ஏர்டெல்-ஐ ஓரம்கட்டிய ஜியோ.. வாடிக்கையாளர் எண்ணிக்கையில் புதிய உச்சம்..!

இந்திய டெலிகாம் சந்தையை சரிவில் இருந்து மத்திய அரசு தனது தளர்வு திட்டங்கள் மூலம் காப்பாற்றிய நிலையில் அனைத்து டெலிகாம் நிறுவனங்கள் நிலையான வளர்ச்சி அடைந்து வருகிறது.

இந்நிலையில் ஏர்டெல் மற்றும் வோடபோன் ஐடியா நிறுவனங்கள் டெலிகாம் கட்டணத்தை உயர்த்த திட்டமிட்டு வரும் நிலையில் ஜூலை மாத வாடிக்கையாளர் எண்ணிக்கை தரவுகள் அனைவருக்கும் அதிர்ச்சி அளித்துள்ளது.

டெலிகாம் நிறுவனங்கள்

டெலிகாம் நிறுவனங்கள் மத்தியில் அதிகப்படியான போட்டி இருக்கும் நிலையில் ஜூலை மாதம் யாரும் எதிர்பார்க்காத வகையில் வாடிக்கையாளர் எண்ணிக்கையில் ஏர்டெல் மற்றும் வோடபோன்-ஐ மொத்தமாக ஓரம்கட்டியுள்ளது ரிலையன்ஸ் ஜியோ.

ஜியோ vs ஏர்டெல்

ஜூலை 2021ல் ஜியோ நிறுவனம் புதிதாக 6.1 மில்லியன் வாடிக்கையாளர்களை பெற்று மொத்த வாடிக்கையாளர்கள் எண்ணிக்கை 347 மில்லியனாக அதிகரித்துள்ளது. இதேபோல் ஏர்டெல் நிறுவனம் சுமார் 2.3 மில்லியன் வாடிக்ரையாளர்களை பெற்றாலும் மொத்த ஆக்டிவ் வாடிக்கையாளர் எண்ணிக்கை 346 மில்லியனாக உயர்ந்துள்ளது.

ஆக்டீவ் வாடிக்கையாளர்கள்

பொதுவாக ஆக்டீவ் வாடிக்கையாளர்கள் எண்ணிக்கை அடிப்படையில் தான் ஒரு டெலிகாம் நிறுவனத்தின் வருவாய் மற்றும் வர்த்தகம் இருக்கும், இதன் மூலம் ஜூலை வாடிக்கையாளர்கள் எண்ணிக்கை பொருத்து ஜியோ மிகப்பெரிய அளவிலான அதிக்கம் செலுத்தி வருகிறது.

ஜியோ ஆதிக்கம்

சந்தையில் பிற நிறுவனங்களை காட்டிலும் ஜியோ நிறுவனத்தில் டெலிகாம் கட்டணம் குறைவாக இருக்கும் காரணத்தால், ஜியோ போன் விற்பனை சிறப்பாக இருக்கும் காரணத்தாலும், இண்டர்நெட் டேட்டை விலை மிகவும் குறைவாக இருக்கும் காரணத்தாலும் வாடிக்கையாளர் எண்ணிக்கை தொடர்ந்து அதிகரித்து உள்ளது.

35 சதவீத சந்தை

ஜியோ நிறுவனத்தின் ஜூலை வாடிக்கையாளர்கள் எண்ணிக்கை அதிகரித்துள்ளது மூலம் மொத்த சந்தையில் சுமார் 35 சதவீத சந்தையை ஆதிக்கம் செலுத்துகிறது. இது ஜியோ தனது வர்த்தகத்தை நிலை நிறுத்தவும் ஆதிக்கம் செலுத்தவும் சாதகமான வாய்ப்பை உருவக்கியுள்லது.

வோடபோன் ஐடியா

மேலும் வோடபோன் ஐடியா நிறுவனத்தில் ஜூலை 2021ல் 3.3 மில்லியன் வாடிக்கையாளர்களை இழந்து மொத்த எண்ணிக்கை 238 மில்லியனாக உள்ளது. இதன் மூலம் மொத்த ஆக்டிவ் வாடிக்கையாளர் எண்ணிக்கை 24.06 சதவீதமாக குறைந்துள்ளது.

தொடர் சரிவு

வோடபோன் ஐடியா நிறுவனத்தின் வாடிக்கையாளர் எண்ணிக்கை 32 மாதங்களாக தொடர்ந்து சரிந்து வருகிறது என்பது மிகவும் முக்கியமான ஒன்று.