மீண்டும் கிளம்பியது Layoff பூதம்..!! இந்த முறை 30,000 பேரின் வேலை காலி..!!

உலகம் முழுவதும் டெக் நிறுவனங்கள் மீண்டும் பணிநீக்க நடவடிக்கையை கையில் எடுக்க தொடங்கிவிட்டன. ஜனவரி மாதத்தில் அமேசான் நிறுவனம் தங்கள் ஊழியர்களில் 16,000 பேரை வேலையில் இருந்து நீக்குவதாக அறிவிப்பு வெளியிட்டது.

அமேசானை தொடர்ந்து அமெரிக்காவை சேர்ந்த முன்னணி டெக் நிறுவனமான oracle தங்கள் ஊழியர்களில் 30,000 பேரை வேலையில் இருந்து நீக்க திட்டமிட்டு இருப்பதாக தகவல் வெளியாகி இருக்கிறது. oracle நிறுவனம் அமெரிக்காவின் முன்னணி டெக் நிறுவனமாக செயல்பட்டு வருகிறது. இந்த நிறுவனம் 20,000 முதல் 30,000 வரையிலான ஊழியர்களை வேலையில் இருந்து நீக்க போவதாக இன்வெஸ்ட்மென்ட் வங்கி டிடி கோவன் தெரிவித்து இருக்கிறது.

oracle நிறுவனம் தற்போது அதிக அளவில் ஏஐ டேட்டா சென்டர்களை கட்டமைப்பதில் கவனம் செலுத்தி வருகிறது. அதற்கான நிதி ஒதுக்குவதற்காக ஊழியர்கள் எண்ணிக்கையை குறைக்க இருப்பதாக தகவல்கள் தெரிவிக்கின்றன. அண்மையில் கூட இந்த நிறுவனம் சாட் ஜிபிடிக்கான டேட்டா சென்டர்களை கட்டுவதற்கான ப்ராஜெக்ட்டை பெற்றது.

இது தவிர பல்வேறு நிறுவனங்களிடமும் டேட்டா சென்டர்களை கட்டமைப்பதற்கான ஒப்பந்தம் செய்திருக்கிறது. ஆனால் oracle நிறுவனம் இப்படி டேட்டா சென்டர் திட்டங்களில் கவனம் செலுத்துவது அளவுக்கு மீறியதாக இருக்கிறது என கூறி பல்வேறு அமெரிக்க வங்கிகளும் அந்த நிறுவனத்திற்கு கடன் வழங்குவதையும் நிதி உதவி வழங்குவதையும் நிறுத்தி வைத்திருக்கின்றன.

ஒரு புறம் டேட்டா சென்டர் ஒப்பந்தங்களை முடிக்க வேண்டும், மறுபுறம் கடன் உதவியும் கிடைக்கவில்லை. எனவே எடுத்த ப்ராஜெக்ட்களை முடிப்பதற்காக oracle நிறுவனம் ஊழியர்களை பணி நீக்கம் செய்துவிட்டு அதன் மூலம் சேமிக்கும் பணத்தை கொண்டு டேட்டா சென்டர்களில் கவனம் செலுத்த போவதாக தகவல்கள் தெரிவிக்கின்றன.

Oracle நிறுவனம் 30,000 ஊழியர்களை பணிநீக்கம் செய்வதன் 10 பில்லியன் டாலர்கள் வரை சேமிக்க முடியும் என சொல்லப்படுகிறது. ஆனால் oracle கையில் வைத்திருக்கும் திட்டங்களுக்கு 156 பில்லியன் டாலர்கள் வரை பணம் தேவைப்படுவதாக சொல்லப்படுகிறது. எனவே மாற்று ஏற்பாடுகளையும் சிறு சிறு டேட்டா செண்டர்களையும் வாங்க oracle திட்டமிட்டிருக்கிறது.

ஒரு வேளை oracle 30,000 ஊழியர்களை பணிநீக்கம் செய்வதாக அறிவிப்பு வெளியிட்டால் நிறுவன வரலாற்றிலேயே இத்தனை ஊழியர்கள் பணிநீக்கம் செய்யப்படுவது இதுவே முதன்முறையாக இருக்கும். 2025 ஆம் ஆண்டில் தான் இந்த நிறுவனம் சுமார் 10,000 பேரை வேலையில் இருந்து நீக்கியது.