டெஸ்லா-வை டீலில் விட்ட பானாசோனிக்.. எலான் மஸ்க் நிலை என்ன..?!

டெஸ்லா கார்கள்

டெஸ்லா கார்களுக்கு மிகவும் முக்கிய உபகரணமாக விளங்கும் பேட்டரியை பானாசோனிக் நிறுவனம் தனது கூட்டணி நிறுவனத்தின் வாயிலாகத் தயாரித்து வந்தது. இந்த நிலையில் பானாசோனிக் நிறுவனம் வைத்திருந்த டெஸ்லா பங்குகளை மொத்தமாக விற்பனை செய்துள்ளது.

டெஸ்லா - பானாசோனிக்

டெஸ்லா நிறுவனம் பேட்டரி தொழில்நுட்பத்தில் மிகப்பெரிய வளர்ச்சி அடைந்து வரும் நிலையில், தனது பேட்டரி நிறுவனத்தில் உற்பத்தி குறித்தும், புதிய தொழில்நுட்பம் குறித்துச் சில பிரச்சனைகள் இருந்த நிலையில், பானாசோனிக் தனது கையில் இருந்த மொத்த டெஸ்லா பங்குகளையும் விற்பனை செய்துள்ளது முதலீட்டாளர்கள் மத்தியில் முக்கிய விவாதமாக மாறியுள்ளது.

 

பானாசோனிக் பங்குகள் விற்பனை

கடந்த ஆண்டு மார்ச் மாதம் பானாசோனிக் கையில் சுமார் 730 மில்லியன் டாலர் மதிப்பிலான டெஸ்லா பங்குகளை வைத்திருந்த நிலையில், 12 மாத காலத்தில் டெஸ்லா பங்குகள் யாரும் எதிர்பார்க்காத வகையில் சுமார் 5 மடங்கு வளர்ச்சி அடைந்தது.

5 மடங்கு லாபம்

இந்நிலையில் பானாசோனிக் லாப நோக்கத்திற்காகத் தனது கையிருப்பில் இருந்து பங்குகளைச் சுமார் 3.6 பில்லியன் டாலர் அளவிலான தொகைக்கு விற்பனை செய்துள்ளது. இதனால் டெஸ்லா உடனான வர்த்தகத்திலும், கூட்டணியிலும் எவ்விதமான மாற்றமும் இருக்காது எனப் பானாசோனிக் செய்தி தொடர்பாளர் தெரிவித்துள்ளார்.

பானாசோனிக் - ப்ளூ யான்டர்

பானாசோனிக் சமீபத்தில் இந்நிறுவனம் செயற்கை நுண்ணறிவு மென்பொருள் நிறுவனமான ப்ளூ யான்டர் நிறுவனத்தை 7 பில்லியன் டாலர் தொகைக்குக் கைப்பற்ற உள்ளதாக அறிவித்தது. இந்தத் தொகையைத் தற்போது ப்ளு யான்டர் நிறுவனத்தைக் கைப்பற்றுவதில் பயன்படுத்தப்படும்.

டெஸ்லா, டொயோட்டா

பானாசோனிக் பேட்டரி உற்பத்திக்காக டெஸ்லா உடனான கூட்டணியில் பல பில்லியன் டாலர் முதலீட்டில் அமெரிக்காவின் நவேடா பகுதியில் தொழிற்சாலையை அமைத்துள்ளது. இதேபோல் பானாசோனிக் மற்றொரு நிறுவனத்துடனும் பேட்டரி உற்பத்திக்காக டொயோட்டா நிறுவனத்துடன் கூட்டணி அமைத்துள்ளது.