அமெரிக்காவில் புதிய மசோதா.. ஹெச்1பி விசா-வில் கடும் கட்டுப்பாடுகள்...!

அமெரிக்கன் டெக் வொர்க்போர்ஸ்

அமெரிக்க நாடாளுமன்றத்தில் அமெரிக்கன் டெக் வொர்க்போர்ஸ் விதி 2021 தலைப்பில் சமர்ப்பிக்கப்பட்டு உள்ள மசோதாவில் ஆப்ஷனல் பிராடிக்கல் டிரைனிங் திட்டத்தை மொத்தமாகத் தடை செய்ய வேண்டும் தெரிவிக்கப்பட்டு உள்ளது. இந்தத் திட்டத்தைப் பெரிய நிறுவனங்கள் தவறாகப் பயன்படுத்தி அதிகளவில் பலன் பெறுவதாக் கூறப்பட்டு உள்ளது.

OPT திட்டம்

Optional Pratical Training (OPT) திட்டத்தின் மூலம் பெரிய டெக் நிறுவனங்கள் வரிச் சலுகை பெறுவது மட்டும் அல்லாமல், குறைந்த சம்பளத்தில் அதிகப்படியான ஊழியர்களைப் பணியில் அமர்த்தும் சலுகையும் பெறுகிறது எனத் தெரிவிக்கப்பட்டு உள்ளது. இந்த மசோதா அமெரிக்க நாடாளுமன்ற உறுப்பினர்கள் முன்னிலையில் சமர்ப்பிக்கப்பச்சு உள்ளது, விரைவில் இதற்கான முடிவுகள் எடுக்கப்படும்.

வருமான அளவீடு

இதேபோல் ஹெச்1பி விசா வழங்குவதற்கு ஆண்டு வருமான அளவீட்டை நிர்ணயம் செய்ய வேண்டும், மேலும் இந்த வருமானத்தை நிர்ணயம் செய்யத் தத்தம் பதவியில் இருக்கும் அமெரிக்கரின் அதிகப்படியான சம்பளத்தைக் கருத்தில் கொண்டு அளவீட்டை முடிவு செய்ய வேண்டும் எனத் தெரிவித்துள்ளார்.

1 வருடம் மட்டுமே

மேலும் ஹெச்1பி விசா காலத்தைத் தற்போது இருக்கும் 3 வருடத்தை 1 வருடமாகக் குறைக்க வேண்டும் என்றும் இந்த மசோதா மூலம் ஜிம் பேங்க்ஸ் கோரிக்கை வைக்கப்பட்டு உள்ளது.

ஜிம் பேங்க்ஸ்

மேலும் இந்த மசோதாவை குடியரசு கட்சியின் ஆய்வு அமைப்பின் தலைவர் ஜிம் பேங்க்ஸ் நாடாளுமன்றத்தில் சமர்ப்பித்துள்ளார். முதலில் இந்த மசோதாவை விவாதத்திற்காக எடுத்துக்கொள்ள ஒப்புதல் அளிக்க வேண்டும் அதன் பின்பு ஆலோசனை செய்து இறுதி முடிவு எடுக்கப்பட்டுச் சட்டமாக உருவாக்கப்பட்டு அமலாக்கம் செய்யப்படும்.

வரிச் சலுகை

ஜிம் பேங்க்ஸ் அமெரிக்காவில் பெரிய நிறுவனங்கள் வரிச் சலுகை முதல் அதிகளவில் ஆதாயம் பெற்றாலும், நாட்டுப்பற்று இல்லாமல் இருப்பதாகக் குற்றம் சாட்டியுள்ளார். இதேபோல் அமெரிக்காவில் பெரு நிறுவனங்கள் முக்கியமான வேலைவாய்ப்புகளை அமெரிக்கர்களுக்கு அளிக்காமல் வெளிநாட்டவர்களுக்கு அளிக்கின்றனர் எனவும் குற்றம்சாட்டியுள்ளார்.