மும்பை-யின் முதல் ஷாப்பிங் மால் சோபோ சென்ட்ரல் மால் நிலைமையை பார்த்தீங்களா..?!!

மும்பையின் சோபோ சென்ட்ரல் மால் ஜனவரி 29ஆம் தேதியன்று ஏலத்துக்கு வருகிறது. சோபோ மால் முன்பு கிராஸ்ரோட்ஸ் மால் என்று அழைக்கப்பட்டது. 2002இல் இந்த மால் கட்டப்பட்டது, அதன்பிறகு ஏராளமான பெரிய ஷாப்பிங் மால்கள் மும்பையில் கட்டப்பட்டுவிட்டன. இருப்பினும் மும்பையின் முதல் ஷாப்பிங் மால் என்ற பெயரை சோபோ சென்ட்ரல் மால் தக்க வைத்தது.

230.90 கோடி கடனை வசூலிப்பதற்காக இந்த மாலை கனரா வங்கி ஏலத்தில் விடுகிறது. கொரோனா காலத்தினால் இந்த மாலுக்கு அதிக வாடிக்கையாளர்கள் வருவதில்லை. இதனால் ரூ.500 கோடி கடன் சேர்ந்து விட்டது.

1 லட்சத்து 7 ஆயிரத்து 691 சதுர அடி பரப்புள்ள இந்த மாலில் 1999இல் இருந்து செயல்பட்டு வரும் மெக்டோனல்டு கிளை தவிர மற்ற பகுதிகள் ஏலத்தில் விற்கப்படுகிறது. மொத்தம் ஐந்து அடுக்குகளை இந்த மால் கொண்டிருக்கிறது.

நிதிச் சொத்துகளின் பத்திரமாக்கல் மற்றும் மறுகட்டமைப்பு மற்றும் பாதுகாப்பு வட்டி அமலாக்கச் சட்டம் (SARFAESI) 2022 இன் கீழ் வங்கியானது குறியீட்டுச் சொத்துக்களை கையகப்படுத்தியுள்ளது என்று வங்கியின் கையகப்படுத்தப்பட்ட சொத்து மேலாண்மைக் கிளை வெளியிட்டுள்ள ஏல அறிவிப்பில் தெரிவிக்கப்பட்டுள்ளது.

ஏலத் தொகுதியில் வைக்கப்பட்டுள்ள சொத்துக்களில் கீழ் தளத்தில் உள்ள கடைகள், வணிக வளாகங்கள் மற்றும் 28,414.24 சதுர அடியில் ஐந்து தளங்கள், 28,414.24 சதுர அடி, 4,961 சதுர அடியில் தரை மற்றும் நான்காவது தளம் B, 17,151.96 சதுர அடி, மூன்று தளங்கள் மற்றும் கட்டிடம் B ஆகியவை அடங்கும். தரையில் 57,161.58 சதுர அடி மற்றும் கட்டிடம் C இல் நான்கு தளங்கள். ஏலத்தில் விடப்படும் மொத்த பரப்பளவு 1,07691.99 சதுர அடி ஏல முன்வைப்புத் தொகை ரூ.50 கோடி.

2006இல் சோபோ மாலை முந்தைய உரிமையாளர்களிடமிருந்து தற்போதைய உரிமையாளர்கள் விலைக்கு வாங்கியிருந்தனர். ஏலத்தில் பங்கேற்க விருப்பமுள்ளவர்கள் மாலை பார்வையிடுவதற்கு ஜனவரி 20 ஆம் தேதியன்று அனுமதி வழங்கப்படுகிறது. ஏலத்தேதியன்று அல்லது அதற்கு முன்பாக ரூ.50 கோடியை முன்தொகையாக அவர்கள் செலுத்த வேண்டும்.