உங்ககிட்ட ரூ.20 நோட்டு இருக்கா? அப்போ அவசியம் இத செக் பண்ணுங்க.. விரைவில் புதிய மாற்றம்.!!

இந்திய ரிசர்வ் வங்கி (RBI) விரைவில் மகாத்மா காந்தி புதிய தொடரின் கீழ் புதிய 20 ரூபாய் நோட்டுகளை வெளியிடப்போவதாக அதிகாரப்பூர்வமாக அறிவித்துள்ளது. இந்த புதிய ரூபாய் நோட்டுகளின் சிறப்பம்சம் என்னவென்றால், இதில் தற்போதுள்ள ரிசர்வ் வங்கி ஆளுநர் சஞ்சய் மல்ஹோத்ராவின் கையொப்பம் இடம்பெற்றிருக்கும்.

இதுகுறித்து ரிசர்வ் வங்கி வெளியிட்ட அறிவிப்பில், வரவிருக்கும் இந்த புதிய ரூ.20 நோட்டுகளின் வடிவமைப்பு மற்றும் அனைத்து அம்சங்களும், அதாவது வண்ணத் திட்டம், நோட்டின் அளவுகள், பாதுகாப்பு அம்சங்கள் மற்றும் பின்புறத்தில் உலகப் புகழ்பெற்ற எல்லோரா குகைகளின் மையக்கருத்து ஆகியவை மகாத்மா காந்தி படம் ஆகியவை இந்த புதிய தொடரில் தற்போது புழக்கத்தில் உள்ள ரூ.20 ரூபாய் நோட்டுகளைப் போலவே இருக்கும். எந்தவிதமான மாற்றங்களும் இருக்காது.

ரிசர்வ் வங்கி வெளியிட்ட அதிகாரப்பூர்வ அறிவிப்பில், இந்த புதிய தொடரில் ரிசர்வ் வங்கி ஆளுநர் சஞ்சய் மல்ஹோத்ராவின் கையொப்பத்துடன் ரூ.20 மதிப்புள்ள ரூபாய் நோட்டுகளை வெளியிடும். இந்த ரூபாய் நோட்டுகளின் வடிவமைப்பு பழைய ரூ.20 ரூபாய் நோட்டுகளைப் போலவே இருக்கும் என்று திட்டவட்டமாகத் தெரிவிக்கப்பட்டுள்ளது.

புதிய ரிசர்வ் வங்கி ஆளுநரின் கையொப்பத்துடன் மகாத்மா காந்தி புதிய ரூ.20 நோட்டுகள் வெளியிடப்படுவது, இந்திய நாணய நிர்வாகத்தில் ஒரு வழக்கமான நடைமுறை என்றாலும், இது ரிசர்வ் வங்கியின் தொடர்ச்சியான செயல்பாட்டையும், நாணயத்தின் நம்பகத்தன்மையையும் உறுதிப்படுத்துகிறது. பழைய ரூபாய் நோட்டுகள் தொடர்ந்து செல்லுபடியாகும் என்ற அறிவிப்பு, பொதுமக்கள் மத்தியில் எந்தவிதமான குழப்பத்தையும் தவிர்க்க உதவுகிறது.

ரிசர்வ் வங்கியின் இந்த நடவடிக்கை, அவ்வப்போது ஏற்படும் தலைமை மாற்றங்களுக்கு ஏற்ப நாணயத்தாள்களில் புதிய ஆளுநரின் கையொப்பத்தை இடம்பெறச் செய்வதன் மூலம், முறையான நடைமுறைகளை பின்பற்றுவதை எடுத்துக்காட்டுகிறது. மேலும், இது நாணயத்தின் அதிகாரப்பூர்வத்தன்மையையும், அதன் மீதான நம்பிக்கையையும் வலுப்படுத்துகிறது. பொதுமக்கள் இந்த புதிய ரூபாய் நோட்டுகளை வழக்கம்போல் பயன்படுத்தலாம்.

மேலும் பழைய ரூ.20 நோட்டுகளும் எந்தவிதமான பிரச்சனையும் இன்றி அனைத்து பரிவர்த்தனைகளுக்கும் பயன்படுத்தப்படலாம் என்பதை ரிசர்வ் வங்கி மீண்டும் வலியுறுத்தியுள்ளது. இந்த அறிவிப்பு, நாணயப் புழக்கத்தில் எந்தவிதமான இடையூறும் ஏற்படாது என்பதை உறுதி செய்வதற்கான ரிசர்வ் வங்கியின் முயற்சிகளின் ஒரு பகுதியாகும்.

முக்கியமாக, ரிசர்வ் வங்கி பொதுமக்களுக்கு ஒரு முக்கியமான உறுதியளித்துள்ளது. அதாவது, இதற்கு முன்பு ரிசர்வ் வங்கியால் வெளியிடப்பட்ட அனைத்து ரூ.20 ரூபாய் நோட்டுகளும் - அந்தந்த காலகட்டங்களில் கையொப்பமிட்ட ஆளுநர்களின் கையொப்பத்தைப் தொடர்ந்து உபயோகிக்கலாம் என்றும், இவை சட்டப்பூர்வமானவையாகவும், அனைத்து விதமான பரிவர்த்தனைகளுக்கும் முழுமையாக செல்லுபடியாகும் என்றும் அறிவித்துள்ளது.

புதிய ஆளுநரின் கையொப்பத்துடன் புதிய ரூபாய் நோட்டுகளை வெளியிடுவது என்பது, ரிசர்வ் வங்கியின் உயர் தலைமைப் பதவியில் ஏற்படும் மாற்றங்களுக்குப் பிறகு பின்பற்றப்படும் ஒரு வழக்கமான நடைமுறையாகும். இந்த நடவடிக்கை ஏற்கனவே புழக்கத்தில் உள்ள நாணயத்தின் பயன்பாடு அல்லது அதன் மதிப்பில் எந்தவிதமான பாதிப்பையும் ஏற்படுத்தாது என்றும் ரிசர்வ் வங்கி திட்டவட்டமாக தெரிவித்துள்ளது. எனவே, பொதுமக்கள் இந்த புதிய ரூபாய் நோட்டுகள் குறித்து எந்தவிதமான குழப்பமும் அடையத் தேவையில்லை.