் மற்றும் தள்ளுபடிகளை வழங்குகின்றன.

கிரெடிட் ஸ்கோரை அதிகரிக்கலாம்: கிரெடிட் கார்டுகளின் பொறுப்பான பயன்பாடு ஒரு தனிநபரின் கடன் வரலாற்றில் சாதகமான பங்களிப்பை அளிக்கிறது. சரியான நேரத்தில் பணம் செலுத்துதல் மற்றும் நல்ல நிதி நடத்தை ஆகியவை ஒருவரின் கிரெடிட் ஸ்கோரை அதிகரிக்கலாம், எதிர்காலத்தில் நீங்கள் கடன் பெற நல்ல கிரெடிட் ஸ்கோர் அவசியமாகிறது.

Bankbanzaar.com இன் CEO அதில் ஷெட்டி, “உங்கள் கிரெடிட் ஸ்கோரை பாதிக்கும் மிக முக்கியமான காரணிகளில் ஒன்று உங்கள் கட்டண வரலாறு. நீங்கள் கிரெடிட் கார்டைப் பயன்படுத்தி, உங்கள் மாதாந்திர பில்களில் சரியான நேரத்தில் பணம் செலுத்தும்போது, பிற்காலத்தில் உங்களுக்கு கடன் தேவைப்பட்டாலும், கடன் பெரும் வசதியை ஏற்படுத்தி தரும். உங்கள் கிரெடிட் கார்டு நிலுவைத் தொகையை முழுமையாகவும் சரியான நேரத்திலும் தொடர்ந்து செலுத்துவது பொறுப்பான நிதி நடத்தையை வெளிப்படுத்துகிறது மற்றும் கிரெடிட் கார்டை வைத்திருப்பதன் மூலம் அதிக நன்மைகளைப் பெறவும் உதவுகிறது எனக் கூறியுள்ளார்.

வசதியான ஆன்லைன் பரிவர்த்தனைகள்: ஆன்லைன் மற்றும் டிஜிட்டல் பரிவர்த்தனைகளில் ஷாப்பிங் செய்யும் போது, கிரெடிட் கார்டுகள் அதீத வசதியை வழங்குகின்றன. விமானங்கள் முன்பதிவு செய்தாலும், உணவை ஆர்டர் செய்தாலும் அல்லது ஆன்லைனில் பொருட்களை வாங்கினாலும், கிரெடிட் கார்டுகள் பணம் செலுத்தும் செயல்முறையை எளிதாக்குகிறது.

வட்டி இல்லாத காலம்: கிரெடிட் கார்டுகள் சலுகைக் காலத்தை வழங்குகின்றன, இதன் போது பயனர்கள் எந்த வட்டி கட்டணமும் இல்லாமல் பயன் பெறலாம். இந்த வட்டி இல்லாத காலம் பொதுவாக 20 முதல் 50 நாட்கள் வரை இருக்கும்.