இன்றைய நிலையில் நமது அன்றாட தேவைகளில் ஒன்றாக மாறிப் போன பெட்ரோல், டீசல் விலையானது, தொடர்ந்து பல நாட்களாக ஏற்றம் கண்டு வருகின்றது.
முன்பாக மாதம் இரு முறை கச்சா எண்ணெய் விலைக்கு ஏற்ப பெட்ரோல் டீசல் விலையானது ஏற்ற இறக்கம் கண்டது. ஆனால் தற்போது சர்வதேச சந்தையில் கச்சா எண்ணெய் விலையை பொறுத்து, பெட்ரோல் டீசல் விலையில் மாற்றத்தினை கொண்டு வருகின்றன எண்ணெய் நிறுவனங்கள்.
ஏற்கனவே வரலாறு காணாத புதிய உச்சத்தினை கண்டு வரும் டீசல் விலையானது, தற்போது தொடர்ந்து அதிகரித்து வருகிறது. இதனை தெளிவாக சொல்ல வேண்டுமானால் சில இடங்களில் பெட்ரோல் விலையை விட டீசல் விலை கடந்த வாரத்தில் அதிகரித்தது.
பெட்ரோல் விலையும் தொடர்ந்து அதிகரித்துக் கொண்டே தான் வருகிறது. இந்த நிலையில் இன்று சென்னையில் பெட்ரோல் விலையானது லிட்டருக்கு 4 காசுகள் அதிகரித்து, 83.63 ரூபாயாக விற்பனை செய்யப்படுகிறது. இதுவே டீசல் விலையானது 11 காசுகள் அதிகரித்து லிட்டருக்கு 77.72 ரூபாயாகவும் விற்பனை செய்யப்பட்டு வருகிறது.
கடந்த சில வாரங்களாகவே தொடர்ந்து ஏறுமுகமாகவே இந்த எரிபொருள் விலையானது, நேற்று எந்த மாற்றமும் இல்லாத நிலையில், இன்று மீண்டும் ஏற்றம் காணத் தொடங்கியுள்ளது. இந்த விலையை இன்னும் ஊக்கப்படுத்தும் விதமாக அரசின் வரி விகிதமானது இன்னும் விலையேற்றத்திற்கு வழிவகுத்து வருகின்றது.
பெட்ரோல், டீசல் விலை நிலவரம்
டெல்லியில் இன்று பெட்ரோல் விலை லிட்டருக்கு 80.43 ரூபாயாகும். இதே டீசல் விலையானது லிட்டருக்கு 80.53 ரூபாயாகும்.
மும்பையில் இன்று பெட்ரோல் விலை லிட்டருக்கு 87.19 ரூபாயாகும், மற்ற பகுதிகளை விட மும்பையில் தான் மிக அதிகம். இதே டீசல் விலையானது லிட்டருக்கு 87.19 ரூபாயாகும்.
இதே சென்னையில் இன்று பெட்ரோல் விலை லிட்டருக்கு 83.63 ரூபாயாகும். இதே டீசல் விலையானது லிட்டருக்கு 77.72 ரூபாயாகும்.
கொல்கத்தாவில் இன்று பெட்ரோல் விலை லிட்டருக்கு 82.10 ரூபாயாகும். இதே டீசல் விலையானது லிட்டருக்கு 75.64 ரூபாயாகும்.
இதே ஹைதரபாத்தில் இன்று பெட்ரோல் விலை லிட்டருக்கு 83.49 ரூபாயாகும். இதே டீசல் விலையானது லிட்டருக்கு 78.69 ரூபாயாகும்.
பெங்களூருவில் இன்று பெட்ரோல் விலை லிட்டருக்கு 83.04 ரூபாயாகும். இதே டீசல் விலையானது லிட்டருக்கு 76.58 ரூபாயாகும்.