36 வயதில் ரூ.15,000 கோடி சாம்ராஜ்யத்தை கட்டி எழுப்பிய இளம் தொழில் முனைவோர்.. யார் இவர்?

மாமா எர்த் நிறுவனத்தின் நிறுவனரான கஜல் அலக், "ஐடிஎஃப்சி பிரைவேட் & ஹுரூன் இந்தியா டாப் 200 என்டர்பிரணர்" லிஸ்டில் இடம் பெற்று சாதனைப் படைத்துள்ளர். ஹோனசா நிறுவனத்தின் இணை நிறுவனமான மாமா எர்த் குறிப்பிடத்தக்க வளர்ச்சியை அடைந்துள்ளது, தற்போது இதன் சந்தை மதிப்பு 15,500 கோடியாக உள்ளது. கடந்த ஆண்டோடு ஒப்பிடுகையில் வளர்ச்சி விகிதம் 50 சதவீதமாக உள்ளது. இதன் காரணமாக இந்த புகழ்பெற்ற நபர்களின் பட்டியலில் கஜல் அலாக்கும் இடம் பெற்றுள்ளார்.

பட்டியலில் கஜல் அலாக் மட்டுமின்றி, இந்திய வணிக உலகில் குறிப்பிடத்தக்க செல்வாக்கைப் பெற்ற பிற நபர்களும் இணைந்துள்ளனர். நைக்கா நிறுவனத்தின் நிறுவனரான பால்குனி நாயர் மற்றும் லென்ஸ் கார்ட் நிறுவனத்தின் நேஹா பன்சால் போன்ற பிற தொழில் முனைவோர்களும் இடம் பெற்றுள்ளனர். இந்த இருவரும் முக்கியமான நபர்களாக இருந்தாலும், கஜல் அலாக்-கின் வேகமான வளர்ச்சி மற்றும் இளம் வயது அவரை தனித்துவமாக காட்டுகிறது. ஏனெனில் கஜல் அலாக்கின் தற்போதைய வயது 36. நைக்கா நிறுவனத்தின் மதிப்பு தற்போது ரூ. 56,600 கோடியாக உள்ளது. அதேபோல லென்ஸ்கார்ட் நிறுவனத்தின் மதிப்பு ரூ. 41,800 கோடியாக இருக்கிறது.

ரூ.41,600 கோடி மதிப்புள்ள ஆப் பிசினஸ்-இன் இணை நிறுவனரான ருச்சி கல்ரா, ரூ.28,200 கோடி ரூபாய் மதிப்புள்ள அப்ஸ்டாக்ஸ் நிறுவனத்தின் இணை நிறுவனரான கவிதா சுப்ரமணியன் ஆகியோரும் பட்டியலில் இடம் பிடித்திருந்தனர். இந்தியாவில் பெண் தொழில் முனைவோர்கள் அதிகரித்து வருவதையும் ஹுருன் அறிக்கை எடுத்துக் காட்டியுள்ளது.

நைக்கா நிறுவனத்தின் நிறுவனரான பால்குனி நாயர் 10-வது இடத்தை பிடித்து பட்டியலிலேயே மிக உயர்ந்த அந்தஸ்தை பெற்றுள்ளார். இவரின் ஆன்லைன் அழகு சாதன பொருட்களை விற்பனை செய்யும் தளமான நைக்கா அபார வளர்ச்சி அடைந்துள்ளது. 1000-த்திற்கும் மேற்பட்ட பிராண்டுகள் இதில் வழங்கப்படுகிறது. ஈ-காமர்ஸ் துறையில் மிக முக்கியமான நிறுவனமாக நைக்கா இருந்து வருகிறது.

இதோடு குவிக் காமர்ஸ் தளங்களும் இந்தியாவில் வளர்ந்து வருவதை அறிக்கை எடுத்துக்காட்டியுள்ளது. செப்டோ நிறுவனத்தின் இணை நிறுவனரும் இந்தப் பட்டியலில் இடம் பிடித்துள்ளார். செப்டோ நிறுவனத்தின் மதிப்பு தற்போது 41,800 கோடியாக உள்ளது, இந்த நிறுவனத்தின் மற்றொரு இணை நிறுவனரான ஆதித் பாலிச்சாவும் இந்த பட்டியலில் இணைந்துள்ளார். பட்டியலில் இடம் பெற்றுள்ள தொழில் முனைவோர்கள் கடந்த ஆண்டை விட 20 சதவீதம் அதிகரித்துள்ளனர். சில்லறை விற்பனை, சுகாதாரம், ஆன்லைன் சேவைகள் உட்பட பல்வேறு துறைகளில் உள்ள தொழில் முனைவோர்கள் இதில் பட்டியலிடப்பட்டுள்ளனர் .