RBI MPC Meet Live: தங்க கடனில் முக்கிய மாற்றம்.. UPI சேவையில் 2 லட்சம் வரை பண பரிமாற்றம் செய்யலாம்!

இந்திய ரிசர்வ் வங்கியின் (RBI) நாணயக் கொள்கைக் குழு (MPC) புதன்கிழமை புதிய நிதியாண்டிற்கான தனது முதல் நாணயக் கொள்கை ஆய்வின் முடிவுகளை அறிவித்தது. கடந்த சில மாதங்களில் நாட்டின் பணவீக்கம் குறைந்து வரும் நிலையில் ரெப்போ விகித்தை ஆர்பிஐ குறைத்துள்ளது.

ரெப்போ விகிதங்களை நிர்ணயிக்கும் MPC குழு ஒருமனதாக 25 அடிப்படை புள்ளிகள் குறைத்து 6.25% லிருந்து 6% ஆக நிர்ணயித்துள்ளது. மேலும், கொள்கை நிலைப்பாட்டையும் 'நடுநிலை' என்பதிலிருந்து 'இணக்கமான'தாக மாற்றியுள்ளது.

இதன் விளைவாக, நிலையான வைப்பு நிதி (SDF) விகிதம் 5.75 சதவீதமாகவும், இறுதிநிலை நிரந்தர வசதி (MSF) விகிதம் மற்றும் வங்கி விகிதம் 6.25 சதவீதமாகவும் மாற்றியமைக்கப்பட்டுள்ளது. இந்த நடவடிக்கை பொருளாதார வளர்ச்சிக்கு ஊக்கமளிக்கும் என எதிர்பார்க்கப்படுகிறது.

Apr 09, 2025, 12:11 pm IST

இன்றைய ரெப்போ வட்டி விகித குறைப்பு, வங்கிகள் மற்றும் நிதி நிறுவனங்கள் வழங்கும் நிலையான வைப்பு நிதிகளுக்கான (Fixed Deposits) வட்டி விகிதத்தையும் குறைக்க வழிவகுக்கும்.

Apr 09, 2025, 12:11 pm IST

ரிசர்வ் வங்கியின் நாணய கொள்கை குழுவின் (MPC) அடுத்த கூட்டம் 2025 ஜூன் 4 முதல் 6 வரை ஆளுநர் சஞ்சய் மல்ஹோத்ரா தலைமையில் நடைபெற உள்ளது.

Apr 09, 2025, 12:07 pm IST

UPI பரிவர்த்தனை வரம்பு உயர்வுக்கான NPCI-க்கு சுதந்திரம்: தனிநபர் வணிகர் பரிவர்த்தனைகளுக்கான UPI பரிவர்த்தனை வரம்பை ரூ. 2,00,000-லிருந்து உயர்த்த NPCI-க்கு சுதந்திரம் வழங்கப்படும். இதை செயல்படுத்தும் முன் NPCI வங்கிகள் மற்றும் நிதியியல் சந்தை ஒழுங்குமுறை அமைப்புகளிடம் ஆலோசனை செய்ய உள்ளது.

Apr 09, 2025, 12:07 pm IST

ஒழுங்குமுறை நிறுவனங்களால் பகுதி கடன் மேம்படுத்துவதற்கான விரிவான வழிகாட்டுதல்கள்: ஒழுங்குமுறைக்கு உட்பட்ட நிறுவனங்களால் வழங்கப்படும் கடன்களுக்கு பகுதி கடன் உத்தரவாதம் (Partial Credit Enhancement) அளிப்பது தொடர்பான விரிவான வழிகாட்டுதல்களை ரிசர்வ் வங்கி வெளியிட உள்ளது. இது கடன் சந்தையில் ரிஸ்க் பகிர்வை மேம்படுத்தும்.

Apr 09, 2025, 12:07 pm IST

தங்க நகை கடன்களுக்கான விதிமுறைகள்: தங்க நகை கடன்களுக்கு எதிரான கடன்கள் வழங்குவது தொடர்பான விரிவான விதிமுறைகளை ரிசர்வ் வங்கி வெளியிட உள்ளது. இந்த வழிமுறை மூலம் நாடு முழுவதும் ஒரே நடைமுறையையும், விதிகளையும் தங்க கடன் வழங்குவதில் பின்பற்றப்படும்.

Apr 09, 2025, 12:07 pm IST

கூட்டு கடன் வழங்குதல் வழிகாட்டுதல்கள் அனைத்து நிறுவனங்களுக்கும் நீட்டிப்பு: தற்போது முக்கியமான துறைக்கு (priority sector) கடன் வழங்கும் போது வங்கிகள் மற்றும் NBFC-க்கள் இணைந்து கடன் வழங்கும் தற்போது அறிவிக்கப்பட்டுள்ள புதிய வழிகாட்டுதல்களில் அனைத்து ஒழுங்குபடுத்தப்பட்ட நிறுவனங்களுக்கும், அனைத்து வகையான கடன்களுக்கும் நீட்டிக்க உத்தரவிடப்பட்டு உள்ளது.

Apr 09, 2025, 12:07 pm IST

வாராக் கடன்களை பத்திரமயமாக்க முன்மொழிவு: ரிசர்வ் வங்கி வாராக் கடன்களை (Stressed Assets) பத்திரங்களாக மாற்றுவதற்கான வழிமுறைகளை உருவாக்க முன்மொழிந்துள்ளது. இதன் மூலம் வங்கிகள் தங்கள் இருப்புநிலைக் குறிப்பில் உள்ள வாராக் கடன்களை நீக்கி, புதிய கடன்களை வழங்க முடியும். இது நிதி அமைப்பின் ஸ்திரத்தன்மைக்கு உதவும்.

Apr 09, 2025, 10:29 am IST

பொதுவாக ரெப்போ வட்டி குறைப்பால் ஈஎம்ஐ சுமை மலிவாகும், நுகர்வோர் செலவு அதிகரிக்கும். வணிக விரிவாக்கம், வேலைவாய்ப்பு, பொருளாதார வளர்ச்சிக்கு உதவும். ஆனால் இந்த வட்டி குறைப்பு பலனை வங்கிகள் விரைவாக மக்களுக்கு வழங்க வேண்டும்.

Apr 09, 2025, 10:28 am IST

தனிநபர் கடன்: வட்டி விகிதம் குறைய வாய்ப்பு குறைவு. பெரும்பாலும் தனிநபர் கடன்கள் நிலையான வட்டி விகிதத்தில் அளிக்கப்படுவதால் இக்கடன்களுக்கு வட்டி விகிதம் மாற்றாது. ஆனால் புதிய கடன்களுக்கு சற்று குறைந்த வட்டி இருக்கலாம். பழைய கடனை முடித்துவிட்டு புதிய கடனை வாங்கினால் ஈஎம்ஐ சுமை குறையலாம்.

Apr 09, 2025, 10:27 am IST

தங்க நகை கடன்: ரெப்போ குறைப்பால் நேரடி பாதிப்பு குறைவு. தங்க விலை, கடன் தொகை பொறுத்து வட்டி நிர்ணயம். எனினும், புதிதாக கடன் வாங்கும் போது சிறிய வட்டி குறைவு ஏற்படலாம்.

Apr 09, 2025, 10:27 am IST

வாகனக் கடன்: வாகனக் கடன் வட்டியும் குறைய வாய்ப்புள்ளது. கார், பைக் வாங்க திட்டமிட்டோருக்கு EMI குறையும். ஏற்கனவே மிதக்கும் வட்டியில் கடன் பெற்றோர் பயனடைவர்.

Apr 09, 2025, 10:27 am IST

வீட்டுக் கடன்: ரெப்போ குறைப்பால், வங்கிகள் வீட்டுக் கடன் வட்டி குறைக்க வாய்ப்புள்ளது. மிதக்கும் வட்டி கடன் பெற்றோர் EMI குறையும். புதிய கடன்களுக்கு குறைந்த வட்டி கிடைக்கலாம்.

Apr 09, 2025, 10:22 am IST

2026ஆம் நிதியாண்டின் முதல் காலாண்டில் (Q1) பணவீக்கம் 3.6% ஆகவும், இரண்டாவது காலாண்டில் (Q2) 3.9% ஆகவும் இருக்கும் என்று கணிக்கப்பட்டுள்ளது. மூன்றாவது காலாண்டில் (Q3) இது மேலும் குறைந்து 3.8% ஆக இருக்கும் என்றும், நான்காவது காலாண்டில் (Q4) சற்று உயர்ந்து 4.4% ஆக இருக்கும் என்றும் ரிசர்வ் வங்கி கணித்துள்ளது.

Apr 09, 2025, 10:21 am IST

இருப்பினும், கொள்கை மற்றும் வர்த்தக நிச்சயமற்ற தன்மைகள் காரணமாக, வளர்ச்சி கணிப்பு 20 அடிப்படை புள்ளிகள் குறைக்கப்பட்டுள்ளதாக ரிசர்வ் வங்கியின் ஆளுநர் சஞ்சய் மல்ஹோத்ரா தெரிவித்துள்ளார்.

Apr 09, 2025, 10:20 am IST

ரிசர்வ் வங்கி, 2024-25 நிதியாண்டிற்கான மொத்த உள்நாட்டு உற்பத்தி (GDP) வளர்ச்சி கணிப்பையும் வெளியிட்டுள்ளது. அதன்படி, முதல் காலாண்டில் 6.5 சதவீதமும், இரண்டாவது காலாண்டில் 6.7 சதவீதமும், மூன்றாவது காலாண்டில் 6.6 சதவீதமும், நான்காவது காலாண்டில் 6.3 சதவீதமும் வளர்ச்சி இருக்கும் என்று கணிக்கப்பட்டுள்ளது.

Apr 09, 2025, 10:20 am IST

2026 நிதியாண்டிற்கான பணவீக்க கணிப்பு பிப்ரவரி மாதத்தில் கணித்த 4.2 சதவீதத்தில் இருந்து 4 சதவீதமாக குறைக்கப்பட்டுள்ளது.

Apr 09, 2025, 10:19 am IST

இந்தியாவின் உற்பத்தித் துறையில் மறுமலர்ச்சிக்கான அறிகுறிகள் இருப்பதாக சஞ்சய் மல்ஹோத்ரா தெரிவித்தார். இது, பொருளாதார வளர்ச்சிக்கு ஒரு நல்ல அறிகுறியாகும். உற்பத்தி துறையில் ஏற்படும் வளர்ச்சி, வேலைவாய்ப்புகளை அதிகரிக்கவும், உள்நாட்டு தேவையை பூர்த்தி செய்யவும் உதவும்.

Apr 09, 2025, 10:18 am IST

உலகளாவிய பொருளாதார மந்தநிலை காரணமாக பொருட்களின் மற்றும் கச்சா எண்ணெய் விலைகள் குறையக்கூடும் என்று ரிசர்வ் வங்கி கவர்னர் கூறினார். இது, இந்திய பொருளாதாரத்திற்கு ஒரு சாதகமான அம்சமாக இருக்கலாம்.

Apr 09, 2025, 10:18 am IST

சர்வதேச அளவில் வர்த்தகப் போரினால் ஏற்படும் பாதிப்புகளை இந்திய பொருளாதாரம் எதிர்கொள்ள வேண்டியிருக்கும் என்பதையும் ரிசர்வ் வங்கி கவர்னர் சஞ்சய் மல்ஹோத்ரா சுட்டிக்காட்டினார்.

Apr 09, 2025, 10:18 am IST

அதிக சுங்க வரி விதிப்பு இந்தியாவின் நிகர ஏற்றுமதியில் பாதிபே்பை ஏற்படுத்தும் என்றும் ரிசர்வ் வங்கி கவர்னர் சஞ்சய் மல்ஹோத்ரா குறிப்பிட்டார்.

Apr 09, 2025, 10:18 am IST

மேலும், உலகளாவிய வர்த்தகப் போரினால் உலக பொருளாதார வளர்ச்சியில் ஏற்படும் மந்தநிலை, உள்நாட்டு வளர்ச்சியையும் பாதிக்கும் என்று அவர் எச்சரித்துள்ளார் ரிசர்வ் வங்கி கவர்னர் சஞ்சய் மல்ஹோத்ரா.

Apr 09, 2025, 10:18 am IST

நாணய கொள்கையின் நிலைப்பாடு குறித்து பேசிய மல்ஹோத்ரா, நாணய கொள்கை குழு நடுநிலை நிலையில் இருந்து தளர்வான நிலைக்கு மாற்ற முடிவு செய்துள்ளது என்று தெரிவித்தார். பொருளாதார வளர்ச்சியை ஊக்குவிக்கவும், வணிகங்களுக்கு ஆதரவளிக்கவும் இந்த முடிவு எடுக்கப்பட்டுள்ளது.

Apr 09, 2025, 10:16 am IST

நாணய கொள்கையின் நிலைப்பாடு குறித்து பேசிய மல்ஹோத்ரா, நாணய கொள்கை குழு நடுநிலை நிலையில் இருந்து தளர்வான நிலைக்கு மாற்ற முடிவு செய்துள்ளது என்று தெரிவித்தார்.

Apr 09, 2025, 10:16 am IST

சர்வதேச சந்தைகளில் நிலவும் நிலையற்ற தன்மை மற்றும் இயற்கை பேரழிவுகள் போன்றவை பணவீக்கத்தில் தாக்கத்தை ஏற்படுத்தக்கூடும் என்பதால், ரிசர்வ் வங்கி தொடர்ந்து கண்காணித்து வருகிறது என்றும் ரிசர்வ் வங்கி கவர்னர் சஞ்சய் மல்ஹோத்ரா.

Apr 09, 2025, 10:16 am IST

பணவீக்கம் தொடர்பான கருத்துக்களை வெளியிட்ட கவர்னர் சஞ்சய் மல்ஹோத்ரா, உணவுப் பொருட்களின் விலையில் எதிர்பார்த்ததை விட அதிகமான சரிவடைந்துள்ளது ஆறுதல் அளித்தாலும், உலகளாவிய நிச்சயமற்ற தன்மை மற்றும் வானிலை மாற்றங்களால் ஏற்படக்கூடிய ஆபத்துகள் குறித்து தொடர்ந்து ஆர்பிஐ கண்காணிக்கு வருகின்றோம் என்று கூறினார்.

Apr 09, 2025, 10:16 am IST

ரிசர்வ் வங்கியின் நாணய கொள்கை குழு, நிலையான வைப்பு வசதி (SDF) விகிதத்தை 5.75% ஆகவும், எல்லைநிலை நிலையான வசதி (MSF) விகிதத்தை 6.25% ஆகவும் குறைத்துள்ளது. இது, பொருளாதாரத்தில் பணப்புழக்கத்தை அதிகரிக்கவும், கடன் செலவுகளை குறைக்கவும் எடுக்கப்பட்ட முக்கியமான நடவடிக்கையாகும்.

Apr 09, 2025, 10:16 am IST

இந்திய பொருளாதாரம் விலை ஸ்திரத்தன்மை மற்றும் நிலையான வளர்ச்சி என்ற இலக்கை நோக்கி சீரான முன்னேற்றத்தை அடைந்து வருகிறது என்று ரிசர்வ் வங்கி கவர்னர் சஞ்சய் மல்ஹோத்ரா தனது உரையில் குறிப்பிட்டார்.

Apr 09, 2025, 10:06 am IST

இந்த புதிய விகிதம் உடனடியாக அமலுக்கு வருகிறது என்று ரிசர்வ் வங்கி அறிவித்துள்ளது. இந்த முடிவு, நாட்டின் பொருளாதார வளர்ச்சிக்கு ஊக்கமளிக்கும் ஒரு முக்கியமான நடவடிக்கையாக பார்க்கப்படுகிறது.

Apr 09, 2025, 10:06 am IST

இந்திய ரிசர்வ் வங்கியின் (RBI) நாணயக் கொள்கைக் குழு (MPC) இன்று ஒருமனதாக முக்கிய வட்டி விகிதமான ரெப்போ விகிதத்தை 25 அடிப்படை புள்ளிகள் குறைத்து 6 சதவீதமாக நிர்ணயித்துள்ளது.

Apr 09, 2025, 10:01 am IST

ரிசர்வ் வங்கியின் (RBI) நாணயக் கொள்கை குழுவின் (MPC) முடிவுகள் வெளியாகவிருக்கும் நிலையில், இன்று (புதன்கிழமை, ஏப்ரல் 9) காலை வர்த்தகத்தின் ஆரம்பத்திலேயே இந்திய ரூபாயின் மதிப்பு அமெரிக்க டாலருக்கு எதிராக சரிவைச் சந்தித்தது. தொடர்ச்சியாக நான்காவது நாளாக ரூபாய் மதிப்பு சரிந்துள்ளது, இன்று காலை வர்த்தகத்தில் ரூபாய் மதிப்பு 30 காசுகள் குறைந்து 86.56 ஆக பதிவாகியுள்ளது.

Apr 09, 2025, 9:54 am IST

அமெரிக்காவின் 10 ஆண்டுக்கால கருவூலப் பத்திரத்தின் வருவாய் புதன்கிழமை (ஏப்ரல் 9) அன்று 4.50% என்ற தடாலடியான உயர்வைச் சந்தித்தது.

Apr 09, 2025, 9:47 am IST

நான்கு மாதங்களாக குறைந்து வந்த இந்தியாவின் பணவீக்கம், மார்ச் மாதத்தில், பிப்ரவரி மாதத்தில் இருந்த அதே அளவில் உயரக்கூடும் என்று ராய்ட்டர்ஸ் நடத்திய கருத்துக்கணிப்பில் தெரிய வந்துள்ளது. உணவுப் பொருட்களின் விலைகள் நிலையாக இருந்த போதிலும், தங்கத்தின் விலை கடுமையாக உயர்ந்ததே இதற்கு முக்கிய காரணம் என்று தெரிவிக்கப்பட்டுள்ளது.

Apr 09, 2025, 9:47 am IST

ஆசிய வளர்ச்சி வங்கி (ADB), 2026 நிதியாண்டுக்கான (FY26) இந்தியாவின் மொத்த உள்நாட்டு உற்பத்தி (GDP) வளர்ச்சி கணிப்பை 30 அடிப்படை புள்ளிகள் குறைத்து 6.70% ஆக நிர்ணயித்துள்ளது. முன்னர் இந்த வளர்ச்சி 7.0% ஆக கணிக்கப்பட்டிருந்தது குறிப்பிடத்தக்கது.

Apr 09, 2025, 9:33 am IST

சென்செக்ஸ் குறியீடு காலை வர்த்தகம் துவங்கும் போது 450 புள்ளிகள் வரையில் சரிந்தது.

Apr 09, 2025, 9:14 am IST

அமெரிக்கா - சீனா வர்த்தகப் போர் மற்றும் ரிசர்வ் வங்கியின் நாணயக் கொள்கை முடிவைச் சுற்றியுள்ள எதிர்பார்ப்புகள் காரணமாக இந்திய ரூபாயும், பங்குச் சந்தைகளும் புதன்கிழமை அன்று நிலையற்ற தன்மையுடன் காணப்படலாம்.

Apr 09, 2025, 9:14 am IST

சீன யுவான் ஒரு டாலருக்கு 7.40 யுவானுக்கு கீழ் சரிந்து புதிய வரலாற்றுச் சரிவை எட்டியது. இந்த யுவானின் மதிப்பு சரிவு, இந்திய ரூபாயின் மதிப்பிலும் தாக்கத்தை ஏற்படுத்தக்கூடும் என்று நிபுணர்கள் கூறுகின்றனர்.

Apr 09, 2025, 9:13 am IST

அமெரிக்காவுக்கும் சீனாவுக்கும் இடையிலான வர்த்தகப் பதற்றங்கள் தீவிரமடைந்துள்ளதால், சீன யுவானின் மதிப்பில் ஏற்பட்டுள்ள நிலையற்ற தன்மையின் காரணமாக இந்திய ரூபாயின் மதிப்பு புதன்கிழமை மோசமான பாதிப்பை எதிர்கொள்ளும் என்று எதிர்பார்க்கப்படுகிறது.

Apr 09, 2025, 9:12 am IST

ராய்ட்டர்ஸ் செய்தி வெளியிட்டுள்ள தகவல்களின்படி, உலகளாவிய பங்குச் சந்தைகளில் நிலவும் விற்பனை போக்கு மற்றும் அதிகரித்து வரும் வர்த்தகப் பதற்றங்களுக்கு மத்தியில், இந்திய பங்குச் சந்தை புதன்கிழமை அன்று சரிவுடன் திறக்கக்கூடும் என்று எதிர்பார்க்கப்படுகிறது.

Apr 09, 2025, 9:10 am IST

கடந்த ஏழு மாதங்களில் ரிசர்வ் வங்கியின் பணவீக்க இலக்கு அளவான 4%க்கு கீழே பணவீக்கம் குறைவது இதுவே முதல் முறையாகும். இந்த சாதகமான புள்ளிவிவரம், வட்டி விகிதத்தை குறைப்பதன் மூலம் பொருளாதாரத்தை ஊக்குவிப்பதற்கான வாய்ப்பை ரிசர்வ் வங்கிக்கு வழங்கக்கூடும்.

Apr 09, 2025, 9:09 am IST

இந்தியாவின் சில்லறை பணவீக்கத்தை அளவிடப்படும் CPI பிப்ரவரி மாதத்தில் 3.61% ஆக குறைந்துள்ளது. இது ஜனவரி மாதத்தில் 4.26% ஆக இருந்தது குறிப்பிடத்தக்கது.

Apr 09, 2025, 9:08 am IST

மார்கன் ஸ்டான்லியின் தலைமை ஆசிய பொருளாதார நிபுணர் மற்றும் வளர்ந்து வரும் சந்தைகளுக்கான மூத்த ஆய்வாளர் சேத்தன் அஹ்யா, ரிசர்வ் வங்கி இந்த கூட்டத்தில் 25 அடிப்படை புள்ளிகள் வரை வட்டி விகிதத்தை குறைக்கலாம் என்று கருதுகிறார்.

Apr 09, 2025, 9:08 am IST

ஸ்டேட் பேங்க் ஆப் இந்தியா வங்கியின் (SBI) பொருளாதார நிபுணர் சௌம்யா காந்தி கோஷ், இந்த நிதியாண்டில் ரிசர்வ் வங்கி குறைந்தது 75 அடிப்படை புள்ளிகள் வரை வட்டி விகிதத்தை குறைக்கக்கூடும் என்று கணித்துள்ளார்.

Apr 09, 2025, 9:07 am IST

அமெரிக்காவுக்கும் சீனாவுக்கும் இடையிலான அதிகரித்து வரும் வர்த்தகப் போர் காரணமாக சீன யுவானின் மதிப்பில் ஏற்பட்ட ஏற்ற இறக்கங்களின் தாக்கத்தால், இந்திய ரூபாயின் மதிப்பு புதன்கிழமை (ஏப்ரல் 9) சந்தை திறக்கும்போது சரிவைச் சந்திக்க நேரிடும் என்று எதிர்பார்க்கப்படுகிறது.

Apr 09, 2025, 8:42 am IST

பொருளாதார ஆய்வாளர்கள் மற்றும் நிபுணர்கள் அனைவரும் இன்று அறிவிக்கப்படும் இந்திய ரிசர்வ் வங்கியின் (RBI) நாணயக் கொள்கை கூட்டத்தின் முடிவுகளில் வட்டி விகித குறைப்பு இருக்கும் என்று மிகுந்த எதிர்பார்ப்புடன் உள்ளனர். குறிப்பாக, 25 முதல் 50 அடிப்படை புள்ளிகள் வரை (bps) வட்டி விகிதம் குறைக்கப்படலாம் என்ற கணிப்புகள் பரவலாக நிலவுகின்றன.

Apr 09, 2025, 8:41 am IST

ரிசர்வ் வங்கியின் (RBI) கடந்த நாணய கொள்கை குழு (MPC) கூட்டம் புதிதாக பொறுப்பேற்றுக் கொண்ட கவர்னர் சஞ்சய் மல்ஹோத்ரா தலைமையில் நடைபெற்றது. இந்த கூட்டத்தில், நாட்டின் பொருளாதார சூழலை கருத்தில் கொண்டு, ரெப்போ வட்டி விகிதத்தை 25 அடிப்படை புள்ளிகள் குறைத்து, 6.25 சதவீதமாக நிர்ணயம் செய்து அறிவிக்கப்பட்டது.

Apr 09, 2025, 8:36 am IST

பொருளாதார வல்லுனர்கள் 90 சதலீதம் பேர இன்று ஆர்பிஐ தனது ரெப்போ விகிதத்தை 0.25 சதவீதம் குறைக்கும் என கணித்துள்ளனர்.

Apr 09, 2025, 8:34 am IST

GIFTNIFTY moved more than 300 points higher and then fell 600 points yesterday night.

In last 1 hour, US markets fell 7%.

Today RBI policy will add volatility.

Nifty weekly expiry is today due to trading holiday tomorrow.

Be ready for roller coaster ride.

— P R Sundar (@PRSundar64) April 9, 2025

இன்று பங்குச்சந்தை வர்த்தகம் எப்படி இருக்கும்?

Apr 09, 2025, 8:31 am IST

ஏப்ரல் 7ஆம் தேத துவங்கிய நாணய கொள்கை கூட்டத்தில், பணவீக்கத்தின் போக்கு, பொருளாதார வளர்ச்சி கணிப்புகள் மற்றும் உலகளாவிய பொருளாதார சூழல் ஆகியவற்றை MPC விரிவாக விவாதிக்கும்.

Apr 09, 2025, 8:31 am IST

உலகளாவிய பொருளாதார நிலைமைகள், குறிப்பாக கச்சா எண்ணெய் விலை மற்றும் அமெரிக்காவின் வட்டி விகித கொள்கைகள், இந்திய பொருளாதாரத்திலும் தாக்கத்தை ஏற்படுத்தும் என்பதால், ரிசர்வ் வங்கி எச்சரிக்கையுடன் முடிவுகளை எடுக்கும் என்று எதிர்பார்க்கப்படுகிறது.

Apr 09, 2025, 8:30 am IST

பணவீக்கம் தொடர்ந்து குறைந்து வருவதால், ரெப்போ விகிதத்தை மேலும் குறைக்க வாய்ப்புகள் இருப்பதாக பொருளாதார வல்லுநர்கள் கருதுகின்றனர்.

Apr 09, 2025, 8:29 am IST

ரெப்போ விகிதத்தை அடிப்படையாக கொண்டே வங்கிகள் மக்களுக்கு கடன்களை அளித்து வருகிறது. எனவே ரெப்போ விகிதத்தில் செய்யப்படும் ஒவ்வொரு மாற்றமும் பெரும் தாக்கத்தையும் பாதிப்பையும் பொருளாதாரத்தில் எதிரொலிக்கும். இதேபோல் ரெப்போ விகிதத்தை வைத்து நாட்டின் பணவீக்கத்தைக் கட்டுப்படுத்தவும், பொருளாதார வளர்ச்சியை ஊக்குவிக்கவும் ரிசர்வ் வங்கி பயன்படுத்துகிறது.

Apr 09, 2025, 8:27 am IST

ரெப்போ விகிதம் என்பது வணிக வங்கிகளுக்கு குறுகிய கால நிதியை மத்திய வங்கி கடன் வழங்கும் வட்டி விகிதமாகும்.

Apr 09, 2025, 8:27 am IST

கடந்த பிப்ரவரி 7 ஆம் தேதி நடைபெற்ற அதன் கடைசி கூட்டத்தின் போது, ​​MPC ஒருமனதாக கொள்கை ரெப்போ விகிதத்தை 25 அடிப்படை புள்ளிகள் குறைத்தது—6.5% லிருந்து 6.25% ஆக குறைத்தது. ஏறக்குறைய ஐந்து ஆண்டுகளில் இதுவே முதல் வட்டி விகிதக் குறைப்பாகும்.

Apr 09, 2025, 8:27 am IST

இந்த ஆண்டிற்கான முதல் கூட்டம் ஏப்ரல் 7-9 வரையில் நடந்து முடிந்த நிலையில், எஞ்சிய கூட்டங்கள் ஜூன் 4-6, ஆகஸ்ட் 5-7, செப்டம்பர் 29-அக்டோபர் 1, டிசம்பர் 3-5 மற்றும் பிப்ரவரி 4-6 ஆகிய தேதிகளில் நடைபெற திட்டமிடப்பட்டுள்ளன.

Apr 09, 2025, 8:26 am IST

ரிசர்வ் வங்கி, வட்டி விகிதங்கள், பண விநியோகம் மற்றும் பணவீக்கத்தின் கண்ணோட்டம் உள்ளிட்ட முக்கிய பொருளாதார குறிகாட்டிகளை மதிப்பிடுவதற்கு ஒவ்வொரு நிதியாண்டிலும் ஆறு இருமாதக் கூட்டங்களை நடத்துகிறது.