பவன் கல்யாணின் ரஷ்ய மனைவியின் சொத்து மதிப்பு எவ்வளவு தெரியுமா? துணை CM ஒய்ஃப்-னா சும்மாவா!

பிரபல நடிகரும், அரசியல்வாதியும், ஆந்திரப் பிரதேசத்தின் துணை முதலமைச்சருமான பவன் கல்யாணின் மனைவியான அன்னா லெஷ்னேவாவின் சொத்து மதிப்பு எவ்வளவு தெரியுமா?. பவன் கல்யாணின் அரசியல் பயணம் மற்றும் சாதனைகள் பரவலாக பேசப்ப்பட்டாலும், அன்னா லெஷ்னேவாவின் கதை, அவரது ஆரம்பகால வாழ்க்கை மற்றும் அவரது பங்களிப்புகள் அதிகம் அறியப்படவில்லை. இந்த கட்டுரையில், அன்னா லெஷ்னேவா, அவரது ஆரம்பகால வாழ்க்கை, குடும்பம், நிகர மதிப்பு, வருமானம் மற்றும் பவன் கல்யாணுக்கான அவரது அசைக்க முடியாத ஆதரவு பற்றி பார்ப்போம்.

பவன் கல்யாணின் அரசியல் வெற்றி: பவன் கல்யாணின் சமீபத்திய அரசியல் வெற்றிகள், அவருக்கு குறிப்பிடத்தக்க மாற்றங்களைச் செய்துள்ளது. அவரது ஜன சேனா கட்சி லோக்சபா மற்றும் ஆந்திரப் பிரதேச சட்டமன்றத் தேர்தல்களில் குறிப்பிடத்தக்க முன்னேற்றம் கண்டுள்ளது. இந்த வெற்றிகளைத் தொடர்ந்து, பஞ்சாயத்து மற்றும் ஊரக மேம்பாடு, சுற்றுச்சூழல், காடுகள், அறிவியல் மற்றும் தொழில்நுட்பம் உள்ளிட்ட பொறுப்புகளுடன் பவன் கல்யாண் ஆந்திரப் பிரதேசத்தின் புதிய துணை முதல்வர் என்று சந்திரபாபு நாயுடு ஜூன் 14 அன்று அறிவித்தார்.

அன்னா லெஷ்னேவா யார்?: அன்னா லெஷ்னேவா ஒரு ரஷ்ய மாடல் மற்றும் நடிகை ஆவார். இவர் 2011 ஆம் ஆண்டு "தீன் மா" படத்தின் படப்பிடிப்பின் போது பவன் கல்யாணை முதன்முதலில் சந்தித்தார். மேலும் 2 வருடங்கள் கழிந்த பிறகு, அவர்கள் செப்டம்பர் 30, 2013 அன்று திருமணம் செய்து கொண்டனர். அன்னா லெஷ்னேவா பவன் கல்யாணின் மூன்றாவது மனைவி ஆவார்.

அன்னா லெஷ்னேவாவின் ஆரம்பகால வாழ்க்கை மற்றும் குடும்பம்: அன்னா லெஷ்னேவா ரஷ்யாவில் பிறந்தார் மற்றும் பவன் கல்யாணைச் சந்திப்பதற்கு முன்பு மாடலிங் மற்றும் சினிமா தொழிலில் இருந்து வந்தார். பவனின் முந்தைய திருமணங்கள் காரணமாக சர்ச்சைகளை எதிர்கொண்ட போதிலும், அண்ணா சிறந்தத் துணையாகவே இருந்து வருகிறார். அன்னா லெஷ்னேவா மற்றும் பவன் கல்யாண் ஆகியோருக்கு இரண்டு குழந்தைகள் உள்ளனர்: ஒரு மகன், மார்க் ஷங்கர் பவானோவிச், 2017-இல் பிறந்தார், மற்றும் அண்ணாவின் முந்தைய திருமணத்தில் பிறந்த மகள் போலேனா அஞ்சனா பவனோவா. பவன் கல்யாண் இவரைத் தனது சொந்த மகளாக ஏற்றுக்கொண்டு வளர்த்து வருகிறார்.

பவன் கல்யாணின் முந்தைய திருமணங்கள்: அன்னா லெஷ்னேவாவை திருமணம் செய்து கொள்வதற்கு முன்பு, பவன் கல்யாண் 2 திருமணங்கள் செய்து விவாகரத்து பெற்றவர். பவன் கல்யாணின் முதல் திருமணம் 1997-ஆம் ஆண்டு நந்தினி உடன் நடைபெற்றது. அது 2008-ஆம் ஆண்டில் விவாகரத்தில் முடிந்தது. பின்னர் அவர் நடிகை ரேணு தேசாயை 2009-ஆம் ஆண்டு திருமணம் செய்து கொண்டார். மேலும் 2012-இல் இந்த திருமணமும் விவாகரத்தில் முடிந்தது. அப்போது அவர்களுக்கு இரண்டு குழந்தைகள் இருந்தனர்.

அன்னா லெஷ்னேவாவின் நிகர மதிப்பு மற்றும் வருமானம்: டைம்ஸ் ஆஃப் இந்தியா அறிக்கையின்படி, ரஷ்யா மற்றும் சிங்கப்பூரில் உள்ள சொத்துக்கள் உட்பட அவரது சொத்துக்கள் சுமார் ரூ. 1800 கோடி ரூபாய் என மதிப்பிடப்பட்டுள்ளது. பவன் கல்யாணின் ரஷ்ய மனைவியான அன்னா லெஷ்னேவா, அவரது தனிப்பட்ட வாழ்க்கையிலும் அரசியல் வாழ்க்கையிலும் ஒரு தூணாக பவன் கல்யாணுக்கு இருந்து வருகிறார்.