மத்திய அரசு ஊழியர்களுக்கு அகவிலைப்படி உயர்வு.. இனி எவ்வளவு சம்பளம் பெறுவார்கள்!

7ஆவது ஊதியக் குழு பரிந்துரைப்படி மத்திய அரசு ஊழியர்களுக்கான அகவிலைப்படி தற்போது 4 சதவீதமாக உயர்த்தப்பட்டுள்ளது.

மத்திய அரசு ஊழியர்களுக்கான DA மற்றும் மத்திய அரசு ஓய்வூதியர்களுக்கான DR 4% ஆக உயர்த்தப்பட்டுள்ளதாக மத்திய தகவல் மற்றும் ஒளிபரப்புத் துறை அமைச்சர் அனுராக் தாக்கூர் நேற்று அதிகாரப்பூரவமாக அறிவித்துள்ளார்.

அதன்படி மத்திய அரசு ஊழியர்களுக்கான DA மற்றும் ஓய்வூதியர்களுக்கான DR 42% ஆக உயர்த்தப்பட்டுள்ளது. ஏற்கனவே இருந்த 38 சதவீத்ததிலிருந்து 4% உயர்ந்து 42 சதவீதமாக உயர்த்தப்பட்டுள்ளது.

பிரதமர் நரேந்திர மோடி தலைமையிலான அரசு ஜனவரி 1 2023 முதல் மத்திய அரசு ஊழியர்களுக்கான ஊதிய உயர்வை அறிவித்து வருகிறது.

வருடத்திற்கு இரண்டுமுறை உயர்த்தப்படும்!

மத்திய அரசு ஊழியர்களுக்கான டிஏ மற்றும் டிஆர் ஆண்டுக்கு இருமுறை அதாவது ஜனவரி மற்றும் ஜூலை மாதங்களில் திருத்தியமைக்கப்படுவதை கவனிக்க வேண்டும்.

இந்தியாவில் விலைவாசி சுமையை குறைக்க மத்திய அரசு இந்த அகவிலைப்படி மூலம் ஈடு செய்கிறது.

DA எவ்வாறு கணக்கிடப்படுகிறது!

அகவிலைப்படி உயர்த்தப்பட்ட பின்னர் அரசு ஊழியர்களுக்கான சம்பளம் எவ்வளவு உயரும் என்ற கணக்கீட்டை இங்கே பார்க்கலாம்.

அடிப்படை சம்பளம் = ரூ.16,000 எனில்

38 சதவீத அகவிலைப்படி = ரூ.6,080 (மாதத்துக்கு)

42 சதவீத அகவிலைப்படி = ரூ.6,720 (மாதத்துக்கு)

உயர்வு =6,720 - 6,080 = ரூ 640

மொத்த சம்பள உயர்வு - 640 x 12 = ரூ.7,680

அடிப்படை சம்பளம் = ரூ.23,500 எனில்

38 சதவீத அகவிலைப்படி = ரூ.8,930 (மாதத்துக்கு)

42 சதவீத அகவிலைப்படி = ரூ.9,870 (மாதத்துக்கு)

உயர்வு = 9,870 - 8,930 = ரூ.940

மொத்த சம்பள உயர்வு - ரூ.940 x 12= ரூ.11,280

அடிப்படை சம்பளத் தொகை

இதேபோல, அடிப்படை சம்பளத் தொகையைப் பொறுத்து 42 சதவீத அகவிலைப்படி உயர்வுடன் கணக்கிட்டு மொத்த சம்பள உயர்வு எவ்வளவு என்று பார்க்கலாம்.

மத்திய அரசு ஓய்வூதியம் 42%!

மத்திய அரசு ஓய்வூதியம் பெறுபவர்களுக்கும் அகவிலை நிவாரணம் (DR) 42% ஆக உயர்த்தப்பட்டுள்ளது.

அடிப்படை ஓய்வூதியம் = ரூ.40,100 எனில்

38 சதவீத அகவிலைப்படி = ரூ.15,238 (மாதத்துக்கு)

42 சதவீத அகவிலைப்படி = ரூ.16,842 (மாதத்துக்கு)

உயர்வு = 16,842 - 15,238 = ரூ. 1,604

மொத்த ஓய்வூதிய உயர்வு - ரூ.1,604x 12= ரூ.19, 248 ஆக இருக்கும்.

இந்த ஊதிய உயர்வு, ஓய்வூதிய உயர்வும் ஜனவரி 1 2023 முதல் மத்திய அரசு ஊதியம் பெறுபவர்களுக்கு, ஓய்வூதியம் பெறுபவர்களுக்கும் பொருந்தும்.