ரிசர்வ் வங்கி கூட்டம் FY24ல் எப்போதெல்லாம் கூடுகிறது தெரியுமா.. கவனத்தில் எடுத்துக்கோங்க!

ரிசர்வ் பாங்க் ஆப் இந்தியா தொடர்ந்து நடப்பு நிதியாண்டில் நடந்த மத்திய மானட்டரி பாலிசி கூட்டத்தில் பல முக்கிய நடவடிக்கைகளை எடுத்தது. இதற்கிடையில் 2024ம் நிதியாண்டிற்கான காலண்டரை அறிவித்துள்ளது.

இந்த காலண்டரில் ஆறு கூட்டத்திற்காக தேதிகள் வெளியாகியுள்ளன. இதில் முதல் கூட்டம் ஏப்ரல் 3 - 6 அன்று நடைபெறவுள்ளது. அதனை தொடர்ந்து இரண்டாவது கூட்டம் ஜூன் மாதத்திலும், ஆகஸ்ட், அக்டோபர், டிசம்பர் மற்றும் பிப்ரவரி 2024-லும் கூட்டம் நடத்த திட்டமிட்டுள்ளது.

முக்கிய முடிவுகள்

ரிசர்வ் வங்கி கவர்னர் தலைமையில் மத்திய வங்கியின் இரண்டு பிரதிநிதிகள் மற்றும் மூன்று வெளி உறுப்பினர்கள் அடங்கிய குழு, மூன்று நாட்கள் நடைபெறும் இந்தக் கூட்டங்களில், நிலவும் உள்நாட்டு மற்றும் பொருளாதார சூழ்நிலைகள் குறித்து விவாதிக்கப்படும். முக்கிய முடிவுகள் எடுக்கப்படும்.

ரிசர்வ் வங்கியின் இலக்கு

நடப்பு நிதியாண்டில் பணவீக்கம் 4% ஆகவும், இருபுறமும் 2% மார்ஜினும் இருக்க வேண்டும் என அரசு ஆர்பிஐ-க்கு இலக்கு வைத்துள்ளது. ஆக இது போன்ற இலக்கு மற்றும் சமீபத்திய உலகளாவிய மற்றும் உள்நாட்டுப் பொருளாதார நிலைமையையும், தற்போதைய உலகளாவிய புவிசார் அரசியல் பதற்றங்கள். அதனால் ஏற்படும் தாக்கம் உட்பட அதனுடன் தொடர்புடைய சவால்களையும் மதிப்பாய்வு செய்கிறது.

முதலீட்டாளர்கள் கவனம்

ஆக இப்படி பல முக்கிய அம்சங்கள் இருக்கும் இந்த கூட்டம் என்பது முதலீட்டாளர்கள் மத்தியில், பெரும் கவனிக்கப்பட வேண்டிய ஒன்றாக உள்ளது. இது இந்திய பங்கு சந்தைகள் உள்ளிட்ட முதலீடுகள், ரூபாயில் தாக்கத்தினை ஏற்படுத்தும் ஒன்றாக உள்ளது. ஆக இது முதலீட்டாளர்களால் கவனிக்க வேண்டிய ஒன்றாக உள்ளது.

சரியான முடிவு

தற்போது சர்வதேச வங்கிகளில் நிலவி வரும் பதற்றமான நிலைக்கு மத்தியில், இது இந்திய வங்கிகளின் நடவடிக்கை குறித்து கண்காணிப்பதும், அவற்றை மறுசீரமைப்பு செய்வதும் கவனத்தில் கொள்ள வேண்டிய ஒன்றாக உள்ளது. ஆக சரியான நேரத்தில் சரியான முடிவெடுக்கும் ஒன்றாக உள்ளது.

மக்கள் கவனம்

ரிசர்வ் வங்கியின் ரெப்போ வட்டி விகிதத்தின் அடிப்படையில், வங்கிகள் வாடிக்கையாளர்களுக்கான வட்டியை மாற்றியமைத்துக் கொள்ளும், ரெப்போ வட்டி உயர்வு அல்லது குறைவை வீட்டுக் கடன், வாகனக் கடன் உள்ளிட்ட வங்கிகளுக்கான வட்டி கூடும் அல்லது குறையலாம். ஆக இது பொதுமக்கள் மத்தியிலும் கவனம் பெற்ற ஒன்றாக இருக்கனும்.