நாளை சிலிண்டர் விலை உயர்கிறதா? நவம்பர் 1 முதல் நடைமுறைக்கு வரும் முக்கிய மாற்றங்கள்..!!

2026ஆம் ஆண்டு தொடங்கி 10 மாதங்கள் முடிந்து நவம்பர் மாதம் நாளை தொடங்க உள்ளது. நவம்பர் 1ஆம் தேதி முதல் நம் பட்ஜெட்டை பதம் பார்க்கும் பல மாற்றங்கள் நடைமுறைக்கு வர உள்ளன. அவை குறித்து விரிவாக பார்க்கலாம்.

எல்பிஜி சிலிண்டர் விலை: ஒவ்வொரு மாதமும் முதல் தேதியில் இண்டேன் , பாரத் கேஸ், ஹெச்பி ஆகிய நிறுவனங்கள் சிலிண்டர் விலைகளை மாற்றி அறிவிப்பு வெளியிடும். ஈரான் போர் காரணமாக மார்ச் மாதம் முதல் இந்தியாவில் வீட்டு உபயோக சிலிண்டர் மற்றும் கடைகள், ஓட்டல்களில் பயன்படுத்தப்பட கூடிய வணிக பயன்பாட்டு சிலிண்டரின் விலைகள் உயர்த்தப்பட்டன. இன்னமும் போர் முடியவில்லை இந்த சூழலில் நாளை சிலிண்டர் விலை மாற்றப்படுமா என்ற எதிர்பார்ப்பு மக்களிடையே எழுந்துள்ளது. விலை குறைந்தால் நம்முடைய பட்ஜெட்டிற்கு நல்லது , விலை கூடினாலும் மாறாமல் இருந்தாலும் நமக்கு ஏமாற்றம் தான்.

வருமான வரி தாக்கல் அவகாசம் நீட்டிப்பு : 2026-27 மதிப்பீட்டு ஆண்டிற்கு கணக்குகளை தணிக்கை செய்ய வேண்டிய கட்டாயத்தில் உள்ள நிறுவனங்கள் மற்றும் தனிநபர் வரி செலுத்துவோருக்கு ஐடிஆர் தாக்கல் செய்வதற்கான கடைசி தேதி நவம்பர் 21 வரை நீட்டிக்கப்பட்டுள்ளது. இந்த நீட்டிப்பு வழக்கமாக மாத சம்பளம் வாங்கும் தனிநபர்களுக்கு பொருந்தாது.

Also Read

தங்கம் விலை வரலாற்று வீழ்ச்சி.. 10 மாதங்கள் பின்னோக்கி சென்ற தங்கம்.. மக்களே உடனே கடைக்கு போங்க..!!

ஓய்வூதியதாரர்கள்: 80 வயதிற்குட்பட்ட அரசு ஓய்வூதியதாரர்கள் தங்களது வாழ்நாள் சான்றிதழை (Jeevan Pramaan) சமர்ப்பிப்பதற்கான கால அவகாசம் நவம்பர் 1 அன்று தொடங்குகிறது. ஓய்வூதியம் தடையின்றி தொடர்ந்து கிடைக்க, அனைத்து ஓய்வூதியதாரர்களும் நவம்பர் 30-க்குள் தங்களது வாழ்நாள் சான்றிதழை கட்டாயம் சமர்ப்பிக்க வேண்டும்.

மியூச்சுவல் ஃபண்ட் : செபி வெளியிட்ட புதிய வழிகாட்டுதல்களின்படி, அசெட் மேனேஜ்மென்ட் நிறுவனங்களின் (AMCs) டிஜிட்டல் தளங்களில் Direct Planகள் இனி Default Option-ஆக மாற்றப்படுகின்றன. எனவே Regular Planகளீல் உள்ள அதிகப்படியான செலவு விகிதங்களை நிறுவனங்கள் வெளிப்படையாக காட்ட வேண்டிய கட்டாயம் ஏற்பட்டுள்ளது.

Recommended For You

தங்கம் விலை ரூ.10,000 சரிவு: அக்டோபர் மாதத்தில் தங்கம் விலையில் நடந்த மேஜிக் நவம்பரிலும் நீடிக்குமா?

வங்கிகள்: இண்டஸ்இண்ட் வங்கியின் சேமிப்புக் கணக்குகளுக்கான பரிவர்த்தனை கட்டண விதிகள் மாற்றப்பட்டுள்ளன. கணக்கில் போதிய பணம் இல்லாத காரணத்தால் ஏடிஎம் பரிவர்த்தனைகள் அல்லது பிஓஎஸ் மூலம் செய்யப்படும் வர்த்தகங்கள் தோல்வியடைந்தால், தோல்வியடைந்த ஒவ்வொரு பரிவர்த்தனைக்கும் 25 ரூபாய் கட்டணமாக வசூலிக்கப்படும்.

பஞ்சாப் நேஷனல் வங்கி தனது கிரெடிட் கார்டு சேவைக்கான கட்டணங்களை மாற்றியமைத்துள்ளது. கிரெடிட் கார்டு ரிவார்டு பாய்ண்ட்களை Redeem செய்யும் ஒவ்வொரு கோரிக்கைக்கும் 99 ரூபாய் கட்டணம் வசூலிக்கப்படும்.