PNB வாடிக்கையாளர்களே.. இன்னும் ஒரே ஒரு நாள் தான் டைம் இருக்கு.. நாளைக்குள் இதை செஞ்சிடுங்க!

இந்தியாவின் முன்னணி பொதுத்துறை வங்கியான பஞ்சாப் நேஷனல் வங்கியில் (PNB) கணக்கு வைத்திருந்தால், உங்கள் KYC விவரங்களை விரைவில் புதுப்பிக்க வேண்டும். தோராயமாக 325,000 PNB கணக்கு வைத்திருக்கும் நபர்கள் தங்கள் KYC விவரங்களை இன்னும் புதுப்பிக்கவில்லை என கூறப்படுகிறது. எனவே PNB வங்கியில் கணக்கு வைத்திருப்பவர்கள் தங்கள் KYC புதுப்பிப்புகளை முடிக்க ஆகஸ்ட் 12 வரை மட்டுமே கால அவகாசம் உள்ளது. அவ்வாறு செய்யத் தவறினால் அவர்களின் கணக்கு தற்காலிகமாக முடக்கப்படும் என்று வங்கி சார்பில் தெரிவிக்கப்பட்டுள்ளது.

எதற்காக KYC புதுப்பிப்பு செயல்முறையை செய்ய வேண்டும்?: இந்திய ரிசர்வ் வங்கியின் (RBI) வழிகாட்டுதல்களைப் பின்பற்றி, அனைத்து வங்கிகளும் தங்கள் வங்கியில் கணக்கு வைத்திருப்பவர்களின் KYC விவரங்களைப் புதுப்பிக்க வேண்டும். மார்ச் 31 வரை PNB வங்கியில் KYC விவரங்களைப் புதுப்பிக்காத சுமார் 325,000 கணக்கு வைத்திருப்பவர்களை வங்கி அடையாளம் கண்டுள்ளது.

இந்த வாடிக்கையாளர்கள் தங்கள் KYC தகவலைப் புதுப்பிக்க ஆகஸ்ட் 12 வரை காலக்கெடு விதித்துள்ளது. அதாவது நாளை ஒரு நாள் மட்டுமே உள்ளது. காலக்கெடுவிற்குள் வங்கி கணக்கு வைத்திருப்பவர்கள் KYC புதுப்பிப்பு செயல்முறைக்கு இணங்கவில்லை என்றால், இவர்களுடைய வங்கி கணக்குகள் தற்காலிகமாக முடக்கப்படும் என்றும் தெரிவிக்கப்பட்டுள்ளது.

மார்ச் 31 ஆம் தேதிக்குள் KYC-ஐப் புதுப்பிக்காதவர்களுக்கு மட்டுமே இந்த வழிகாட்டுதல்கள் பொருந்தும் என்று PNB வங்கி தெளிவுபடுத்தியுள்ளது. வாடிக்கையாளர்கள் தங்கள் விவரங்களை சரியான நேரத்தில் புதுப்பித்தால், அவர்களின் கணக்குகள் தொடர்ந்து சீராக இயங்கும். இல்லையெனில், அவர்களின் கணக்குகள் செயலிழந்து, பணத்தை எடுக்கவோ, கடன் வாங்கவோ அல்லது வேறு நோக்கங்களுக்காக கணக்கைப் பயன்படுத்தவோ முடியாது என்று தெரிவிக்கப்பட்டுள்ளது. ஆனால் தொடர்ந்து வாடிக்கையாளர்களால் பணத்தை டெபாசிட் செய்ய முடியும் என்றும் கூறப்படுகிறது.

KYC-ஐ எவ்வாறு புதுப்பிப்பது?: KYC-ஐப் புதுப்பிக்க, வாடிக்கையாளர்கள் தங்கள் அருகிலுள்ள PNB வங்கி கிளையை நேரில் பார்வையிடலாம். அடையாளச் சான்று, முகவரிச் சான்று, சமீபத்திய புகைப்படம், பான் கார்டு, வருமானச் சான்று போன்ற தேவையான ஆவணங்களை அவர்கள் கொண்டு செல்ல வேண்டும். மாற்றாக, PNB One, Internet Banking Services (IBS) மூலமாகவோ அல்லது பதிவு செய்யப்பட்ட மின்னஞ்சல் மூலமாகவோ விண்ணப்பத்தை அனுப்புவதன் மூலம் வாடிக்கையாளர்கள் தங்கள் KYC-ஐப் புதுப்பிக்கலாம்.

PNB வங்கியில் கணக்கு வைத்திருப்பவர்கள் கணக்கு செயலிழந்து போவதை தடுப்பதற்கு முன் கூட்டியே கேஒய்சி செயல்முறையை முடிப்பது சிறந்தது.