74 டாலர்களை தாண்டிய கச்சா எண்ணெய் விலை.. இனி பெட்ரோல், டீசல் நிலை..?!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

இன்று இந்தியாவில் கொரோனாவினை விட மிக பரபரப்பாக பேசப்படும் விஷயங்களில் ஒன்று பெட்ரோல், டீசல் விலை. ஏற்கனவே பல நகரங்களில் செஞ்சுரி அடித்து விட்டது.

 

இன்னும் பல நகரங்களில் 100 ரூபாய்க்கும் அருகில் விற்பனை செய்யப்பட்டும் வருகின்றது. இதன் விலை குறையவே குறையாதா? என்ற கேள்விகளுக்கு மத்தியில், அதற்கெல்லாம் இப்போதைக்கு வாய்ப்பே இல்ல ராஜா என்பது போல செய்திகள் வெளியாகி வருகின்றன.

ஏனெனில் தேவையானது அதிகரித்து வரும் நிலையில், கச்சா எண்ணெய் விலை ராக்கெட் வேகத்தில் உயர்ந்து வருகின்றது.

விலை குறையுமா?

விலை குறையுமா?

இந்த நிலையில் பெட்ரோல், டீசல் விலை குறைவு என்பது இப்போதைக்கு குறையுமா? என்பது பெரும் கேள்குறியாக எழுந்துள்ளது. இந்தியாவினை பொறுத்தவரையில் பெரும் அளவிலான எண்ணெய் அண்டை நாடுகளிடம் இருந்து இறக்குமதி செய்யப்படும் நிலையில், அண்டை நாடுகளின் எதிரொலி இந்தியாவில் எதிரொலிக்கிறது.

பிரெண்ட் கச்சா எண்ணெய் விலை

பிரெண்ட் கச்சா எண்ணெய் விலை

சர்வதேச சந்தையில் பிரெண்ட் கச்சா எண்ணெய் விலையானது தொடர்ச்சியாக ஏற்றம் கண்டு வருகின்றது. தற்போது மட்டும் பேரலுக்கு 1.03% அதிகரித்து, 74.27 டாலர்களாக வர்த்தகமாகி வருகின்றது. இது இன்னும் அதிகரிக்கும் விதமாகவே காணப்படுகிறது.

WTI கச்சா எண்ணெய் விலை
 

WTI கச்சா எண்ணெய் விலை

இதே WTI கச்சா எண்ணெய் விலையானது தற்போது பேரலுக்கு 1.35% அதிகரித்து, 72.25 டாலர்களாக வர்த்தகமாகி வருகின்றது. தொடர்ச்சியாக மூன்றாவது நாளாக அதிகரித்து வரும் இந்த கச்சா எண்ணெய் விலையானது, தேவை அதிகரிப்பின் காரணமாக இன்னும் அதிகரிக்கும் விதமாக காணப்படுகிறது.

எம்சிஎக்ஸ் கச்சா எண்ணெய் விலை

எம்சிஎக்ஸ் கச்சா எண்ணெய் விலை

சர்வதேச சந்தைகளின் எதிரொலியாக இந்திய சந்தையிலும் கச்சா எண்ணெய் விலையானது, தொடர்ந்து இரண்டாவது நாளாக அதிகரித்து வருகின்றது. தற்போது பேரலுக்கு 84 ரூபாய் அதிகரித்து, 5,385 ரூபாயாக வர்த்தகமாகி வருகின்றது. இது இன்னும் ஏற்றம் காணும் விதமாகவே காணப்படுகிறது.

பெட்ரோல், டீசல் விலை

பெட்ரோல், டீசல் விலை

டெல்லியில் பெட்ரோல் விலை - ரூ.97.22

சென்னையில் பெட்ரோல் விலை - ரூ.98.40

மும்பையில் பெட்ரோல் விலை - ரூ.103.36

பெங்களூருவில் பெட்ரோல் விலை - ரூ.100.47

ஹைதராபாத்தில் பெட்ரோல் விலை - ரூ.101.04

டெல்லியில் டீசல் விலை - ரூ.87.97

சென்னையில் டீசல் விலை - ரூ.92.58

மும்பையில் டீசல் விலை - ரூ.95.44

பெங்களூருவில் டீசல் விலை - ரூ.93.26

ஹைதராபாத்தில் டீசல் விலை - ரூ.95.89

அதிகரித்து வரும் தேவை

அதிகரித்து வரும் தேவை

கோடைகால பருவத்தில் அதிகரித்து வரும் தேவைக்கு மத்தியில், ஈரான் அணுசக்தி ஒப்பந்தத்தினை புதுப்பிப்பானது இடை நிறுத்தம் உள்ளிட்ட சில காரணங்களினால், ஓபெக் உற்பத்தியாளர்கள் மீண்டும் சப்ளையை தொடங்குவதில் தாமதமாகலாம் என்ற கருத்தும் நிலவி வருகின்றது. இதற்கிடையில் தான் கச்சா எண்ணெய் விலையானது உச்சம் தொட்டு வருகின்றது.

மக்களின் எதிர்பார்ப்பு

மக்களின் எதிர்பார்ப்பு

அதோடு சர்வதேச அளவில் கொரோனாவின் பாதிப்புகள் குறையத் தொடங்கியுள்ள நிலையில், பயன்பாடும் அதிகரிக்க தொடங்கியுள்ளது. இதுவும் தேவை அதிகரிப்புக்கு முக்கிய காரணமாக அமைந்துள்ளது. எது எப்படியோ இந்திய மக்களின் பாக்கெட்டுகளை பதம் பார்க்கபோவது மட்டும் உறுதி. இப்படி ஒரு நிலையில் சாமானிய மக்களின் கோரிக்கை, பெட்ரோல் டீசல் மீதான வரி விகிதங்களை குறைக்க வேண்டும் என்பது மட்டும் தான்.

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

Oil price go up on strong demand, Brent crude trade above 74 dollar

Petrol, diesel price latest updates.. Oil price go up on strong demand, Brent crude trade above 74 dollar
Story first published: Monday, June 21, 2021, 21:10 [IST]
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X