ஈரான் ஏவுகணை தாக்குதல்: உயிர் தப்பிய பெஞ்சமின் நெதன்யாகு..!! இடிபாடுகளின் நடுவில் மோடிக்கு நன்றி - வீடியோ

மத்திய கிழக்கில் பதற்றம் உச்சம் தொட்டுள்ள நிலையில், இஸ்ரேல் பிரதமர் பெஞ்சமின் நெதன்யாகுவை குறிவைத்து ஈரான் சரமாரியாக ஏவுகணைத் தாக்குதல் நடத்தியது. இந்த தாக்குதலில் பெஞ்சமின் நெதன்யாகு உயிர் தப்பியுள்ளார். அதைவிட முக்கியமாக, தாக்குதலுக்குப் பிறகு சேதமடைந்த பகுதியிலிருந்தே அவர் செய்தியாளர்களுக்கு பேட்டி அளித்தபோது, இந்திய பிரதமர் நரேந்திர மோடிக்கு நன்றி தெரிவித்தது சர்வதேச அரசியலில் புதிய கவனத்தை ஈர்த்துள்ளது.

இந்த நிகழ்வு, இந்தியா-இஸ்ரேல் உறவுகள் மற்றும் மத்திய கிழக்கில் உருவாகும் புதிய அரசியல் மாற்றங்கள் குறித்து பல்வேறு கேள்விகளை எழுப்பியுள்ளது.

போர் சூழலில் பேட்டி:
இஸ்ரேலின் பீட் ஷெமேஷ் (Beit Shemesh) பகுதியில் ஈரானிய ஏவுகணை தாக்குதலால் சேதமடைந்த யூத ஆலயத்தை நேரில் பார்வையிட்ட பெஞ்சமின் நெதன்யாகு, அங்கிருந்தே ஊடகங்களுக்கு பேட்டி அளித்தார். இடிபாடுகள் சூழ்ந்த சூழலில் அவர் கூறிய கருத்துகள் உலக அளவில் பெரும் தாக்கத்தை ஏற்படுத்தின.

அந்த செய்தியாளரின் கேள்விக்கு பேட்டியில், "என் நெருங்கிய நண்பரான பிரதமர் நரேந்திர மோடியுடன் நீண்ட நேரம் பேசினேன். இஸ்ரேலுக்கு ஆதரவாகவும், உண்மைக்கு துணையாகவும் நின்றதற்காக அவருக்கு நன்றி தெரிவித்தேன். இந்திய மக்கள் இஸ்ரேலில் மதிக்கப்படுகிறார்கள்; இரு நாடுகளுக்கும் உள்ள நட்பு மிக வலிமையானது," என்று பெஞ்சமின் நெதன்யாகு தெரிவித்தார். உரையாடலின் முழு விவரங்களை வெளியிடமாட்டேன் என்றும் அவர் குறிப்பிட்டார்.

ஈரானின் தாக்குதல், இந்தியாவின் கண்டனம்
ஈரான் மேற்கொண்ட தாக்குதல்கள் இஸ்ரேலுக்கு மட்டுமல்லாமல், ஐக்கிய அரபு அமீரகம், ஜோர்டான், பஹ்ரைன், சவுதி அரேபியா போன்ற அண்டை நாடுகளுக்கும் அச்சுறுத்தலாக பார்க்கப்பட்டன. இந்த சூழலில், பிரதமர் நரேந்திர மோடி அந்த நாடுகளின் தலைவர்களுடன் பேசி, பதற்றத்தை குறைக்க வேண்டிய அவசியத்தை வலியுறுத்தினார்.

இந்தியா-இஸ்ரேல் உறவு:
இரு நாடுகளுக்கும் இடையே பல ஆண்டுகளாக வலுவான நட்புறவு நிலவி வருகிறது. பாதுகாப்பு ஒத்துழைப்பு, தொழில்நுட்ப பரிமாற்றம், வேளாண்மை, வர்த்தகம் மற்றும் மக்கள் தொடர்புகள் ஆகிய துறைகளில் இந்தியா-இஸ்ரேல் கூட்டாண்மை ஆழமாக விரிந்துள்ளது.

தனிப்பட்ட முறையிலும் நரேந்திர மோடி மற்றும் பெஞ்சமின் நெதன்யாகு இடையே நெருக்கமான நட்பு உள்ளது. இந்த உறவு, தற்போதைய போர் சூழலிலும் வெளிப்படையாக பிரதிபலித்துள்ளது.

ஈரானில் ஆட்சி மாற்றம்?
இப்பேட்டியில் பேட்டியில் பெஞ்சமின் நெதன்யாகு, ஈரானிய மக்களை நேரடியாகக் குறிப்பிடினார். "ஈரானிய மக்கள் தங்கள் நாட்டின் எதிர்காலத்தை தீர்மானிக்க வேண்டும். ஆட்சி மாற்றம் அவர்களின் விருப்பம். அந்த நாள் விரைவில் வரும் என்று நம்புகிறேன். இஸ்ரேலும் அமெரிக்காவும் ஈரானிய மக்களுடன் நிற்கும்," என்றார்.

ஈரானில் ஆட்சியாளர்களுக்கு எதிராக மக்கள் எழுச்சி உருவாக வேண்டும் என்ற கருத்தை அவர் மறைமுகமாக வலியுறுத்தினார். அமெரிக்க முன்னாள் அதிபர் டொனால்ட் டிரம்பும் "உங்கள் நாட்டை மீட்டெடுங்கள்" என்று ஈரானிய மக்களுக்கு முன்பே கூறியிருந்தார்.

மத்திய கிழக்கில் புதிய அதிகார சமநிலை?
ஈரானின் ஏவுகணை தாக்குதல்கள், அதற்கு பதிலாக இஸ்ரேல் மற்றும் அமெரிக்காவின் நடவடிக்கைகள் - இவை அனைத்தும் மத்திய கிழக்கில் அதிகார நிலை மாற்றும் அளவுக்கு வளர்ந்து வருகின்றன. இந்த சூழலில், இந்தியாவின் நிலைப்பாடு உலக கவனத்தை ஈர்க்கிறது.

போரின் தாக்கம் அரசியல் மட்டுமல்ல; எரிபொருள் விலை, உலக சந்தைகள், பாதுகாப்பு சூழல் ஆகிய அனைத்திலும் இதன் பிரதிபலிப்பு காணப்படுகிறது.

உலகம் கவனிக்கும் உரையாடல்
ஒரு தாக்குதலுக்குப் பிறகு இடிபாடுகளின் நடுவில் நின்று நன்றி தெரிவிக்கும் ஒரு பிரதமர் - அதுவும் இந்தியாவுக்கு. இது ஒரு அரசியல் செய்தியாக மட்டுமல்ல; உலக அரசியல் கூட்டணிகளின் சைகையாகவும் பார்க்கப்படுகிறது.

மத்திய கிழக்கில் உருவாகும் இந்த புதிய அத்தியாயத்தில், இந்தியா-இஸ்ரேல் உறவு மேலும் வலுப்பெறுமா? அல்லது பிராந்திய பதற்றம் புதிய திருப்பத்தை எடுப்பதா? அடுத்த சில நாட்கள் உலக அரசியலின் திசையை தீர்மானிக்கக்கூடும்.