மக்களே இந்த ஆப்-ஐ உடனே டெலிட் பண்ணுங்க… இல்லனா உங்க பணம் பறி போய்டும்..!

சென்னை: ஸ்மார்ட்போன் பயன்படுத்துபவர்கள் குறிப்பிட்ட 15 செயலிகளை உடனடியாக அவர்கள் போனில் இருந்து டெலிட் செய்ய வேண்டும் என தெரிவிக்கப்பட்டுள்ளது.

McAfee எனப்படும் பாதுகாப்பு மென்பொருள் நிறுவனம் அண்மையில் ஒரு ஆய்வினை நடத்தியது. அதில் கூகுள் பிளே ஸ்டோர் மூலம் போலியான கடன் செயலிகள் உலா வருவதை கண்டறிந்துள்ளது. இந்த கடன் செயலிகளை நமது செல்போனில் பதிவிறக்கம் செய்து கொண்டால் நம் போனில் இருக்கும் நம்முடைய தனிப்பட்ட தகவல்கள் அனைத்தையும் திருடி ஹேக்கர்களுக்கு இவை அனுப்பி வைப்பதாக McAfee நிறுவனம் தெரிவித்துள்ளது.

McAfee நிறுவனம் வெளியிட்டுள்ள செய்தி அடிப்படையில் உலகிலேயே போலியான செயலிகளை டவுன்லோட் செய்யும் நாடுகளில் இந்தியா முதலிடத்தில் இருக்கிறதாம். மக்கள் தெரிந்தோ அல்லது தெரியாமலோ இத்தகைய போலியான செயலிகளை பதிவிறக்கம் செய்து கொண்டு தங்களுடைய தரவுகள் திருடப்படுவதற்கான வாய்ப்பை ஏற்படுத்தி தருகின்றனர் என McAfee நிறுவனம் கூறுகிறது. குறிப்பாக கடன் செயலிகள் பெயரில் தான் இத்தகைய மோசடிகள் பெரும்பாலும் நிகழ்வாக குறிப்பிடப்பட்டுள்ளது.

கடன் வழங்கும் செயலிகளை ஒருவர் பதிவிறக்கம் செய்யும்போது கடன் வாங்குவதற்காக அவர்களின் ஆதார் எண், வங்கி கணக்கு விவரங்கள் உள்ளிட்டவற்றை அதில் வழங்குகிறார்கள். இந்த தகவல்களை ஹேக்கர்கள் பயன்படுத்திக்கொண்டு வங்கி கணக்கிலிருந்து பணத்தை திருடுகின்றனர். அந்த வகையில் McAfee நிறுவனம் 15 போலியான கடன் செயலிகளை கண்டறிந்துள்ளது.

கிட்டத்தட்ட இந்தியாவில் இந்த 15 போலி கடன் செயலிகளையும் 8 மில்லியன் பேர் பதிவிறக்கம் செய்து பயன்படுத்தி இருக்கிறார்களாம். இவர்களின் தனிப்பட்ட விவரங்கள் அனைத்தும் இந்த செயலிகள் வாயிலாக திருடப்பட்டுள்ளன என McAfee நிறுவனம் கூறியுள்ளது.

Préstamo Seguro-Rápido, seguro
Préstamo Rápido-Credit Easy
ได้บาทง่ายๆ-สินเชื่อด่วน
RupiahKilat-Dana cair
ยืมอย่างมีความสุข – เงินกู้
เงินมีความสุข – สินเชื่อด่วน
KreditKu-Uang Online
Dana Kilat-Pinjaman kecil
Cash Loan-Vay tiền
RapidFinance
PrêtPourVous
Huayna Money
IPréstamos: Rápido
ConseguirSol-Dinero Rápido
ÉcoPrêt Prêt En Ligne

இந்த போலி செயலிகளை ஒருவரது போனில் இன்ஸ்டால் செய்யப்படும் போது கால் ஹிஸ்டரி ,மெசேஜ்கள், கேமரா ,மைக்ரோஃபோன் ,லொகேஷன் ஆகியவற்றை அணுகும் அனுமதியை கொடுக்கின்றனர். அவசர தேவைக்கு பணம் கிடைக்கிறது என்பதற்காக மக்கள் இதன் பின்விளைவுகளை புரிந்து கொள்ளாமல் இத்தகைய அனுமதியை வழங்கி விடுகின்றனர் என இந்த துறை சார்ந்த ஆய்வாளர்கள் தெரிவிக்கின்றனர்.

மெசேஜ்களுக்கான அணுகலை வழங்குவதன் மூலம் மக்கள் ஓடிபி உள்ளிட்ட மெசேஜ்களையும் திருடுவதற்கான வாய்ப்புகளை வழங்குகின்றனர். ஒருவேளை இந்த செயலிகள் உங்கள் போனில் இருந்தால் உடனடியாக அவற்றை நீக்கம் செய்து விட வேண்டும் என கேட்டுக் கொள்ளப்பட்டுள்ளது.

இந்தியாவில் அண்மை காலமாகவே ஆன்லைன் சம்பந்தப்பட்ட நிதி மோசடிகள் அதிகரித்து வருகின்றன. இந்த நிலையில் கூகுள் பிளே ஸ்டோரில் இருக்கும் செயலிகளும் போலியாக இருக்கின்றன என்பதால் மக்கள் மிக கவனமாக தங்களுடைய ஸ்மார்ட் போன்களை பயன்படுத்த வேண்டும் என கேட்டுக்கொள்ளப்படுகின்றனர்.