குட்டி செருப்பு கடையில் இருந்து ரூ.23,000 கோடி சம்பாதித்த ரபீக் மாலிக்..!

ஒரு சாதனை என்பது தலையெழுத்து அல்ல. அதுவே பெரியதொரு முன்னெடுப்பின் தொடக்கமாக இருக்கலாம். இது மெட்ரோ பிராண்டு தலைவர் ரபீக் மாலிக்குக்கு சிறப்பாகப் பொருந்தும். ஒரு சிங்கிள் பிராண்டு ஷூ கடை வைத்திருந்த ரபீக் கடுமையான உழைப்பினால் ரூ.23,000 கோடி நிறுவனத்துக்கு அதிபரானார்.

மெட்ரோ பிராண்டின் பிரபல தயாரிப்புகளுக்கான மோச்சி, வாக்வே, மெட்ரோ ஷுஸ், டா வின்சி, பிளிப்பிளாப் ஆகியவை ரபீக்கின் தயாரிப்புகளாகும். ஒரு சிங்கிள் கடையில் தொடங்கிய ரபீக்கின் தொழில் சாம்ராஜ்ஜியம் இப்போது இந்தியாவில் 164 நகரங்களில் 720 கிளைகளுடன் இயங்கி வருகிறது.

போர்ப்ஸ் தகவல்படி ரபீக் மாலிக்கின் நிகர சொத்து மதிப்பு 2.8 பில்லியன் அமெரிக்க டாலர்களாகும். கோடீஸ்வரராக மாறிவிட்ட ரபீக்கின் வாழ்க்கையை சாதிக்கத் துடிக்க நினைப்பவர்கள் பின்பற்ற வேண்டும். இந்திய காலணி மார்க்கெட்டை அவரது தயாரிப்புகள் ஆக்கிரமித்துள்ளன.

ரபீக் மாலிக்கின் தந்தை மாலிக் தேஜானி மெட்ரோவை மும்பையில் கடந்த 1955 ஆம் ஆண்டில் தொடங்கினார். சிங்கிள் கடையை ரபீக் மிகப் பெரிய கம்பெனியாக விரிவுபடுத்தினார். தனது பிராண்டை பிரமாண்டமாக மாற்றுவதற்காக நாட்டின் பல்வேறு நகரங்களில் ஏராளமான கிளைகளை தொடங்கினார்.

பேஷன் ஆக்ஸசரிகள் மற்றும் காலணி சில்லறை விற்பனையாளர்ககளை உருவாக்கினார். மெட்ரோ பிராண்டின் பிரபல தயாரிப்புகளான மோச்சி, வாக்வே, மெட்ரோ ஷூஸ், டா வின்ஸி, பிளிப்பிளாப் ஆகியவற்றின் விற்பனை சக்கைப் போடு போட்டது.

ரபீக்கின் மகள் ஃபாரா மாலிக் பான்ஜி மெட்ரோ நிறுவனத்தின் நிர்வாக இயக்குநராக உள்ளார். ரபீக் தன்னைத் தானே செதுக்கிக் கொண்டவர். இந்திய காலணிகள் சில்லறை விற்பனையின் மாஸ்டர் என இப்போது போற்றப்படுகிறார். அவரது நம்பிக்கைகள், ஒழுக்கம், அயராத உழைப்பு மெட்ரோ பிராண்டு நிறுவனத்தை வெற்றிப்பாதையில் இட்டுச் சென்றது.

ரபீக்கின் வெற்றியை யாராலும் தடுக்க முடியவில்லை. அவர் எப்போதும் புதிய அறிமுகம், சாதனைகளைப் பற்றிதான் நினைத்துக் கொண்டிருப்பார். ரூ.1367 கோடி ஐபிஓவை கடந்த 2021 டிசம்பரில் வெளியிட்டு தனது நிறுவனத்தை பட்டியலிட்டார்.
மெட்ரோ பிராண்ட்ஸில் மறைந்த பில்லியனர் ராகேஷ் ஜுன்ஜுன்வாலா சிறிது பங்கை வைத்துள்ளார்.

ஆஸிஸா மாலிக் என்ற பெண்ணை மணந்த ரபீக் மாலிக்குக்கு ஐந்து மகள்கள். கம்பெனியை அவரது இரண்டாவது மகள் நிர்வாகம் செய்கிறார். 2023இல் போர்ப்ஸ் தகவல்படி ரபீக்கின் நிகர சொத்து மதிப்பு 2.8 பில்லியன் அமெரிக்க டாலர்களாகும்.