110 ரூபாயை தாண்டிய பெட்ரோல் விலை.. பெட்ரோல், டீசல் விலை மீண்டும் உயர்வு..!

பெட்ரோல், டீசல் விலை உயர்வு

மத்திய அரசு கட்டுப்பாட்டில் இருக்கும் கச்சா எண்ணெய் சுத்திகரிப்பு நிறுவனங்கள் சர்வதேச கச்சா எண்ணெய் விலை மற்றும் அமெரிக்கா டாலருக்கு எதிரான இந்திய ரூபாய் மதிப்பு ஆகியவற்றின் அடிப்படையில் பெட்ரோல் விலையை லிட்டருக்கு 21 முதல் 25 பைசாவும், டீசல் விலை 28 முதல் 31 பைசா வரையிலும் அதிகரித்துள்ளது.

போபால்

இன்றைய உயர்வின் மூலம் நாட்டின் அனைத்து பகுதிகளிலும் பெட்ரோல் மற்றும் டீசல் விலை மிகப்பெரிய அளவில் அதிகரித்துள்ள நிலையில், போபாலில் ஒரு லிட்டர் பெட்ரோல் விலை 26 பைசா அதிகரித்து 110.11 ரூபாய் அளவீட்டைத் தொட்டு உள்ளது. இதேபோல் டீசல் விலை 98.77 ரூபாய் வரையில் உயர்ந்துள்ளது.

 

பெட்ரோல் விலை

• சென்னை - 99.36 ரூபாய்
• டெல்லி - 101.64 ரூபாய்
• கொல்கத்தா - 102.17 ரூபாய்
• மும்பை - 107.71 ரூபாய்
• பெங்களூர் - 105.18 ரூபாய்
• ஹைதராபாத் - 105.74 ரூபாய்
• கோழிக்கோடு - 102.11 ரூபாய்
• போபால் - 110.11 ரூபாய்
• இந்தூர்- 110.15 ரூபாய்

பெட்ரோல் விலை உயர்வு தொடர்ந்தால் அடுத்த 3 நாட்களில் தமிழ்நாட்டில் ஒரு லிட்டர் பெட்ரோல் விலை 100 ரூபாயைத் தொட்டுவிடும்.

டீசல் விலை

• சென்னை - 94.45 ரூபாய்
• டெல்லி - 89.87 ரூபாய்
• கொல்கத்தா - 92.97 ரூபாய்
• மும்பை - 97.52 ரூபாய்
• பெங்களூர் - 95.38 ரூபாய்
• ஹைதராபாத் - 98.06 ரூபாய்
• கோழிக்கோடு - 95.08 ரூபாய்

கச்சா எண்ணெய் விலை

இன்று சர்வதேச கச்சா எண்ணெய் சந்தையில் ஒரு பேரல் WTI கச்சா எண்ணெய் விலை 0.11 சதவீதம் வரையில் சரிந்து 74.75 டாலருக்கும், பிரெண்ட் கச்சா எண்ணெய் 0.31 சதவீதம் வரையில் சரிந்து 78.40 டாலருக்கும் விற்பனை செய்யப்படுகிறது. இதேபோல் OPEC மற்றும் இந்திய பேஸ்கட் கச்சா எண்ணெய் விலை 80 டாலர் அளவில் குறைந்து வரும் நிலையிலும் இந்தியாவில் பெட்ரோல், டீசல் விலை அதிகரித்து வருகிறது.