இனி நடராஜா சர்வீஸ் தான்.. பெட்ரோல், டீசல் விலை தொடர் உயர்வு..!

3வது நாளாக உயர்வு

சர்வதேச சந்தையின் எதிரொலி காரணமாக இந்தியாவில் இறக்குமதி செய்யப்படும் கச்சா எண்ணெய் விலை உயர்ந்தது மட்டும் அல்லாமல், சுத்திகரிப்புச் செலவுகள் மற்றும் போக்குவரத்து செலவுகளும் அதிகரித்து மக்களின் பயன்பாட்டுக்கு வரும் பெட்ரோல், டீசல் விலை அதிகரித்துள்ளது.

அந்த வகையில் கடந்த 2 நாட்களாகப் பெட்ரோல் மற்றும் டீசல் விலை அதிகரித்துள்ளது.

தொடர் உயர்வு

தமிழ்நாட்டில் சராசரியாக ஒரு லிட்டர் பெரட்ரோல் விலை கடந்த 3 நாட்களாகத் தொடர்ந்து அதிகரித்து வருவதால் சாமானிய மக்கள், லாரி உரிமையாளர்கள் முதல் அனைத்துத் தரப்பு மக்களும் அதிகளவிலான பாதிப்புக்களை எதிர்கொள்ள வேண்டி உள்ளது.

குறிப்பாகக் காய்கறி, உணவுப் பொருட்களின் விலை பெட்ரோல், டீசல் விலையின் தொடர் உயர்வால் அதிகளவில் அதிகரித்துள்ளது.

விலை என்ன தெரியுமா..?

நவம்பர் 19ஆம் தேதி ஒரு லிட்டர் பெட்ரோல் தமிழ்நாட்டில் சராசரியாக 84.62 ரூபாயாக இருந்த நிலையில், நவம்பர் 20ஆம் தேதி 84.80 ரூபாயாகவும், நவம்பர் 21ஆம் தேதி 84.95 ரூபாயாகவும், நவம்பர் 19ஆம் தேதி அதாவது இன்று 85.02 ரூபாயாகவும் உள்ளது.

டீசல்

அதேபோல் ஒரு லிட்டர் டீசல் நவம்பர் 19ஆம் தேதி தமிழ்நாட்டில் சராசரியாக 76.43 ரூபாய்க்கு விற்கப்பட்ட நிலையில், 76.67 ரூபாய், 76.87 ரூபாய், 77.05 ரூபாய் என அடுத்தடுத்த நாட்களில் விலை அதிகரித்து வருகிறது.

டீசலின் இந்தத் தொடர் உயர்வால் போக்குவரத்துத் துறை அதிகளவிலான எதிர்கொண்டு வருகிறது.

இந்தியச் சந்தை

இந்தியாவில் தற்போது ஏற்பட்டுள்ள விலை உயர்வுக்கு சர்வதேச சந்தையில் கச்சா எண்ணெய் விலையில் ஏற்பட்டுள்ள தொடர் வளர்ச்சி தான் முக்கியக் காரணம்.