பேஸ்மென்ட்-ஐ வலிமையாக்கும் முகேஷ் அம்பானி..!

அதானி குழுமத்தின் வீழ்ச்சி இந்தியாவின் அனைத்து முன்னணி வர்த்தக சாம்ராஜ்ஜியத்திற்கும் பாடமாக அமைந்த நிலையில், ரிலையன்ஸ் இண்டஸ்ட்ரீஸ் தனது வர்த்தகத்தை வலிமைப்படுத்தும் வகையில் அடுத்தடுத்து முக்கியமான முதலீடுகளையும், முடிவுகளைும் எடுத்து வருகிறது.

முகேஷ் அம்பானி தலைமையிலான ரிலையன்ஸ் இண்டஸ்ட்ரீஸ் தற்போது ரீடைல், டெலிகாம், நியூ எனர்ஜி ஆகிய பிரிவில் அதிகப்படியான முதலீடும், கவனத்தையும் செலுத்தி வந்தாலும், தனது ஆஸ்தான பெட்ரோல்கெமிக்கல் வர்த்க்கத்தை வலிமைப்படுத்துவதில் உறுதியாக உள்ளது.

இந்த நிலையில் ரிலையன்ஸ் இண்டஸ்ட்ரீஸ்-ன் கிளை நிறுவனமான ரிலையன்ஸ் பாலியஸ்டர் லிமிடெட் நிறுவனம் சுப்பலக்ஷ்மி பாலியஸ்டர்ஸ் லிமிடெட் மற்றும் சுப்லக்ஷ்மி பாலிடெக்ஸ் லிமிடெட் ஆகிய இரு நிறுவனங்களை கைப்பற்றியுள்ளது. இதன் மூலம் ரிலையன்ஸ் சாம்ராஜ்ஜியத்தின் அஸ்திவாரமான பெட்ரோகெமிக்கல் வர்த்தகத்தை மேம்படுத்த உள்ளது.

ரிலையன்ஸ் இண்டஸ்ட்ரீஸ்

ரிலையன்ஸ் இண்டஸ்ட்ரீஸ் 2022 ஆம் ஆண்டு செப்டம்பர் மாதம் சுப்பலக்ஷ்மி பாலியஸ்டர்ஸ் லிமிடெட் நிறுவனத்தை 1,522 கோடி ரூபாய்க்கும், சுப்லக்ஷ்மி பாலிடெக்ஸ் நிறுவனத்தை 70 கோடி ரூபாய்க்கும் வாங்குவதாக ஒப்பந்தம் செய்தது.

சுப்பலக்ஷ்மி

இந்த கைப்பற்றல் திட்டத்திற்கு அக்டோபர் மாதம் சிசிஐ ஒப்புதல் அளித்த நிலையில் தற்போது ரிலையன்ஸ் மொத்தமாக பணத்தை கொடுத்து கைப்பற்றியுள்ளது. இந்த கைப்பற்றல் குறித்து ரிலையன்ஸ் இண்டஸ்ட்ரீஸ் பங்குச்சந்தையில் அறிக்கை சமர்ப்பித்துள்ளது.

குஜராத்

 

தஹேஜ் (குஜராத்) மற்றும் சில்வாசா (தாத்ரா மற்றும் நகர் ஹவேலி) ஆகிய இடங்களில் சுப்பலக்ஷ்மி பாலியஸ்டர்ஸ் இரண்டு உற்பத்தி ஆலைகளை கொண்டுள்ளது மற்றும் சுப்பலக்ஷ்மி பாலிடெக்ஸ் தஹேஜில் ஒரு கடினமான நூல் உற்பத்திப் பிரிவைக் கொண்டுள்ளது.

பாலியஸ்டர்

பாலியஸ்டர் தயாரிப்புகளின் உற்பத்தி மற்றும் விநியோகத்தில் இவ்விரு நிறுவனங்கள் நிபுணத்துவம் பெற்றவை. ரிலையன்ஸின் பாலியஸ்டர் வணிகத்தை விரிவுபடுத்தும் திட்டத்தின் ஒரு பகுதியாக இவ்விரு நிறுவனங்கள் கையகப்படுத்தப்பட்டு உள்ளது.

அலோக் இண்டஸ்ட்ரீஸ்

டெக்ஸ்டைல் துறையில் ரிலையன்ஸ் இண்டஸ்ட்ரீஸ் நிறுவனங்களை கைப்பற்றுவது முதல் முறையல்ல, 2019 ஆம் ஆண்டில், திவாலான அலோக் இண்டஸ்ட்ரீஸ் நிறுவனத்தை 5,000 கோடி ரூபாய்க்கு வாங்கியது. அலோக் இண்டஸ்ட்ரீஸ், சில்வாசா, வாபி, நவி மும்பை மற்றும் பிவாண்டி ஆகிய இடங்களில் தொழிற்சாலைகளை வைத்துள்ளது. இந்நிறுவனம் ஆண்டுக்கு 68,000 டன் பருத்தி நூல் மற்றும் 1.7 லட்சம் டன் பாலியஸ்டர் உற்பத்தி செய்யும் திறன் கொண்டது.

சின்டெக்ஸ் இண்டஸ்ட்ரீஸ்

இதேபோல் ஏப்ரல் 2022 இல், ரிலையன்ஸ் இண்டஸ்ட்ரீஸ் திவாலான சின்டெக்ஸ் இண்டஸ்ட்ரீஸ்-ஐ ரூ.3,651 கோடிக்கு வாங்கியது. இந்நிறுவனம் Hugo Boss, Armani, Burberry மற்றும் Diesel போன்ற உலகளாவிய பிராண்டுகளுக்கு சின்டெக்ஸ் முக்கிய சப்ளையர் ஆக உள்ளது.