நிர்மலா சீதாராமனின் ஒரே மகளுக்கு ஆர்பாட்டம் இல்லா திருமணம் - செம வீடியோ..!!

பிரதமர் மோடி தலைமையிலான ஆட்சியில் நிர்மலா சீதாராமன் பாதுக்காப்பு துறை அமைச்சர், நிதியமைச்சர் என பல முக்கிய பொறுப்பில் இருப்பது மட்டும் அல்லாமல் கொரோனா தொற்று பாதிப்பில் இருந்து நாட்டின் பொருளாதாரத்தை மீட்டு வளர்ச்சி பாதைக்கு கொண்டு வந்ததில் முக்கிய பங்கு வகித்தவர்.

இது மட்டும் அல்லாமல் இந்திரா காந்தி-க்கு அடுத்தாக பெண் பாதுக்காப்பு துறை அமைச்சராகவும், இந்தியாவின் முதல் முழு நேர பெண் நிதி அமைச்சராகவும் இருந்தவர் நிர்மலா சீதாராமன். இப்படி பல பெருமைக்கு சொந்தக்காரராக இருக்கும் மத்திய நிதியமைச்சரான நிர்மலா சீதாராமன் பெங்களூரு ஜெயநகரில் தன் குடும்பத்துடன் வசித்து வருகிறார்.

இந்த நிலையில் நிர்மலா சீதாராமனின் ஓரே மகளான வாங்மயி ப்ரகலா-வுக்கு, ப்ரதீக் என்பவருடன் திருமணம் நிச்சயிக்கப்பட்ட நிலையில், பெங்களூர் தனியார் ஹோட்டலில் மிக எளிமையான முறையில் திருமணம் நடந்து முடிந்துள்ளது.

பொதுவாக அரசியல் தலைவர்கள் வீட்டில் திருமணம் என்பறால் மிகபும் பிரம்மாண்டமான முறையில் ஊரே வியக்கும் வகையில் தான் கொண்டாட்டங்கள் இருக்கும். ஆனால் மத்திய நிதியமைச்சராக இருக்கும் நிர்மலா சீதாராமனின் ஓரே மகளான வாங்மயி ப்ரகலா-வின் திருமணம் மிகவும் எளிமையாக நடந்தது மட்டும் அல்லாமல் எந்த பெரிய அரசியல் தலைவர்களையும் அழைக்காமல் திருமணத்திற்கு நெருங்கிய உறவினர்களுக்கு மட்டுமே அழைப்பு விடுக்கப்பட்டு திருமண விழா நடந்துள்ளது.

மத்திய நிதியமைச்சராக இருந்துக்கொண்டு நிர்மலா சீதாராமன், தனது மகளின திருமணத்தை மிகவும் எளிமையாக நடத்தியுள்ளார் என்பது பலரின் பாராட்டையும் பெற்றுள்ளது. வாங்மயி ப்ரகலா மற்றும் ப்ரதீக்-ன் திருமணம் பெங்களூருவில் உள்ள தனியார் ஹோட்டலில் நடந்துள்ளதாக தெரிகிறது.

நிர்மலா சீதாராமனின் கணவர் பொருளாதார நிபுணரும் சமூக விமர்சகர் டாக்டர் பரகலா பிரபாகர், இவருடைய கணவர் குடும்பம் காங்கிரஸ் ஆதரவாளராக இருக்கும் வேளையில், நிர்மலா சீதாராமன் பிஜேபி சேர்வராக உள்ளார். பெற்றோர் இருவரும் அரசியல் பின்புலம் கொண்டிருந்தாலும், திருமணம் எளிமையாக நடந்திருப்பது பலரின் கவனத்தையும் ஈர்த்துள்ளது.

வாங்மயி ப்ரகலா மற்றும் ப்ரதீக்-ன் திருமணம் வீடியோ பேஸ்புக்-ல் பகிரப்பட்டு உள்ளது.

வாங்மயி ப்ரகலா ஒரு தேசிய பத்திரிக்கையில் பணியாற்றினார், ஆங்கில இலக்கியத்தில் டெல்லி பல்கலைக்கழகத்தில் இளங்கலை மற்றும் முதுகலை பட்டம் பெற்ற அவர், பின்னர் அமெரிக்காவில் பத்திரிக்கை துறையில் முதுகலை பட்டம் பெற்றார்.