ஃபேஸ்புக், இன்ஸ்டாகிராம், வாட்ஸ்அப் வேலை எல்லாம் இனி AI பாத்துக்கும்.. ஜூக்கர்பெர்க் கொடுத்த ஷாக்.!!

உலகம் விரைவில் ஏஐ அதாவது செயற்கை நுண்ணறிவு நிலைமைக்கு மாறப் போகிறது. முன்பெல்லாம், ஒரு வேலையை செய்ய வேண்டுமெனில் மனிதர்கள் அந்த வேலை எப்படி செய்யவேண்டும்? என்ற அந்த வேலைக்கான பல காரணங்களை தேடி புரிந்து கொண்டு அந்த வேலையை முடிப்பார்கள் அதற்கு நேரமும் எடுத்துகொள்ளும். ஆனால் இனி வரும் காலம் அதற்கான தேவைகள் மனிதர்களுக்கு குறைவுதான். மனிதகுலத்திற்கு சாபக்கேடாக வரப்போகிறது ஏஐ.

இன்று பெரும்பாலான நிறுவனங்கள் மனிதர்களை நம்பிதான் அவர்களது பிசினஸை நடத்தி வருகின்றனர். ஆனால், இனி வரும் காலங்களில் ஏஐ உதவியுடன் அனைத்து வேலைகளையும் செய்துவிடுவார்கள். எனவே, அதிகப்படியான ஆட்கள் தேவை இருக்காது. அத்துடன் விரைவாக வேலைகளை முடிக்கலாம். நிறுவனங்களின் செலவுகள் மிச்சப்படுத்தப்படும். எனவே ஒரு சிலர் மட்டுமே அதுவும் ஒரு சில வேலைகளுக்கு மட்டுமே இனி ஆட்கள் இருப்பார்கள். அந்த வகையில், தற்போது மெட்டா நிறுவனத்தின் சிஇஓ மார்க் ஜூக்கர்பெர்க் ஒரு அதிர்ச்சி தகவலை வெளியிட்டுள்ளார்.

அதன்படி, இன்ஸ்டாகிராம், ஃபேஸ்புக் மற்றும் வாட்ஸ்அப்பில் உள்ள இந்த முக்கிய வேலைகளை AI எடுத்துக் கொள்ளும் என்று கூறியுள்ளார். எனவே 2025ஆம் ஆண்டு முடிவதற்குள் ஃபேஸ்புக், இன்ஸ்டாகிராம் மற்றும் வாட்ஸ்அப் ஆகியவற்றில் நடுத்தர அளவிலான புரோகிராமர்களை ஏஐ மாற்றும் என்று கூறியுள்ளார்.

மெட்டா மற்றும் பிற தொழில்நுட்ப நிறுவனங்கள் AI அமைப்புகளை உருவாக்கும் பணியில் ஈடுபட்டுள்ளன என்று ஜுக்கர்பெர்க் ஒரு பாட்காஸ்டில், கூறியுள்ளார். குறைந்தபட்ச மனித தொடர்புகளுடன் சிக்கலான கோடிங் முறையைச் செய்ய முடியும் எனவும், இத்தகைய மாற்றம் மெட்டா இயங்குதளங்களில் மென்பொருள் உருவாக்கத்தில் ஒரு புரட்சியைக் குறிக்கும் என்றும் கூறியுள்ளார். எனவே, கோடிங் முறை செயல்பாட்டில் AI முக்கிய பங்கு வகிக்கும் என்று எதிர்பார்க்கப்படுகிறது.

மனித உதவியின்றி, AI ஒரு நடுநிலைப் பொறியியலாளராகச் செயல்படும் என்றும் பணியாளர்களில் ஒரு மாற்றத்திற்கான ஒரு பெரிய வாய்ப்பாக இருந்தபோதிலும், இந்த திட்டங்களின் ஆரம்ப அமைப்பிற்கு பெரும் செலவுகளை ஏற்படுத்தும் என்று ஜூக்கர்பெர்க் கூறினார். மெட்டாவில் உள்ள தற்போதைய மத்திய நிலை பொறியாளர்கள் ஆண்டுக்கு 5,00,000 டாலர்களை சம்பாதிப்பார்கள் என்றும், மேலும் நிறுவனம் கோடிங் செயல்பாட்டை AI க்கு மாற்றும் என்று கூறியுள்ளார். எனவே, இது பெரும் விவாதத்தை எழுப்பியுள்ளது.

குறிப்பாக மெட்டா மற்ற குறிப்பிடத்தக்க நிறுவன மாற்றங்களுக்கு ஏற்ப மாற்றத்தை செய்து வருகிறது. நிறுவனம் அதன் பன்முகத்தன்மை, சமபங்கு மற்றும் உள்ளடக்கம் (DEI) குழுவைக் குறைக்க உள்ளது. இது ஏற்கனவே அறிவிக்கப்பட்டுள்ளது. மேலும், எலான் மஸ்க்கின் X சோஷியல் மீடியா பயன்படுத்தும் சமூகம் சார்ந்த குறிப்புகள் முறையை தாண்டி மெட்டா அதன் உண்மைச் சரிபார்ப்பு மாதிரியை மாற்றியுள்ளது.

இதற்கிடையில், மெட்டாவில் AI யை நோக்கிய மாற்றம் பணியாளர்களின் உண்மையான பரிணாமத்தை வழங்கும் அதே வேளையில், மெட்டாவில் நடந்து வரும் மாற்றங்கள், தொழில்நுட்பம் மற்றும் சமூக ஊடகங்களுக்கான அணுகுமுறையை முழுவதுமாக ஒரு புதிய பாதைக்கு கொண்டு செல்லும் என்று எதிர்பார்க்கப்படுகிறது.