150 ஊழியர்கள் திடீர் பணிநீக்கம்.. அதிரடி அறிவிப்பை வெளியிட்ட PayU..!

நெதர்லாந்து நாட்டின் மிகப்பெரிய முதலீட்டு நிறுவனமான Prosus இன் பேமெண்ட் மற்றும் பின்டெக் சேவை நிறுவனமான PayU இந்தியா சுமார் 150 ஊழியர்களைப் பணிநீக்கம் செய்துள்ளது. PayU நெதர்லாந்து நாட்டு நிறுவனமாக இருந்தாலும், அதன் இந்திய கிளையில் தான் தற்போது பணிநீக்க அறிவிப்புகள் வெளியாகியுள்ளது.

இந்த நிலையில் PayU இந்திய கிளையின் மொத்த ஊழியர்கள் எண்ணிக்கையில் இருந்து சுமார் 150 ஊழியர்களைப் பணிநீக்கம் செய்துள்ள நிலையில் தோராயமாக 6 சதவீத ஊழியர்களைப் பணிநீக்கம் செய்துள்ளது.

வழக்கம் போல் இந்த நிறுவனமும் மறுசீரமைப்பு பணிகளின் ஒரு பகுதியாக ஊழியர்கள் பணிநீக்கம் செய்யப்பட்டு உள்ளதாகத் தெரிவித்துள்ளது.

Naspers - Prosus

தென்னாப்பிரிக்கப் பன்னாட்டு நிறுவனமான Naspers இன் முதலீட்டுப் பிரிவான Prosus இந்தியாவில் ஸ்விக்கி, பைஜூஸ், மீஷோ, உட்படப் பல இந்தியாவின் நியூ ஏஜ் இண்டர்நெட் சேவை நிறுவனங்களில் பல முக்கியக் கட்டத்தில் மிகப்பெரிய முதலீட்டை செய்து பெரும் ஆதரவாக இருந்துள்ளது.

89 சந்தைகள்

1990 முதல் முதலீடு செய்து வரும் Naspers இன் முதலீட்டுப் பிரிவான Prosus சுமார் 89 சந்தைகளில் முதலீடு செய்துள்ளது. குறிப்பாக வளர்ச்சி அடைந்து வரும் சமூக வலைத்தளம், கேமிங், பின்டெக், எட்டெக், புட் டெலிவரி, ஈகாமர்ஸ் எனப் பல துறையில் முதலீடு செய்துள்ளது.

PayU இந்தியா

இந்த நிலையில் உலகளவில் பொருளாதார மந்த நிலை அதிகமாக இருக்கும் வேளையில் அனைத்துத் தரப்பு நிறுவனங்களும் பணிநீக்க அறிவிப்புகளை வெளியிட்டு வருகிறது. இந்த வரிசையில் தற்போது Naspers இன் முதலீட்டுப் பிரிவான Prosus கட்டுப்பாட்டில் இயங்கும் PayU இந்தியாவும் இதில் இணைந்துள்ளது.

பணிநீக்கம்

PayU இந்தியாவில் தற்போது அறிவிக்கப்பட்டு உள்ள 150 ஊழியர்கள் பணிநீக்க அறிவிப்பில் பல்வேறு அணிகளைச் சார்ந்து உள்ளது. இதில் முக்கியமாக 2019 ஆம் ஆண்டில் 70 மில்லியன் டாலருக்கு வாங்கிய டிஜிட்டல் பேமெண்ட் செக்யூரிட்டி மற்றும் மொபைல் பேமெண்ட் தொழில்நுட்ப நிறுவனமான Wibmo வர்த்தகப் பிரிவை தான் அதிகம் பாதித்துள்ளதாகத் தகவல் வெளியாகியுள்ளது..

3 பிரிவுகள்

Naspers இன் முதலீட்டுப் பிரிவான Prosus கட்டுப்பாட்டில் இயங்கும் PayU இந்தியாவின் கீழ் அனைத்து fintech வணிகங்களும் உள்ளது. இதன் படி PayU இந்தியா நிறுவனத்தில் கீழ் Wibmo, LazyPay மற்றும் Citrus Pay ஆகியவை உள்ளது.

பில்டெக் தோல்வி

அக்டோபர் மாதம் PayU இந்தியா நாட்டின் மிகப்பெரிய பேமெண்ட் கேட்வே-வாக இருக்கும் பில்டெக் தளத்தை மொத்தமாகச் சுமார் 4.7 பில்லியன் டாலருக்கு கைப்பற்ற திட்டமிட்டது, ஆனால் கடைசிக் கட்டத்தில் Prosus இந்த மாபெரும் கைப்பற்றல் திட்டத்தைக் கைவிட்டது. இந்தியாவில் மிகப்பெரிய பின்டெத் எகோசிஸ்டத்தை உருவாக்க நினைக்கும் Prosus இந்தக் கட்டமைப்பை உலக நாடுகளுக்குக் கொண்டு செல்லவும் திட்டமிட்டு வருகிறது.

வருவாய், லாபம்

2021-22 நிதியாண்டில், PayU Payments ஒருங்கிணைந்த வருவாய் வருடாந்திர அடிப்படையில் 50 சதவீதம் அதிகரித்து 2,130.2 கோடி ரூபாயாக உயர்ந்துள்ளது. இதே காலக்கட்டத்தில் 125.8 கோடி நிகர லாபத்தையும் ஈட்டியுள்ளது. சமீபத்தில் PayU இந்தியாவில் நைகா நிறுவனத்தின் முன்னாள் தலைமை நிதியியல் அதிகாரி அரவிந்த அகர்வால் இணைந்தார்.

நெதர்லாந்து

PayU நிறுவனம் நெதர்லாந்து நாட்டில் தலைமையிடமாகக் கொண்டு இயங்கினாலும் இந்தியாவில் தான் அதிக வர்த்தகத்தை வைத்துள்ளது. PayU இந்தியா நிறுவனத்தில் 150 ஊழியர்களைப் பணிநீக்கம் செய்தது போல் Rupeek-ல் 200 ஊழியர்களையும், OKCredit தளத்தில் 40 ஊழியர்களும் பணிநீக்கம் செய்யப்பட்டு உள்ளது.