'ஒமிக்ரான்' உலகப் பொருளாதாரத்திற்கு அச்சுறுத்தல்.. OECD எச்சரிக்கை..!

உலக நாடுகளில் அடுத்தடுத்துப் பரவி வரும் ஒமிக்ரான் வைரஸ் சர்வதேச பொருளாதார வளர்ச்சி அளவீட்டைப் பாதிக்கும் என OECD அமைப்பு எச்சரிக்கை விடுத்துள்ளது. மேலும் 2021ஆம் ஆண்டுக்கான சர்வதேச பொருளாதார வளர்ச்சி அளவீட்டு கணிப்பையும் குறைத்து, கோவிட் வேக்சின் மூலம் ஏற்பட்ட வளர்ச்சி வாய்ப்புகளும் குறையும் என OECD அமைப்பு தெரிவித்துள்ளது.

ஒமிக்ரான் வைரஸ்

இந்த ஒமிக்ரான் வைரஸ் மூலம் உலக நாடுகளில் இருந்து பொருளாதார வளர்ச்சியின் வேகம் குறைந்துள்ளது எனவும் OECD அமைப்பு தெரிவித்துள்ளது. குறிப்பாக அமெரிக்கா, சீனா, ஐரோப்பிய நாடுகளின் வளர்ச்சி அளவீட்டையும் OECD அமைப்பு குறைத்துள்ளது.

OECD அமைப்பு

OECD அமைப்பு 2021ஆம் ஆண்டில் சர்வதேச பொருளாதார வளர்ச்சி 5.7 சதவீதமாக இருக்கும் எனக் கணித்துள்ள நிலையில் தற்போது 5.6 சதவீதமாகக் குறைந்துள்ளது. மேலும் உலகில் மக்களுக்குக் குறைவான வேக்சின் செலுத்தியுள்ள நாடுகளை மிகவும் எச்சரிக்கை உடன் ஒமிக்ரான் வைரஸ் பாதிப்பை எதிர்கொள்ளவும் எச்சரிக்கை விடுத்துள்ளது.

பொருளாதார வளர்ச்சி

மேலும் 2022ஆம் ஆண்டுக்கான சர்வதேச பொருளாதார வளர்ச்சி அளவீட்டை தற்போதைய நிலையில் எவ்விதமான மாற்றமும் அறிவிக்காமல் அதே 4.5 சதவீதமாக இருக்கும் என அறிவித்துள்ளது. மேலும் குறைவான வேக்சின் செலுத்தியுள்ள நாடுகள் ஒமிக்ரான் வைரஸ்-க்கு breeding grounds ஆகவும் மாற வாய்ப்பு உள்ளது எனவும் OECD அமைப்பு தெரிவித்துள்ளது.

நிச்சயமற்ற தன்மை

சர்வதேச பொருளாதாரம் கொரோனா தொற்றில் இருந்து மீண்டு வரும் நிலையில் ஒமிக்ரான் வைரஸ் அதிகப்படியான நிச்சயமற்ற தன்மை மற்றும் அபாயங்களைப் பொருளாதாரத்திற்கு ஏற்படுத்துகிறது என OECD அமைப்பின் தலைமை பொருளாதார வல்லுனர் லாரன்ஸ் பூன் தெரிவித்துள்ளார்.

Recommended Video

US Economyஐ பாதிக்கும் Omicron! அப்போ India? | OneIndia Tamil

முக்கியப் பாதிப்பு

ஒமிக்ரான் வைரஸ் மூலம் உலக நாடுகளில் அதிகப்படியான பணவீக்கம், சப்ளை செயின் பாதிப்பு, வளர்ச்சி கொள்கையில் பாதிப்பு, சுகாதாரம் ஆகியவை முக்கியப் பாதிப்பாக இருக்கும் என OECD அமைப்பு தெரிவித்துள்ளது. ஒமிக்ரான் வைரஸ்-ஐ முழுமையாக ஒழிக்கும் வரை பொருளாதாரத்தில் நிலையற்ற தன்மை இருக்கும் எனக் கூறப்படுகிறது.