நீதா அம்பானி வாங்கிய ரூ.100 கோடி ரதம்.. ’அடேங்கப்பா’ உலகத்திலேயே 11 கார் தான் இருக்குதாம்.!!

முகேஷ் அம்பானி என்றாலே இந்தியாவின் மிகச்சிறந்த தொழிலதிபர், நம்பர் 1 பணக்காரர் என்பதை தாண்டி ஆடம்பர செலவு செய்து ஏதாவது ஒரு புதிய விஷயத்தை செய்து வருவது அவரது ஸ்டைல். அதேபாணியில், அவர்கள் குடும்பத்தினரும் ஆடம்பர பொருட்கள் சேர்க்கையில் அவருக்கு மிஞ்சியவர்கள் இல்லை. முகேஷ் அம்பானி ஏராளமான ஆடம்பர கார்களை வைத்துள்ளார். அவரது கார் கலெக்‌ஷனில் பல்வேறு ரோல்ஸ் ராய்ஸ் மாடல்கள், மெர்சிடிஸ்-மேபேக்குகள், பிஎம்டபிள்யூக்கள், ஃபெராரிகள் மற்றும் பென்ட்லிகள் உள்ளன.

தற்போது, அவரது மனைவி நீதா அம்பானி உலக்கதரம் வாய்ந்த தங்களது கேரேஜில் மற்றொரு புதிய ரத்தினத்தை சேர்ந்துள்ளனர். நாட்டிலேயே மிகவும் விலையுயர்ந்ததாக கருதப்படும் காரை வாங்கியுள்ளார். அம்பானி குடும்பத்தின் உலகத் தரம் வாய்ந்த கார் சேகரிப்பில், சுமார் ரூ.100 கோடி மதிப்புள்ள மிகவும் அரிதான ஆடி A9 கமிலியன் (Audi A9 Chameleon) காரும் தற்போது இணைந்துள்ளது. இந்த ஆடம்பரமான கார் இந்தியாவில் ஆடம்பர கார் வைத்துள்ள மற்ற செல்வந்தர்களிடையே பெரும் ஆர்வத்தை தூண்டியுள்ளது.

ஆடம்பர ஆடி: ஆடி A9 கமிலியன் சிறப்பு அம்சங்கள்: ஆடி A9 கமிலியன் இதுவரை தயாரிக்கப்பட்ட மிகச் சில பிரத்யேக சொகுசு கார்களில் ஒன்றாகும். இதன் மிக முக்கியமான சிறப்பு அம்சம் என்னவென்றால், அதன் பச்சோந்தி போன்று நிறம் மாற்றும் வண்ணப்பூச்சு தான். வெளிச்சம் மற்றும் கோணங்களைப் பொறுத்து நிறத்தை மாற்றும். இது காருக்கு உலகளவில் அதிக ஈர்ப்பை அளிக்கிறது. இதன் வடிவமைப்பு எதிர்காலத்தைக் குறிப்பதாகவும், அதிநவீன தொழில்நுட்பம் மற்றும் இணையற்ற செயல்திறன் கொண்டதாகவும் வடிவமைக்கப்பட்டுள்ளது. இதன் கைவினை வேலைப்பாடுகள், கலைத்திறனுடன் கூடிய இதன் வேலைப்பாடுகள் ஒரு அரிய கலவையாகும். காரின் உட்புறமும், வாடிக்கையாளரின் விருப்பப்படி வடிவமைக்கப்பட்டுள்ள டிசைன்கள், அடுத்த தலைமுறை இன்ஃபோடெயின்மென்ட் அமைப்புகள் மற்றும் கைவினை விவரங்கள் எனச் சமமான ஆடம்பரத்துடன் உள்ளது.

உலகளாவிய உயரடுக்கு பட்டியலில் அம்பானி: உலகளவில் வெறும் 11 யூனிட்கள் மட்டுமே தயாரிக்கப்பட்டுள்ள இந்த அரிதான காரின் உரிமையாளராக நீதா அம்பானி மாறியுள்ளார். இதன் மூலம், இந்த ஆடம்பரமான தலைசிறந்த படைப்பைச் சொந்தமாக்கிய 11 பேர் கொண்ட உலகளாவிய உயரடுக்கு பட்டியலில் அவர் இணைந்துள்ளார். அம்பானி குடும்பம் ஏற்கெனவே உலகின் மிக அரிதான மற்றும் மிகவும் விலையுயர்ந்த கார்களைத் தனது சேகரிப்பில் வைத்திருப்பதற்காக அறியப்படுகிறது. ஆனால், இந்த ஆடி A9 Chameleon, ஆடம்பர கார் சேகரிப்பில் ஒரு புதிய சாதனையாகக் கருதப்படுகிறது. நீதா அம்பானியின் இந்த கார், இந்தியாவின் சாலைகளில் ஓடும் மிகவும் விலையுயர்ந்த மற்றும் அரிதான காராக இருக்கும் என்று கூறப்படுகிறது.