மைக்ரோசாப்ட் கொடுத்த இன்ப அதிர்ச்சி.. ஊழியர்கள் கொண்டாட்டம்..!

மைக்ரோசாப்ட் நிறுவனம் ஊழியர்களுக்கு விடுமுறை குறித்தான ஒரு சூப்பரான அப்டேட்டினை கொடுத்துள்ளது. இதன் மூலம் ஊழியர்கள் கால வரையற்ற விடுமுறையை பெற்று அனுபவிக்க வாய்ப்பு கிடைத்துள்ளது எனலாம்.

அமெரிக்காவினை சேர்ந்த டெக் ஜாம்பவான் ஆன மைக்ரோசாப்ட் நிறுவனம் தனது ஊழியர்களுக்கு விடுமுறை தொடர்பான ஒரு சூப்பரான அறிவிப்பினை கொடுத்துள்ளது.

இது குறித்து மைக்ரோசாப்டின் தலைமை மனிதவள அதிகாரி கேத்லீன் ஹோகன் ஊழியர்களுக்கு அனுப்பிய மெயிலில், நிறுவனம் விடுமுறை கொள்கையை புதுபித்துள்ளதாக தெரிவித்துள்ளார்.

கால வரையற்ற விடுமுறை

இதன் மூலம் மைக்ரோசாப்ட் ஊழியர்கள் ஜனவரி 16ம் தேதிக்கு பிறகு கால வரையற்ற விடுமுறையை பெறலாம் என அறிவிக்கப்பட்டுள்ளது. இந்த விடுமுறை திட்டத்திற்கு DIscretionary time off என தெரிவித்துள்ளது.

மைக்ரோசாப்ட்டின் இந்த அறிவிப்பின் படி அவசியமான காலகட்டத்தில் ஊழியர்கள் வழக்கமான விடுமுறை தவிர, நோய் சிகிச்சை, சிகிச்சை காலம், துக்க நிகழ்வுகளுக்கான விடுமுறையை காலவரையின்றி எடுத்துக் கொள்ளலாம்.

சம்பளம் கிடைக்கும்

ஒரு வேளை தங்களுக்கு விடுமுறை வேண்டாம் என நினைத்தாலும் அந்த காலகட்டத்தில் சம்பளத்தினை பெற்றுக் கொள்ளலாம். மைக்ரோசாப்ட்டின் இந்த அறிவிப்பானது ஊழியர்கள் மத்தியில் பெரும் வரவேற்பினை பெற்றுள்ளது எனலாம்.

விடுமுறை என்றாலே கொண்டாட்டம் தான். அதிலும் சம்பளத்துடன் விடுமுறை என்றால் வேண்டாம் என்று கூற முடியுமா

என்ன? இது உண்மையில் இன்ப அதிர்ச்சி தான்.

நெகிழ்வான அறிவிப்பு

இது குறித்து அமெரிக்காவின் செய்தி நிறுவனமான் தி வெர்ஜ் வெளியிட்டுள்ள செய்தியில், ஊழியர்களுக்கு அனுப்பப்பட்டுள்ள மெமோவில், நிறுவனம் விடுமுறை காலத்தை காலத்திற்கு ஏற்ப மாற்றம் செய்துள்ளது. இது ஊழியர்களுக்கு ஒரு நெகிழ்வை தரும்.

அனைவருக்குமே பொருந்தும்?

வேலைகளை எங்கு எப்படி செய்கிறோம், எப்போது செய்கிறோம் என்பது வியத்தகு முறையில் மாறிவிட்டது. நாங்கள் எங்கள் வேலைகளை நெகிழ்வான முறையில் மாற்றியமைத்துள்ளோம். இதனால் விடுமுறை கொள்கையையும் மாற்றியமைட்துள்ளோம். மைக்ரோசாப்ட்டின் இந்த நெகிழ்வான அறிவிப்பானது அனைத்து தரப்பு ஊழியர்களுக்கும் பொருந்தும் என்றும் அறிவிக்கப்பட்டுள்ளது.

எப்போதில் இருந்து கிடைக்கும்?

ஊழியர்கள் இந்த விடுமுறையை பெற அதிக காலம் காத்திருக்க வேண்டிய அவசியமில்லை. ஜனவரி 16க்கு மேல் இந்த நடைமுறை அமலுக்கு வரவுள்ளது. புதியதாக இணைந்துள்ள மைக்ரோசாப்ட் ஊழியர்களுக்கும் இந்த சலுகை கிடைக்கும் என்பது தான் இன்னொரு ஹைலைட்டே.

ஏப்ரல் மாதம் பணம் கிடைக்கும்

மைக்ரோசாப்ட்டின் இந்த அறிவிப்பானது ஏப்ரல் மாதத்திற்கு முன்னதாக வந்துள்ளது குறிப்பிடத்தக்கது. ஏப்ரல் மாதத்தில் தான் இந்த நிறுவனம் பயன்படுத்தாத விடுமுறைகளுக்கும் சேர்த்து ஒரு முறை சலுகையாக பணமாக செலுத்தும்.