தேர்வே இல்லாமல் மத்திய அரசு வேலை..! 30000+ காலி பணியிடங்கள், மாதம் ரூ.30000 சம்பளம்..! 10ஆம் வகுப்பு போதும்

மத்திய அரசு வேலைக்காக நீண்ட காலமாகக் காத்திருக்கும் லட்சக்கணக்கான இளைஞர்களுக்கு, குறிப்பாக 10ஆம் வகுப்பு மட்டுமே படித்தவர்களுக்கு, இந்திய அஞ்சல் துறை (India Post) ஒரு மிகப்பெரிய மகிழ்ச்சி செய்தியை கொண்டு வர உள்ளது.

இந்திய அஞ்சல் துறை, நாடு முழுவதும் உள்ள 30,000-க்கும் அதிகமான கிராம அஞ்சல் ஊழியர் (Gramin Dak Sevak - GDS) காலிப்பணியிடங்களை நிரப்புவதற்கான அதிகாரப்பூர்வ அறிவிப்பை விரைவில் வெளியிடவுள்ளது. இந்தப் பணிக்கான முக்கியமான சிறப்பு என்னவென்றால், இந்த பணியில் சேர எந்தவிதமான எழுத்துத் தேர்வும் கிடையாது.

10ஆம் வகுப்பு மதிப்பெண்களே அடிப்படை
இந்த GDS பணிகளுக்கு, விண்ணப்பதாரர்கள் எழுத்துத் தேர்வு, நேர்முகத் தேர்வு, உடற்தகுதி தேர்வு போன்ற எந்தவிதமான பரீட்சைகளுக்கும் செல்லத் தேவையில்லை. 10ஆம் வகுப்பில் பெற்ற மதிப்பெண்களின் அடிப்படையில் (Merit List) மட்டுமே தேர்வு நடைபெறும்.

அதாவது, 10ஆம் வகுப்பில் அதிக மதிப்பெண் பெற்றவர்களுக்கு முன்னுரிமை வழங்கப்படும். இதனால், தேர்வு அச்சம் இல்லாமல் அரசு வேலை பெறும் அரிய வாய்ப்பு உருவாகியுள்ளது.

எந்தெந்த பதவிகள் நிரப்பப்பட உள்ளன?
இந்த அறிவிப்பின் மூலம், இந்திய அஞ்சல் துறை கீழ்கண்ட பதவிகளுக்கான ஆட்சேர்ப்பை மேற்கொள்ள உள்ளது:
கிளை அஞ்சல் அதிகாரி (Branch Post Master - BPM)
உதவி கிளை அஞ்சல் அதிகாரி (Assistant Branch Post Master - ABPM)
தபால் சேவகர் (Dak Sevak)

இந்த பணிகள் அனைத்தும் கிராமப்புறங்களில் அஞ்சல் சேவையை வலுப்படுத்தும் நோக்கில் உருவாக்கப்பட்டவை.

சம்பளம் எவ்வளவு?
பதவி மற்றும் பணிப்படி (TRCA slab) அடிப்படையில், தேர்வாகும் ஊழியர்களுக்கு: மாதம் ரூ.10,000 முதல் அதிகபட்சமாக ரூ.29,000 வரை சம்பளம் வழங்கப்படும். மேலும், காலப்போக்கில் சம்பள உயர்வும் கிடைக்கும்.

கால அட்டவணை - GDS ஆட்சேர்ப்பு 2026
தற்போதைய தகவல்களின்படி, GDS ஆட்சேர்ப்புக்கான கால அட்டவணை இதுபோல் இருக்கும் என எதிர்பார்க்கப்படுகிறது:

• அறிவிப்பு வெளியீடு: ஜனவரி 2026 (விரைவில்)
• விண்ணப்ப தொடக்கம்: ஜனவரி 20, 2026 (உத்தேசம்)
• விண்ணப்ப கடைசி தேதி: பிப்ரவரி 05, 2026 (உத்தேசம்)
• தேர்வு முடிவுகள்: பிப்ரவரி - மார்ச் 2026

அதிகாரப்பூர்வ அறிவிப்பு வெளியானதும், இந்த தேதிகள் உறுதி செய்யப்படும்.

தகுதி வரம்புகள் என்ன?
இந்தப் பணிக்கு விண்ணப்பிக்க, விண்ணப்பதாரர்கள் பின்வரும் தகுதிகளை பூர்த்தி செய்திருக்க வேண்டும்:
கல்வித் தகுதி: 10ஆம் வகுப்பில் தேர்ச்சி
கணிதம் மற்றும் ஆங்கிலம் கட்டாய பாடங்களாக படித்திருக்க வேண்டும்
வயது வரம்பு: குறைந்தபட்சம் 18 வயது
அதிகபட்சம் 40 வயது

SC / ST / OBC பிரிவினருக்கு அரசு விதிகளின்படி வயது தளர்வு வழங்கப்படும்

மொழித் தகுதி - விண்ணப்பிக்கும் மாநிலத்தின் உள்ளூர் மொழியை 10ஆம் வகுப்பு வரை ஒரு பாடமாக படித்திருக்க வேண்டும்

எப்படி விண்ணப்பிப்பது?
அதிகாரப்பூர்வ அறிவிப்பு வெளியானதும், விண்ணப்பதாரர்கள்: https://indiapostgdsonline.gov.in

என்ற இணையதளத்தின் மூலம் ஆன்லைனில் மட்டுமே விண்ணப்பிக்க வேண்டும். ஆஃப்லைன் விண்ணப்பம் ஏற்றுக்கொள்ளப்படாது.

தேர்வு இல்லாமல், 10ஆம் வகுப்பு மதிப்பெண்கள் அடிப்படையில், மத்திய அரசு வேலை பெறும் இந்த வாய்ப்பு, கிராமப்புற இளைஞர்கள் மற்றும் அரசு வேலை கனவு காண்பவர்களுக்கு ஒரு பெரிய திருப்புமுனையாக அமைய உள்ளது.

அதிகாரப்பூர்வ அறிவிப்பு வெளியாகும் வரை, விண்ணப்பதாரர்கள் தங்களின் 10ஆம் வகுப்பு சான்றிதழ்கள், வயது சான்று, சமூகச் சான்று போன்ற ஆவணங்களை தயார் நிலையில் வைத்துக்கொள்ள அறிவுறுத்தப்படுகிறார்கள்.