ரெப்போ விகிதம் 0.25% குறைப்பு.. ஹோம் லோன் வாங்கியோருக்கு ஜாக்பாட்.. EMI குறையப்போகுது..!!

இந்திய ரிசர்வ் வங்கி தனது இருமாத நாணய கொள்கை கூட்டத்தின் முடிவுகளை டிசம்பர் 5 வெளியிட்ட நிலையில் குட்ரிட்டன்ஸ் கணிப்பை உறுதிப்படுத்தும் வகையில் ரெப்போ வட்டி விகிதத்தை 0.25 சதவீதம் குறைத்து 5.25 சதவீதமாக அறிவித்துள்ளது.

உலகளாவிய மந்தநிலையில் பொருளாதார வளர்ச்சியை ஊக்குவிக்க இந்த முடிவு எடுக்கப்பட்டுள்ளது. ஆர்பிஐ ஆகஸ்ட் மற்றும் அக்டோபரில் மாதங்களில் வட்டி விகித்தை குறைக்காத நிலையில் டிசம்பர் மாதம் கூட்டத்தில் வட்டியை குறைத்துள்ளது.

2025-26 நிதியாண்டில் இதுவரை மொத்தம் 125 பேசிக் பாயிண்ட்கள் குறைக்கப்பட்டுள்ளன.

Dec 05, 2025, 10:22 am IST

இந்த ஆண்டு நுகர்வோர் விலைவாசி (CPI) 2% ஆக இருக்கும் என்று கணிக்கப்பட்டு உள்ளது- ஆர்பிஐ. இது முந்தைய மதிப்பீட்டைவிட 0.6% குறைவு.

Dec 05, 2025, 10:22 am IST

டிசம்பரில் 5 பில்லியன் டாலர் அளவுக்கு மூன்று ஆண்டு டாலர்-ரூபாய் வாங்கி-விற்கும் ஸ்வாப் நடத்தப்படும் என்று மல்ஹோத்ரா அறிவித்தார்.

Dec 05, 2025, 10:22 am IST

நடப்பு நிதியாண்டின் பொருளாதார வளர்ச்சி மதிப்பீட்டை 7.3% ஆக ரிசர்வ் வங்கி உயர்த்தியது. மூன்றாம் காலாண்டு ஜிடிபி 7%, நான்காம் காலாண்டு 6.5% என்று கணித்துள்ளது. அடுத்த ஆண்டு முதல் காலாண்டு 6.7%, இரண்டாம் காலாண்டு 6.8% ஆக இருக்கும் என கணித்துள்ளது.

Dec 05, 2025, 10:22 am IST

பணவீக்கம் கணிசமாக குறைந்துவிட்டது என்று MPC குழு கவனித்தது. இந்த அளவீடு தொடர்ந்து குறையும் என்று ஆர்பிஐ கவர்னர் சஞ்சய் மல்ஹோத்ரா தெரிவித்தார்.

Dec 05, 2025, 10:20 am IST

பணவீக்கம் கணிசமாக குறைந்துவிட்டது என்று MPC குழு கவனித்தது. இந்த அளவீடு தொடர்ந்து குறையும் என்று ஆர்பிஐ கவர்னர் சஞ்சய் மல்ஹோத்ரா தெரிவித்தார்.

Dec 05, 2025, 10:14 am IST

நடப்பு நிதியாண்டின் இறுதி இரு மாத நாணய கொள்கை கூட்டத்தில் RBI கவர்னர் சஞ்சய் மல்ஹோத்ரா, நாணய கொள்கை குழுவின் (MPC) அனைத்து உறுப்பினர்களும் ஒருமித்துமாக ரெப்போ விகிதத்தை 5.50 சதவீதத்திலிருந்து 5.25 சதவீதமாக குறைக்க வாக்களித்ததாகத் தெரிவித்தார்.

Dec 05, 2025, 10:06 am IST

ரெப்போ விகிதம் 0.25% சதவீதம் குறைக்கப்படுவதாக ஆர்பிஐ கவர்னர் அறிவித்தார்.

Dec 05, 2025, 9:54 am IST

ரூபாய் மதிப்பு

இந்திய ரூபாய் இன்று அமெரிக்க டாலருக்கு எதிராக 89.84 ஆக தொடங்கியது. நேற்றைய முடிவு விலையைவிட 0.15% அதிகம்.

Dec 05, 2025, 9:52 am IST

வங்கிகளின் நிலை என்ன..?

ரிசர்வ் வங்கி இன்று மீண்டும் ரெப்போ வட்டி விகிதத்தை குறைத்தால் வங்கிகளின் நிகர வட்டி லாப வரம்பு (NIM) மீது மீண்டும் அழுத்தம் வரும் என எதிர்பார்க்கப்படுகிறது. வங்கிகளில் டெபாசிட் மீதான வட்டி பெரிதும் குறைந்திருப்பதால், கடனுக்கான வட்டி அழுத்தம் ஓரளவு ஈடுகட்டப்படும் என கணிக்கப்பட்டு உள்ளதால் வங்கித் துறை மீதான மொத்த பாதிப்பு குறைவாகவே இருக்கும் என நிபுணர்கள் கூறுகின்றனர்.

Dec 05, 2025, 9:45 am IST

ரிசர்வ் வங்கி தனது நாணய கொள்கை கூட்டத்தில் எடுக்கும் முடிவுக்கு ரூபாய் மதிப்பில் ஏற்பட்ட சரிவு முக்கிய காரணமாக இருக்கும் என எதிர்பார்க்கப்படுகிறது.

Dec 05, 2025, 8:45 am IST

டிசம்பர் MPC கூட்டத்தில் ஆர்பிஐ கவனிக்கும் முக்கியமான விஷயங்கள்:

ரூபாய் மதிப்பு 90க்கு அருகில் உள்ளது, இது வரலாறு காணாத குறைவு. ரிசர்வ் வங்கி டிசம்பர் MPC கூட்டத்தில் இதை மிக முக்கியமாக பார்க்கும். நுகர்வோர் விலைவாசி பணவீக்கம் (CPI) அக்டோபரில் வெறும் 0.25% மட்டுமே. இரண்டாம் காலாண்டில் பொருளாதார வளர்ச்சி 8.2% ஆக உயர்ந்துள்ளது, இது கடந்த ஆறு காலாண்டுகளில் இல்லாத உச்ச அளவு.

Dec 05, 2025, 8:43 am IST

அக்டோபர் ரிசர்வ் வங்கி MPC கூட்டத்தில் எடுக்கப்பட்ட முக்கிய முடிவுகள்:

ரெப்போ வட்டியில் மாற்றமில்லை - 5.50% ஆகவே தொடர்வதாக அறிவிக்கப்பட்டது. கொள்கை நிலைப்பாடு - “நியூட்ரல்” சிஆர்ஆர் (CRR) - 3% ஆக மாற்றமின்றி அறிவிக்கப்பட்டது. சிஆர்ஆர் என்பது வங்கிகள் வைப்புத் தொகையில் 3% ரொக்கமாக ரிசர்வ் வங்கியில் வைக்க வேண்டும். எஸ்டிஎஃப் வட்டி (SDF) - 5.25% ஆக மாற்றமின்றி அறிவிக்கப்பட்டது. எம்எஸ்எஃப் வட்டி (MSF) - 5.75% ஆக மாற்றமின்றி அறிவிக்கப்பட்டது. வங்கி விகிதம் (Bank Rate) - 5.75% ஆக மாற்றமின்றி அறிவிக்கப்பட்டது. ரெப்போ விகித்தை குறைக்க வேண்டாம் என MPC குழுவில் இருக்கும் அனைத்து உறுப்பினர்களும் என்று ஒருமனதாக வாக்களித்தனர்.

Dec 05, 2025, 8:34 am IST

பிப்ரவரி, ஏப்ரல், ஆகஸ்ட் ஆகிய MPC கூட்டத்தில் ஆர்பிஐ மொத்தம் 100 பேசிக் பாயிண்ட் அதாவது 1% ரெப்போ விகிதத்தை குறைக்கப்பட்டது.

Dec 05, 2025, 8:34 am IST

வெளிநாட்டு முதலீட்டாளர்கள் நவம்பர் மாதம் மட்டும் ரூ.3,765 கோடி வெளியேறியது. தொடர்ந்து பங்குச் சந்தைக்கு அழுத்தம் தொடர்கிறது. அக்டோபரில் ரூ.14,610 கோடி முதலீடு செய்தனர். ஜூலை, ஆகஸ்ட், செப்டம்பர் என மூன்று மாதங்கள் தொடர் வெளியேற்றம் இருந்தது பிறகு நிறுத்தம்.செப்டம்பரில் ரூ.23,885 கோடி, ஆகஸ்டில் ரூ.34,990 கோடி, ஜூலையில் ரூ.17,700 கோடி வெளியேறியது.

Dec 05, 2025, 8:34 am IST

இதேவேளையில் வெளிநாட்டு முதலீட்டாளர்கள் டிசம்பர் 1-4 வரை இந்திய பங்கு சந்தையில் இருந்து ரூ.13,121 கோடி (1.46 பில்லியன் டாலர்) முதலீட்டை வெளியேற்றியுள்ளனர். இந்த ஆண்டு இதுவரை மொத்த வெளியேற்றம் ரூ.1.56 லட்சம் கோடி (17.8 பில்லியன் டாலர்) ஆக உயர்ந்தது என என்எஸ்டிஎல் தரவு தெரிவிக்கிறது.

Dec 05, 2025, 8:34 am IST

இக்கூட்டத்தில் அனைத்து தரப்பினரின் முக்கியமான எதிர்பார்ப்பு ரெப்போ விகிதத்தை குறைப்பது தான். பணவீக்கம், பொருளாதார வளர்ச்சி இதற்கு சாதகமாக இருந்தாலும், ரூபாய் மதிப்பின் மோசமான நிலையால் இது சாத்தியமாகுமா என்ற கேள்வி உள்ளது.

Dec 05, 2025, 8:34 am IST

ரிசர்வ் வங்கி கவர்னர் சஞ்சய் மல்ஹோத்ரா இன்று காலை 10 மணிக்கு தனது பேச்சு தொடங்குகிறார். கடந்த 2 நாட்களாக நடந்த எம்பிசி கூட்டத்தின் முடிவுகளை அறிவிப்பார்.