ரத்தன் டாடா-வின் காதல் கதை.. இதனாலதான் 4 முறை திருமணம் ஏற்பாடு செய்தும் மறுத்துவிட்டார்..!!

இந்திய தொழில் துறையில் சிகரத்தை தொட்டவர், கோடான கோடி மக்களின் மனதில் நீங்கா இடம் பிடித்தவர், ரத்தன் டாடா. இவரின் மறைவு பல கோடி மக்களை பெரும் சோகத்தில் ஆழ்த்தியுள்ளது. மேலும் ரத்தன் டாடாவின் தொழில் வாழ்க்கையைப் போலவே, அவரது தனிப்பட்ட வாழ்க்கையும் பலரையும் கவர்ந்தது. குறிப்பாக அவரது காதல் கதை.

சில வருடங்களுக்கு முன், ஒரு பேட்டியில் ரத்தன் டாடா தனது வாழ்க்கையின் மிக முக்கியமான ஒரு பகுதியைப் பகிர்ந்து கொண்டார். அது அவரது காதல் கதை. அந்தக் காதல் எப்படி தொடங்கி எப்படி முடிந்தது என்பது பலரையும் வியப்பில் ஆழ்த்தியது.

தனது தந்தையுடன் கருத்து வேறுபாடு கொண்டிருந்த ரத்தன் டாடா, அமெரிக்காவின் கார்னல் பல்கலைக்கழகத்தில் படிக்க சென்றார். அங்கே தனது வாழ்க்கையின் முதல் காதலைச் சந்தித்தார். அந்தக் காதல் மிகவும் ஆழமானது. இருவரும் திருமணம் செய்துகொள்ள முடிவு செய்திருந்தனர்.

ஆனால் விதி வேறு விதமாக அமைந்தது. பாட்டியின் உடல்நிலை மோசமானதால் இந்தியா திரும்ப வேண்டிய கட்டாயம் ஏற்பட்டது. தனது காதலியும் தன்னுடன் இந்தியா வருவார் என்று எண்ணினார். ஆனால் அந்த நேரத்தில் இந்தியா-சீனா போர் வெடித்தது. இதனால் அவரது காதலியின் பெற்றோர் அவரை இந்தியா அனுப்ப மறுத்துவிட்டனர்.

இந்த சம்பவம் ரத்தன் டாடாவின் வாழ்க்கையை முற்றிலும் மாற்றிவிட்டது. அந்தக் காதல் முறிவு அவருக்கு மிகப்பெரிய அதிர்ச்சியைத் தந்தது. அதன் பிறகு அவர் யாரையும் காதலிக்கவில்லை. தனது முழு கவனத்தையும் தொழிலில் செலுத்தினார்.

ரத்தன் டாடாவின் குடும்பத்தினர் அவரை பல முறை திருமணம் செய்துகொள்ளுமாறு வற்புறுத்தினர். ஆனால் அவர் யாரையும் திருமணம் செய்துகொள்ளவில்லை. தனது வாழ்க்கையை முழுக்க தொழிலுக்காகவே அர்ப்பணித்தார்.

இப்படி ஒரு மாபெரும் தொழிலதிபர், தனது காதல் தோல்வியால் துவண்டுவிடாமல் தனது வாழ்க்கையை எப்படி மாற்றிக்கொண்டார் என்பது நம் அனைவருக்கும் ஒரு பாடமாக அமைகிறது.

இதைப் புரிந்துகொண்ட ரத்தன் டாடா குடும்பம் அவருக்கு 4 முறை திருமணம் செய்துகொள்ளும் முடிவை எட்டிய போதும் பல்வேறு காரணத்தால் திருமணம் செய்ய மறுத்தார் ரத்தன் டாடா. இன்றளவும் ரத்தன் டாடா தனது காதலியை நினைத்துக்கொண்டு வாழ்வதாகவும், அதேவேளையில் தனிமை மிகவும் கொடுமையானது என்றும் அவர் தெரிவித்துள்ளார்.