மூன்லைட்டிங்: டிசிஎஸ் செம அப்டேட்.. ஊழியர்கள் பெரும் நிம்மதி..!

மும்பை: மூன்லைட்டிங் என்பது சமீபத்திய காலமாக பெரும் விவாத பொருளாக மாறியுள்ளது. குறிப்பாக ஐடி துறையில் பெரும் சல சலப்பினை ஏற்படுத்தியுள்ளது.

குறிப்பாக சில வாரங்களுக்கு முன்பு விப்ரோவின் பணி நீக்க நடவடிக்கைக்கு பிறகு, மற்ற ஐடி நிறுவனங்களும் பிரச்சனைகளை கையில் எடுக்கலாம். கடுமையான நடவடிக்கையினை எடுக்கலாம் என்ற அச்சம் இருந்து வந்தது.

குறிப்பாக விப்ரோ, இன்ஃபோசிஸ், டெக் மகேந்திரா உள்ளிட்ட நிறுவனங்கள் மூன்லைட்டிங்கிற்கு எதிராக குரல் கொடுத்து வந்தாலும், டிசிஎஸ் தரப்பில் இருந்து எந்தவிதமான வெளிப்படும் பெரியளவில் இல்லாமல் இருந்து வந்தது.

டிசிஎஸ்-ன் கருத்து

இந்த நிலையில் தான் நாட்டின் மிகப்பெரிய சாப்ட்வேர் ஏற்றுமதியாளரான டிசிஎஸ், மூன்லைட்டிங் குறித்து தனது கருத்தினை தெரிவித்துள்ளது. இது ஒரு நெறிமுறை பிரச்சனை தான். ஆனால் டிசிஎஸ் இதுவரை ஊழியர்களுக்கு எதிரான எந்த நடவடிக்கையையும் எடுக்கவில்லை என கூறியுள்ளது.

ஊழியர்கள் நிம்மதி

6 லட்சத்திற்கும் அதிகமாக ஊழியர்கள் பணியாற்றி வரும் நிலையில், டிசிஎஸ்-ன் மூன்லைட்டிங் குறித்தான அறிவிப்பானது மிக முக்கியத்துவம் வாய்ந்ததாக பர்க்கப்பட்டது. இது குறித்து மற்ற நிறுவனங்களும் கணக்கில் எடுத்துக் கொள்ளலாம் என எதிர்பார்க்கப்பட்டது. இந்த நிலையில் டிசிஎஸ் நிறுவனத்தின் இந்த அறிவிப்பானது ஊழியர்கள் மத்தியில் பெரும் நிம்மதியினை கொடுத்துள்ளது.

டிசிஎஸ் உயர் அதிகாரிகளின் கருத்து

இது குறித்து டிசிஎஸ் நிறுவனத்தின் தலைமை மனித வள அதிகாரி மிலந்த் லக்காட், மூன்லைட்டிங் செய்வது ஒரு நெறிமுறை பிரச்சனை. இது நம் கலாச்சாரத்திற்கு எதிரானது என கூறியுள்ளார்.

இதே டிசிஎஸ் நிறுவனத்தின் தலைமை செயல் அதிகாரி மற்றும் நிர்வாக இயக்குனர் ராஜேஷ் கோபிநாதன் கூறுகையில், ஊழியர்கள் நிறுவனத்தின் ஒரு பகுதியாக இருக்கும்போது, வேறு நிறுவனத்தில் பணியாற்றுவது தடை செய்யப்பட்டுள்ளது என கூறியுள்ளார்.

இணைந்து செயல்பாடு

விப்ரோ எடுத்த பணி நீக்க நடவடிக்கை போல், டிசிஎஸ் அதன் ஊழியர்கள் மீது எந்த நடவடிக்கையும் எடுக்கவில்லை என்றும் லக்காட் தெரிவித்துள்ளது.

டிசிஎஸ் தனது ஊழியர்களுடன் இணைந்து செயல்பட்டு வருவதாகவும், அதன் ஊழியர்களுடன் அர்பணிப்புடன் இருப்பதாகவும் தெரிவித்துள்ளது. ஐடி நிறுவனங்கள் மூன்லைட்டிங் குறித்து வெவ்வேறு விதமாக கருத்துகளை கொண்டு இருந்தாலும், டிசிஎஸ் இதுவரையில் தனது வெளிப்படையான கருத்தினை முழுமையாக தெரிவிக்கவில்லை.

எப்படியிருப்பினும் தற்போது டிசிஎஸ்-ன் இந்த அறிவிப்பானது ஊழியர்கள் மத்தியில் பெரும் நிம்மதியினை கொடுத்திருக்கலாம்.