நோயல் டாடா-வின் வாரிசுகள் டாடா குழுமத்தை கரை சேர்ப்பார்களா? டாடா-வின் எதிர்காலம் எப்படி இருக்கும்?

டாடா குழுமத்தின் பரோபகாரப் பிரிவான டாடா டிரஸ்ட்ஸ், சர் ரத்தன் டாடா டிரஸ்ட் மற்றும் அதனுடன் தொடர்புடைய அறக்கட்டளைகள், அத்துடன் சர் டோராப்ஜி டாடா டிரஸ்ட் மற்றும் அதனுடன் தொடர்புடைய அறக்கட்டளைகளை உள்ளடக்கியது. இது டாடா குழும நிறுவனங்களின் புரோமோட்டர்கள் டாடா சன்ஸ் நிறுவனத்தில் 66% பங்குகளைக் கொண்டுள்ளது. இதன் முன்னாள் தலைவர் ரத்தன் டாடா ஆவர். இவர் கடந்த அக்டோபர் மாதம் உடல் நலக்குறைவால் காலமானார்.

இதனையடுத்து அவரின் ஒன்றுவிட்ட சகோதரர் நோயல் டாடா தலைமைப் பொறுப்பை ஏற்றார். இவர் டாடா டிரஸ்ட்ஸ் தலைவராக நியமிக்கப்பட்டார். இப்போது நோயல் டாடாவின் வாரிசுகள் நிறுவனங்களை முன்னின்று நடத்தப் போகிறார்கள். மேலும் அவர்கள் மாபெரும் குழுமத்தின் பொறுப்பைப் பகிர்ந்து கொள்ளத் தொடங்கியுள்ளனர். நோயல் டாடாவின் மகள்கள் லியா மற்றும் மாயா டாடா ஆகியோர் சர் ரத்தன் டாடா இண்டஸ்ட்ரியல் இன்ஸ்டிடியூட் (SRTII) அறங்காவலர் குழுவில் அறிமுகப்படுத்தப்பட்டுள்ளனர். SRTII இன் குழு அறங்காவலர்களாக இருந்து விலகிய அர்னாஸ் கோட்வால் மற்றும் ஃப்ரெடி தலாட்டிக்கு பதிலாக லியா மற்றும் மாயா ஆகியோர் இடம் பெற்றுள்ளனர்.

லியா மற்றும் மாயாவின் அறிமுகம் டாடா குழுமத்தில் வாரிசுகளின் ஒரு பகுதியாக பார்க்கப்பட்டது. அதன்படி, நோயல் டாடாவின் மூன்று வாரிசுகளான லியா, நெவில் மற்றும் மாயா டாடா ஆகியோர் $104.5 பில்லியன் நிறுவனத்தில் நுழைந்த பிறகு தங்கள் வேலைகளை தொடங்கியுள்ளனர்.

மூவரும் ஏற்கனவே குழு அறக்கட்டளைகளின் வாரியங்களுக்குச் சென்றுவிட்டனர். இளம் தலைமுறையினரை குழுவில் சேர்க்கும் முயற்சியாக இருந்தது. அதனால் அவர்கள் நிறுவனத்தின் அனுபவமிக்க தலைமையிடமிருந்து எதிர்காலத்தில் நல்ல நிலைமையை அடையலாம்.

லியா டாடா: லியா டாடா இந்திய ஹோட்டல் நிறுவனத்தின் தலைவராக உள்ளார். இவர் கேட்வே ஹோட்டல் பிராண்டையும் கவனித்து வருகிறார். நிறுவனத்தில் துணைத் தலைவராக உள்ளார். மாட்ரிட்டில் உள்ள ஐஇ பிசினஸ் ஸ்கூலில் மார்க்கெட்டிங் துறையில் பட்டம் பெற்றார்.

நெவில் டாடா: நெவில் டாடா சில்லறை விற்பனைத் துறையின் பொறுப்பை ஏற்றுள்ளார். கடந்த ஆண்டு ஸ்டார் பஜார் நிறுவனத்தின் தலைவராக பொறுப்பேற்றார். ஸ்டார் பஜார் என்பது ட்ரெண்டின் கீழ் உள்ள நிறுவனத்தின் ஹைப்பர் யூனிட் ஆகும். நெவில் டாடா 2016 இல் ட்ரெண்டில் சேர்ந்தார்.

மாயா டாடா: மாயா டாடா டாடா கேபிடல்ஸின் கீழ் ஒரு பெரிய தனியார் ஈக்விட்டி ஃபண்டான டாடா ஆப்பர்சுனிட்டி ஃபண்டில் தனது வாழ்க்கையைத் தொடங்கினார். போர்ட்ஃபோலியோ மேலாண்மை மற்றும் முதலீட்டாளர் உறவுகளில் தனது பொறுப்பை பகிர்ந்து கொள்வதில் அவர் ஒரு பங்கை எடுத்துள்ளார்.