3 வங்கிகள் வெளியிட்ட முக்கிய அறிவிப்பு.. பர்ஸ் பத்திரம் பாஸ்..!

பஞ்சாப் நேஷனல் வங்கி (பிஎன்பி), பாங்க் ஆஃப் இந்தியா மற்றும் பந்தன் வங்கி ஆகியவை கடன்களுக்கான எம்சிஎல்ஆர் வட்டி விகிதத்தை உயர்த்தியுள்ளன.

MCLR அல்லது நிதி அடிப்படையிலான கடன் விகிதத்தின் மார்ஜினல் காஸ்ட் என்பது, ஒரு நிதி நிறுவனம் கொடுக்கப்பட்ட கடனுக்கு வசூலிக்க வேண்டிய அடிப்படை வட்டி விகிதமாகும்.

அதை அடிப்படையாக வைத்து தான் ஒவ்வொரு கடனும் அளிக்கப்படுகிறது.

சிபில் ஸ்கோர்

இதேபோல் ஒவ்வொரு வாடிக்கையாளரின் சிபில் ஸ்கோர், வருமான நிலை போன்ற பல காரணிகளை வைத்து வங்கிகள் கடனுக்கான வட்டி விகிதம் மாறுப்படுகிறது. இந்த நிலையில் தான் ஆர்பிஐ வங்கி ரெப்போ விகிதத்தை அடுத்த பஞ்சாப் நேஷனல் வங்கி (பிஎன்பி), பாங்க் ஆஃப் இந்தியா மற்றும் பந்தன் வங்கி ஆகியவை கடன்களுக்கான எம்சிஎல்ஆர் வட்டி விகிதத்தை உயர்த்தியுள்ளன.

பஞ்சாப் நேஷனல் வங்கி

பஞ்சாப் நேஷனல் வங்கி, நிதி அடிப்படையிலான கடன் வட்டி விகிதங்கள் அனைத்தையும் 10 அடிப்படை புள்ளிகளால் உயர்த்தியுள்ளது.

புதிய வட்டி விகிதம் மார்ச் 1, 2023 முதல் அமலுக்கு வருகின்றன.
PNB இணையதளத்தின்படி, பஞ்சாப் நேஷனல் வங்கி-யின் overnight கடனுக்கான வட்டி விகிதத்தை 7.90 சதவீதத்தில் இருந்து 8 சதவீதமாக அதிகரித்துள்ளது.

ஒரு மாதம், மூன்று மாதங்கள் மற்றும் ஆறு மாதங்களுக்கான கடன் வட்டி விகிதங்கள் 8.10 சதவீதம், 8.20 சதவீதம் மற்றும் 8.40 சதவீதம் என உயர்ந்துள்ளது. மறுபுறம், ஓராண்டுக்கான எம்சிஎல்ஆர் 8.40 சதவீதத்தில் இருந்து 8.50 சதவீதமாகவும், மூன்று ஆண்டு எம்சிஎல்ஆர் 8.70 சதவீதத்தில் இருந்து 8.80 சதவீதமாகவும் உயர்ந்துள்ளது.

 

பேங்க் ஆஃப் இந்தியா

பாங்க் ஆஃப் இந்தியா குறிப்பிட்ட கால இடைவெளி கொண்ட கடன்களுக்கான வட்டி விகிதங்களை 10 அடிப்படை புள்ளிகளால் உயர்த்தியது. பேங்க் ஆஃப் இந்தியா இணையதளத்தின்படி, வங்கியின் overnight கடனுக்கான வட்டி விகிதத்தை 7.50 சதவீதத்தில் இருந்து மாறாமல் வைத்துள்ளது.

ஒரு மாதம், மூன்று மாதங்கள் மற்றும் ஆறு மாதங்களுக்கான வட்டி விகித்தை 10 அடிப்படை புள்ளிகள் உயர்த்திய 7.95 சதவீதம், 8 சதவீதம் மற்றும் 8.25 சதவீதம் என உயர்த்தப்பட்டு உள்ளது. மறுபுறம், ஓராண்டு எம்சிஎல்ஆர் 8.40 சதவீதத்தில் இருந்து 8.50 சதவீதமாக உயர்ந்துள்ளது, அதே சமயம் மூன்று ஆண்டு எம்சிஎல்ஆர் 8.60 சதவீதத்தில் இருந்து 8.70 சதவீதமாக உயர்ந்துள்ளது. இந்த விகிதங்கள் மார்ச் 1, 2023 முதல் அமலுக்கு வருகிறது.

 

பந்தன் வங்கி

பந்தன் வங்கி நிதி அடிப்படையிலான கடன் விகிதங்களின் மாற்றங்களை பிப்ரவரி 28, 2023 முதலே அமலுக்கு கொண்டு வந்துள்ளது.

பந்தன் வங்கியின் இணையதளத்தின்படி, வங்கியின் overnight கடனுக்கான வட்டி விகிதத்தை 6.71% சதவீதமாக உள்ளது.

ஒரு மாதம், மூன்று மாதங்கள் மற்றும் ஆறு மாதங்களுக்கான வட்டி விகிதங்கள் 6.71 சதவீதம், 8.21 சதவீதம் மற்றும் 8.21 சதவீதம் ஆக உள்ளது. மறுபுறம், ஒரு வருட எம்சிஎல்ஆர் இப்போது 10.96 சதவீதமாக உள்ளது.