ரெப்போ விகிதத்தை விட்டுத்தள்ளுங்க.. NRI-களுக்கு புது வசதி அறிமுகம் - ஆர்பிஐ கவர்னர் சஞ்சய் மல்ஹோத்ரா

ஆர்பிஐ இன்று காலை 10 மணிக்கு இரு நாள் நாணய கொள்கை முடிவுகளை வெளியிட்ட நிலையில் ஆர்பிஐ கவர்னர் சஞ்சய் மல்ஹோத்ரா ரெப்போ விகிதத்தில் எவ்விதமான மாற்றமும் இல்லை என அறிவித்தார். இது நாட்டின் பொருளாதாரத்தை மேம்படுக்தும் முக்கிய அறிவிப்பாக பார்க்கப்பட்ட வேளையில் இன்று ஆர்பிஐ சர்ப்ரைஸாக வட்டி விகிதத்தை குறைக்கும் என சிறிய எதிர்பார்ப்பு இருந்தது, ஆனால் MPC உறுப்பினர்கள் அனைவரும் ஒருமனதாக வாக்களித்து ரெப்போ விகிதம் எவ்விதமான மாற்றமும் இல்லாமல் தொடரும் என அறிவித்துள்ளார்.

ஆர்பிஐ கவர்னர் சஞ்சய் மல்ஹோத்ரா தலைமையிலான எம்பிசி குழு நாட்டில் நிலவும் குறைந்த பணவீக்கம் மற்றும் அமெரிக்க வரி கொள்கைகளால் ஏற்படும் வளர்ச்சி அழுத்தங்களை மத்தியில் இத்தகைய முடிவுகளை எடுத்துள்ளது.

Oct 01, 2025, 10:52 am IST

ஆர்பிஐ, ஐபிஓ நிதியுதவி வரம்பை ஒரு முதலீட்டாளருக்கு 10 லட்சத்திலிருந்து 25 லட்சம் ரூபாயாக உயர்த்தியுள்ளது. இது அக்டோபர் 1, 2025 அன்று அறிவிக்கப்பட்டது. இந்த உயர்வு, அதிக முதலீட்டு உடன் முதலீட்டாளர்களை ஐபிஓக்களில் பங்கேற்க அனுமதிக்கும். புதிய வரம்பு, ஐபிஓக்களில் அதிகப்படியான விண்ணப்பங்களைக் குறைக்க உதவும். இது பங்கு பட்டியல் லாபங்களை சமநிலைப்படுத்தி, நியாயமான அணுகலை உறுதி செய்யும்.

Oct 01, 2025, 10:52 am IST

ஆர்பிஐ கவர்னர் சஞ்சய் மல்ஹோத்ரா, வெளிநாட்டு நாணய கணக்குகளில் இருந்து நிதி மறு அனுப்பல் (repatriation of funds) காலத்தை விரிவாக்குவதாக அறிவித்தார். இந்த விரிவாக்கம் மூலம் முதலீட்டாளர்களுக்கு கூடுதல் நேரம் கொடுத்து நெகிழ்வுத்தன்மையை வழங்கும்.

Oct 01, 2025, 10:38 am IST

ஆர்பிஐ, வங்கிகளுக்கு ஆபத்து அடிப்படையிலான கா ப்பீட்டு பிரீமியத்தை நிர்ணயம் செய்யும் திட்டத்தை முன்வைத்துள்ளது. இது வங்கிகளை சிறந்த ஆபத்து மேலாண்மை முறைகளை பின்பற்ற ஊக்குவிக்கும் என ஆர்பிஐ கவர்னர் தெரிவித்தார்.

Oct 01, 2025, 10:38 am IST

ஆர்பிஐ, பூட்டான், நேபாளம், இலங்கை-யில் இருக்கும் இந்திய வங்கி கிளைகள் மூலம் இனி வெளிநாடு வாழ் இந்தியர்களுக்கு (என்ஆர்ஐ) இந்திய ரூபாயில் கடன் வழங்க அனுமதிக்கப்படும் என்று அறிவித்தார் ஆர்பிஐ கவர்னர். இந்த புதிய விதி, என்ஆர்ஐகளுக்கு இந்திய ரூபாயில் கடன் பெறுவதை எளிதாக்கும்.

Oct 01, 2025, 10:30 am IST

ஆர்பிஐ இந்த வருடம் 1 சதவீதம் வரையில் ரெப்போ விகிதம் குறைத்துள்ள வேளையில், வங்கிகளில் கடனுக்கான வட்டி விகிதம் 0.58 சதவீதம் வரையில் குறைந்துள்ளதாக ஆர்பிஐ கவர்னர் தெரிவித்துள்ளார்.

Oct 01, 2025, 10:20 am IST

ஆர்பிஐ நாணய கொள்கை முடிவுகள் வெளியிட்டுக்கு பின்பு சென்செக்ஸ் குறியீடு 150 புள்ளிகள் உயர்ந்துள்ளது, இதேபோல் நிஃப்டி குறியீடு 24,650 புள்ளிகளுக்கு மேல் வர்த்தகமாகி வருகிறது.

Oct 01, 2025, 10:15 am IST

இந்தியாவின் கோர் பணவீக்கம் 4.2சதவீதமாக இருக்கும் என கணித்துள்ளது.

Oct 01, 2025, 10:14 am IST

அமெரிக்காவின் உயர் இறக்குமதி வரிகள் இந்திய பொருளாதார வளர்ச்சியை மந்தமாக்கும் என ஆர்பிஐ கவர்னர் தெரிவித்தார். இது நாட்டின் வளர்ச்சிக்கு சவாலாக உள்ளது என வெளிப்படையாக தெரிவித்தார்.

Oct 01, 2025, 10:14 am IST

இந்தியாவின் உண்மையான ஜிடிபி வளர்ச்சி 6.5%லிருந்து 6.8% ஆக உயர்த்தப்பட்டுள்ளது. எதிர்பார்த்ததை விட வலுவான பொருளாதார செயல்பாடு இதற்கு காரணம் என ஆர்பிஐ கவர்னர் தெரிவித்துள்ளார்.

Oct 01, 2025, 10:05 am IST

ரெப்போ விகிதத்தில் மாற்றமில்லை - ஆர்பிஐ கவர்னர் சஞ்சய் மல்ஹோத்ரா

Oct 01, 2025, 10:01 am IST

ஆகஸ்டில், இந்தியாவின் தொழில்துறை வளர்ச்சி ஆண்டுக்கு 4% ஆக குறைந்துள்ளது. உற்பத்தி துறையில் ஏற்பட்ட மந்தநிலை இதற்கு காரணமாகும். உற்பத்தி துறையின் மந்தநிலையால் இது சரிந்துள்ளது.

Oct 01, 2025, 10:01 am IST

ஆர்பிஐ, புதன்கிழமை நாணய சந்தைகளில் தலையிட்டுள்ளது. ரூபாய், புதன்கிழமை ஒரு டாலருக்கு 88.7750 ஆக சற்று வலுவாக தொடங்கியது. ஆர்பிஐயின் தலையீடு ரூபாயை உறுதிப்படுத்த உதவியது. ஆர்பிஐ-யின் முக்கிய கொள்கை முடிவுக்கு முன், வட்டி விகித குறைப்பு ஊகங்களால் இது நடந்ததுள்ளது என சந்தை வல்லுனர்கள் தெரிவித்துள்ளனர்.

Oct 01, 2025, 10:00 am IST

EY நிறுவனம், FY26இல் இந்தியாவின் உண்மையான ஜிடிபி வளர்ச்சியை 6.5%லிருந்து 6.7% ஆக உயர்த்தியுள்ளது. சமீபத்திய ஜிஎஸ்டி சீர்திருத்தங்கள் இந்த உயர்வுக்கு காரணம். ஜிஎஸ்டி சீர்திருத்தங்கள், பொருளாதார வளர்ச்சியை ஊக்குவித்து, நுகர்வு மற்றும் முதலீட்டை உயர்த்தியுள்ளன. இது FY26இல் 6.7% வளர்ச்சி கணிப்பை ஆதரிக்கிறது.

Oct 01, 2025, 9:55 am IST

FY26 ஜிடிபி கணிப்பு

ஆகஸ்டில், எம்பிசி FY26க்கு 6.5% உண்மையான ஜிடிபி வளர்ச்சி கணிப்பை உறுதி செய்தது. இது வளர்ச்சிக்கு வலுவான அடித்தளத்தை காட்டுகிறது. வலுவான உள்நாட்டு தேவை, FY26 ஜிடிபி வளர்ச்சியை ஆதரிக்கிறது. கிராமப்புறங்களில் நுகர்வு அதிகரிப்பு, பொருளாதாரத்தை வலுப்படுத்துகிறது. இது FY26இல் 6.5% ஜிடிபி வளர்ச்சி கணிப்பை உறுதிப்படுத்துகிறது.

Oct 01, 2025, 9:55 am IST

மானிட்டரி பாலிசி கமிட்டி

மானிட்டரி பாலிசி கமிட்டி (எம்பிசி) ஆறு உறுப்பினர்களைக் கொண்டது. இது ஆர்பிஐயின் முக்கிய பொருளாதார முடிவுகளை எடுக்கிறது. சஞ்சய் மல்ஹோத்ரா, ஆர்பிஐ கவர்னராகவும், எம்பிசி தலைவராகவும் இருக்கிறார். அவரது தலைமையில் கொள்கை முடிவுகள் எடுக்கப்படுகின்றன. இக்குழுவில் இருக்கும் உறுப்பினர்கள் பூனம் குப்தா, ஆர்பிஐ துணை கவர்னர், நாணயக் கொள்கை பொறுப்பாளராக எம்பிசியில் பணியாற்றுகிறார் சவுகத பட்டாச்சார்யா, பொருளாதார நிபுணர், எம்பிசியில் உறுப்பினராக உள்ளார். ராம் சிங், டெல்லி ஸ்கூல் ஆஃப் எகனாமிக்ஸ் இயக்குநர், எம்பிசியில் உறுப்பினராக உள்ளார். நாகேஷ் குமார், இன்ஸ்டிட்யூட் ஃபார் ஸ்டடீஸ் இன் இன்டஸ்ட்ரியல் டெவலப்மென்ட் இயக்குநராகவும், எம்பிசியில் உறுப்பினராகவும் பணியாற்றுகிறார். இந்திரநீல் பட்டாச்சார்யா, நாணயக் கொள்கை பொறுப்பாளராக புதிதாக நியமிக்கப்பட்ட நிர்வாக இயக்குநராக, எம்பிசியில் இணைந்தார்.

Oct 01, 2025, 9:49 am IST

முதல் காலாண்டில் இந்தியாவின் வெளிநாட்டு கடன் 1.5% உயர்ந்து 747.2 பில்லியன் டாலராக உள்ளது. 93% கடன் வெளிநாட்டு இருப்புகளால் ஆதரிக்கப்படுகிறது, ஆர்பிஐ தரவு கூறுகிறது.

Oct 01, 2025, 9:49 am IST

ஜூன் காலாண்டில் இந்திய பொருளாதாரம் 7.8% வளர்ந்தது.

Oct 01, 2025, 9:49 am IST

ரெப்போ விகித குறைப்பு மூலம் வங்கிகளின் கடனுக்கான வட்டி விகிதம் குறையும். இதன் மூலம் வீட்டு, ஆட்டோ, தனிநபர் மற்றும் கார்ப்பரேட் கடன்களின் வட்டி விகிதத்தை குறைத்து ஈஎம்ஐ குறைய வழிவகுக்கும். இதன் மூலம் வங்கிகளில் கடன் வர்த்தகம் வளர்ச்சியை உயர்த்தி நாட்டில் வர்த்தக அளவை உயர்த்தும்.

Oct 01, 2025, 9:49 am IST

இந்த ஆண்டு பிப்ரவரியில் இருந்து, ரிசர்வ் வங்கியின் எம்பிசி 100 பேசிஸ் பாயிண்ட் குறைத்ததுள்ளது. பிப்ரவரி, ஏப்ரலில் 25 பேசிஸ் பாயிண்ட், ஜூனில் 50 பேசிஸ் பாயிண்ட் குறைத்து நாட்டின் பொருளாதார மற்றும் வர்த்தக வளர்ச்சியை ஊக்குவித்துள்ளது.

Oct 01, 2025, 9:49 am IST

பேங்க் ஆஃப் பரோடாவின் சோனல் பதான், ரெப்போ விகிதம் 5.5%லேயே இருக்கும் என்கிறார். ஆனால், 25 பேசிஸ் பாயிண்ட் குறைப்பு சந்தைகளுக்கு மிகவும் சாதகமாக இருக்கும் என்றும் தெரிவித்துள்ளார். இதேபோல் மற்ர பொருளாதார வல்லுனர்கள் இந்த ஆண்டு ரெப்போ விகிதம் 5% வரை குறையலாம் எனவும் கூறுகின்றனர்.

Oct 01, 2025, 9:49 am IST

டிரம்பின் 50% இறக்குமதி வரிகள் இந்திய பொருளாதார வளர்ச்சியை மந்தமடைய செய்கின்றன. இது ஆர்பிஐ முடிவில் முக்கிய பங்கு வகிக்கிறது, பிளூம்பெர்க் தெரிவிக்கிறது. இதேபோல் சமீபத்தில் பெடரல் ரிசர்வ் வங்கியும் தனது பென்ச்மார்க் வட்டி விகிதத்தை குறைத்தது குறிப்பிடத்தக்கது.

Oct 01, 2025, 9:49 am IST

பணவீக்கம் ஆர்பிஐயின் 2%-6% இலக்கின் கீழ் உள்ளது. சமீபத்திய ஜிஎஸ்டி குறைப்பால் நாட்டின் பணவீக்கம் மேலும் குறையும் என எதிர்பார்க்கப்படுகிறது.

Oct 01, 2025, 9:49 am IST

ப்ளூம்பெர்க் 38 பொருளாதார நிபுணர்களின் சர்வேயில், 24 பேர் ரெப்போ விகிதம் 5.5%லேயே இருக்கும் என்கின்றனர். 14 பேர் 25 பேசிஸ் பாயிண்ட் குறைப்பு எதிர்பார்க்கின்றனர்.

Oct 01, 2025, 9:48 am IST

சஞ்சய் மல்ஹோத்ரா தலைமையிலான ஆறு பேர் கொண்ட எம்பிசி, பணவீக்கம் மற்றும் வளர்ச்சி இடையே சமநிலை காணப்போகிறது. இவர்களின் முடிவு நாட்டின் பொருளாதாரத்தில் நேரடியாகவும் உடனடியாகவும் பாதிப்பை ஏற்படுத்தும்.

Oct 01, 2025, 9:48 am IST

ஆர்பிஐயின் இன்றைய மானிட்டரி பாலிசி முடிவு மிகவும் நுட்பமானதாக இருக்கும் என எதிர்பார்க்கப்படுகிறது. நாட்டில் நிலவும் குறைந்த பணவீக்கமும், அமெரிக்க வரிகளால் மந்தமடையும் பொருளாதார வளர்ச்சிக்கு மத்தியில் இன்றைய MPC கூட்டத்தின் முடிவு இகுக்கும்.