வீடு விற்பனையில் வேற லெவல் வளர்ச்சி! சக்கை போடு போடும் நகரங்கள்! எவை தெரியுமா?

சென்னை: 2024 ஆம் ஆண்டின் முதல் மூன்று மாதங்களில் விற்கப்பட்ட வீடுகளின் எண்ணிக்கை புதிய உச்சத்தை எட்டியது. இந்தியாவின் முதல் 7 நகரங்களில், Q1 காலாண்டில் சுமார் 130,170 வீடுகள் விற்கப்பட்டன. Anarock Research இன் சமீபத்திய தகவலின்படி, கடந்த ஆண்டு இதே Q1 காலாண்டில் விற்பனையான 113,775 வீடுகளை விட இது 14% அதிகம்.

2024 ஆம் ஆண்டின், Q1 காலாண்டில், டெல்லி-என்சிஆர், கொல்கத்தா, சென்னை, பெங்களூரு, மும்பை பெருநகரப் பகுதி (எம்எம்ஆர்), ஹைதராபாத் மற்றும் பெங்களூரு உட்பட ஏழு நகரங்களில் மொத்தம் சுமார் 130,170 யூனிட்கள் விற்பனையாகியுள்ளன. இது கடந்த ஆண்டு Q 1 காலாண்டோடு ஒப்பிடுகையில் 16,395 யூனிட்கள் அதிகம். போன ஆண்டு இதே Q 1 காலாண்டில் 11,775 யூனிட்கள் விற்பனையானது.

அனாரோக் அறிக்கையின் படி, 2024 ஆண்டின் ஜனவரி முதல் மார்ச் வரையிலான Q 1 காலாண்டில், 42,920 விற்பனைகைளை பூர்த்தி செய்து மும்பை முதலிடத்தில் உள்ளது. இது 2023 ஜனவரி-மார்ச் காலகட்டத்தில் விற்கப்பட்ட 34,690 யூனிட்களை விட 24% அதிகரிப்பைக் குறிக்கிறது.

புனேவில், 2024 ஆம் ஆண்டின் முதல் Q 1 காலாண்டில் தோராயமாக 22,990 யூனிட்கள் விற்கப்பட்டன, இது கடந்த ஆண்டின் இதே காலகட்டத்துடன் ஒப்பிடும்போது 15% உயர்வை பிரதிபலிக்கிறது. அதே போன்று, ஹைதராபாத் முதல் Q 1 காலாண்டில் சுமார் 19,660 யூனிட்களை விற்பனை செய்துள்ளது, இது 2023 ஆம் ஆண்டின் இதே Q 1 காலகட்டத்தை விட 38% அதிகரிப்பைக் குறிக்கிறது. அதே நேரத்தில், பெங்களூரு ஆண்டுக்கு ஆண்டு விற்பனையில் 14% அதிகரித்து, மொத்தம் 17,790 யூனிட்களை எட்டியுள்ளது என்று அறிக்கை கூறுகிறது.

அதேசமயம், முதல் ஏழு நகரங்களில் கொல்கத்தா மற்றும் சென்னை ஆகிய இரண்டு நகரங்களில் வீட்டு விற்பனை குறைந்துள்ளது. கொல்கத்தா 14% சரிவைச் சந்தித்தது, 2024 ஆம் அண்டின், Q1 காலாண்டில் மொத்தம் 6,185 யூனிட்கள் விற்கப்பட்டதாக மதிப்பிடப்பட்டுள்ளது, அதே நேரத்தில் சென்னையில் 6% குறைந்துள்ளது, மொத்த விற்பனை 5,510 யூனிட்கள் என அனராக் ரிப்போர்ட் தெரிவிக்கின்றன.

விலை அதிகரிப்பு: சொத்து விலையின் மதிப்பு பெரும் ஏற்றத்தை தழுவி உள்ளது. கட்டுமான பொருள்களின் விலைகள் மற்றும் தேவை அதிகரிப்பு காரணமாக இந்த உயர்வு ஏற்படுகிறது. ஹைதெராபாத் மற்றும் பெங்களூரு போன்ற நகரங்களில் 32% மற்றும் 25% உயர்வைக் கண்டுள்ளது என அறிக்கை கூறுகிறது.

2024 ஆம் ஆண்டின் முதல் மூன்று மாதங்களில், முதல் 7 நகரங்கள் சுமார் 1,10,865 புதிய சொத்துக்களை அறிமுகப்படுத்தியுள்ளன, இது கடந்த ஆண்டு இதே Q1 காலாண்டில் 1,09,570 யூனிட்களாக இருந்தது. அதாவது இது 1% அதிகரிப்பு மட்டுமே. பெரும்பாலான புதிய சொத்துக்கள் மும்பை, ஹைதராபாத், புனே மற்றும் பெங்களூரில் தொடங்கப்படுகின்றன.

2023 ஆம் ஆண்டின் Q1 காலாண்டுடன் ஒப்பிடுகையில், 2024 ஆம் ஆண்டின் Q 1 காலாண்டில் மொத்த வீடுகளின் எண்ணிக்கை 7% குறைந்துள்ளது என அறிக்கை கூறுகிறது.