பங்குச்சந்தையில் நடந்த மேஜிக்.. ஒரே வாரத்தில் ரூ.46,687 கோடி லாபம்.. மிரட்டிவிட்ட அம்பானி..!!

கடந்த வாரத்தில், இந்தியப் பங்குச்சந்தையில் நிலவிய சாதகமான போக்கின் காரணமாக நாட்டின் முதல் 10 முன்னணி நிறுவனங்களின் கூட்டுச் சந்தை மதிப்பு ரூ. 1,55,710.74 கோடி அளவுக்கு உயர்ந்துள்ளது. இதில், ஆசியாவின் மிகப் பெரிய பணக்காரரான முகேஷ் அம்பானியின் ரிலையன்ஸ் இண்டஸ்ட்ரீஸ் மற்றும் டாடா குழுமத்தைச் சேர்ந்த டிசிஎஸ் (TCS) நிறுவனங்கள் அதிக லாபத்தை ஈட்டி மிகப்பெரிய பங்களிப்பை வழங்கியுள்ளன.

ரிலையன்ஸ் முதலிடம் : முகேஷ் அம்பானியின் தலைமையிலான ரிலையன்ஸ் இண்டஸ்ட்ரீஸ் நிறுவனம், கடந்த வாரம் மட்டும் தனது சந்தை மதிப்பில் ரூ. 46,687.03 கோடியை சேர்த்துள்ளது. இதன் மூலம் நிறுவனத்தின் ஒட்டுமொத்த சந்தை மதிப்பு ரூ. 19,64,170.74 கோடிக்கு உயர்ந்து, இந்தியாவின் மிகவும் மதிப்புமிக்க நிறுவனம் என்ற தனது பட்டத்தை ரிலையன்ஸ் தக்க வைத்துக் கொண்டது.

லாபம் ஈட்டிய மற்ற முன்னணி நிறுவனங்கள் :நாட்டின் மிகப்பெரிய ஐடி சேவை ஏற்றுமதியாளரான டாடா கன்சல்டன்சி சர்வீசஸ் நிறுவனத்தின் சந்தை மதிப்பு ரூ. 36,126.6 கோடி அதிகரித்து, ரூ. 11,08,021.21 கோடியை தொட்டது.

இதேபோல, இன்ஃபோசிஸ் நிறுவனத்தின் மதிப்பு ரூ. 34,938.51 கோடி உயர்ந்து ரூ. 6,33,712.38 கோடியாகவும், பாரதி ஏர்டெல் ரூ. 9,779.11 கோடி அதிகரித்து ரூ. 11,57,014.19 கோடியாகவும் உயர்ந்தன.

பொதுத்துறை வங்கியான பாரத ஸ்டேட் வங்கியின் (SBI) சந்தை மதிப்பு ரூ. 13,892.07 கோடி உயர்ந்து ரூ. 8,34,817.05 கோடியை எட்டியது. பஜாஜ் ஃபைனான்ஸ் நிறுவனம் ரூ. 11,947.17 கோடி அதிகரித்து ரூ. 6,77,846.36 கோடியானது. மேலும், லைஃப் இன்சூரன்ஸ் கார்ப்பரேஷன் ஆஃப் இந்தியா (LIC) நிறுவனத்தின் மதிப்பு ரூ. 2,340.25 கோடி உயர்ந்து ரூ. 5,62,513.67 கோடியானது.

கடந்த வாரத்தில், முதல் 10 நிறுவனங்களில் ரிலையன்ஸ் இண்டஸ்ட்ரீஸ், பாரதி ஏர்டெல், டிசிஎஸ், எஸ்பிஐ, பஜாஜ் ஃபைனான்ஸ், இன்ஃபோசிஸ் மற்றும் எல்ஐசி என மொத்தம் 7 நிறுவனங்கள் ஏற்றம் கண்டன.

சரிவைக் கண்ட நிறுவனங்கள் :சந்தை முழுவதும் சாதகமான போக்கு நிலவியபோதும், முதல் 10 பட்டியலில் இடம்பிடித்த 3 பெரிய நிறுவனங்கள் தங்கள் சந்தை மதிப்பில் சரிவைக் கண்டன.

ஐசிஐசிஐ வங்கியின் சந்தை மதிப்பு ரூ. 43,744.59 கோடி சரிந்து ரூ. 9,82,746.76 கோடியாக குறைந்தது. அதேபோல், ஹிந்துஸ்தான் யூனிலீவர் நிறுவனத்தின் மதிப்பு ரூ. 20,523.68 கோடி சரிந்து ரூ. 5,91,486.10 கோடியானது. ஹெச்.டி.எஃப்.சி வங்கியின் மதிப்பு ரூ. 11,983.68 கோடி சரிந்தபோதும், ரூ. 15,28,227.10 கோடியுடன் அது இரண்டாவது இடத்தை தக்க வைத்துக் கொண்டது.

சந்தை தரவுகளின்படி, இந்தியாவின் முதல் 10 மிகவும் மதிப்புமிக்க நிறுவனங்கள் வரிசையில், ரிலையன்ஸ் இண்டஸ்ட்ரீஸ் முதலிடத்தை தக்கவைத்துக் கொண்டது. அதனைத் தொடர்ந்து ஹெச்.டி.எஃப்.சி வங்கி, பாரதி ஏர்டெல், டிசிஎஸ், ஐசிஐசிஐ வங்கி, எஸ்பிஐ, பஜாஜ் ஃபைனான்ஸ், இன்ஃபோசிஸ், ஹிந்துஸ்தான் யூனிலீவர் லிமிடெட் மற்றும் எல்.ஐ.சி ஆகியவை அடுத்தடுத்த இடங்களில் உள்ளன.